Mæna 2010

87.
Prentsmiðjan Oddi styrkti nemendur
við Listaháskóla Íslands með prentun
tímaritsins Mænu. Við kunnum þeim
bestu þakkir fyrir.
Prentsmiðjan Oddi var stofnuð 1943 og hóf
þá starfsemi í Ásmundarsal við Freyjugötu.
Nafnið var sótt í frægt menntasetur á Rangárvöllum.
Haustið eftir flutti prent smiðjan að
Grettisgötu 16 og var fyrirtækið rekið þar til
ársins 1968, en þá flutti Oddi að Bræðraborgarstíg.
Húsnæðið var þó að mörgu leyti óhagkvæmt
fyrir prent smiðjurekstur og því var
ákveðið árið 1979 að byggja eigið húsnæði
á lóð við Höfða bakka 7. Starfsmenn fyrirtækisins
eru nú um 60 talsins.
Árið 2008 var rekstur Prentsmiðjunnar Odda,
Prentsmiðjunnar Gutenberg og umbúðavinnslu
Kassagerðarinnar sameinaður undir
merkjum Odda. Prentsmiðjan Oddi er nú í
hópi fullkomnustu og fjölhæfustu prentsmiðja
á Norðurlöndum. Eitt af óvenjulegustu verkefnunum
sem Oddi hefur unnið að er bók fyrir
glerverksmiðju þar sem þeir notuðu gler sem
bókakápu. Hugmyndin að því hafa glerkápu
utanum bókina kom fram strax í upphafi.
Ýmsar pælingar fóru í gang, en niðurstaðan
varð að þetta væri einfaldlega ekki framkvæmanlegt
fyrir öll 40.000 eintökin. Á
endanum var ákveðið að framleiða 15 eintök
þar sem kápan var sérunnin í gler, en hinar
kápurnar voru gerðar á hefðbundinn hátt.
Ýmislegt þurfti að skoða sérstaklega við gerð
glerkápunnar þar sem þetta var vægast sagt
óhefðbundið verkefni. Glerið sjálft var sérstaklega
valið með það í huga að það myndi
ekki molna í þúsund mola ef það brotnaði,
og því varð öryggisgler frá Glerborg með
plastfilmu í fyrir valinu. Glerkápan var svo
þung að huga þurfti að sérstakri styrkingu
á saurblöðunum og finna þurfti viðeigandi
lím til að líma saman glerið og pappírinn. Þá
þurfti að slípa glerið á þeim flötum sem límið
var borið á svo það næði viðloðun. Glerslípun
og Speglagerð sáu síðan um að sandblása
munstur og texta á glerið. Bækurnar með
glerkápunum voru gefnar stjórnarmönnum
og eigendum Andersen verksmiðjunnar
í Bandaríkjunum.