You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
инГОЖ<br />
№ 70 (<strong>25685</strong>)<br />
3<br />
2018-тӥ ар 18-тӥ куарусён<br />
ШАЕРТОДОН<br />
Горд нылаш сярысь<br />
Автобиографической произведениослэн историын интызы<br />
Елена МИННИГАРАЕВА<br />
Берло дыре чеберлыко<br />
литератураез<br />
лыдӟыны дыр шергес<br />
шеде. Но Лидия<br />
Будогоскаялэсь «Повесть<br />
о рыжей девочке»<br />
автобиографической<br />
гожтэмзэ (6+)<br />
огшокчемен лыдӟи.<br />
Произведениын вераськон<br />
мынэ даур<br />
талэсь азьло Сарапулын<br />
улэм горд нылаш<br />
сярысь.<br />
Четлыкын<br />
Произведение бадӟым<br />
ӧвӧл. Вераськон мынэ 1912-<br />
тӥ арын луэм учыръёс сярысь.<br />
Нырысетӥ чуръёсысеныз<br />
ик книга бордаз кыске<br />
но уг ни лэзьы. Зэм, со<br />
горд йырсиё удмурт нылаш<br />
сярысь ӧвӧл, повестьын удмурт<br />
нылаш вань ке но.<br />
Произведение секыт семья<br />
кусыпъёс, кивалтыны<br />
яратӥсь атайлэн зӥбетэз,<br />
али ӝужась яратон, сое лёган-саптан<br />
но астэ дунъяны<br />
быгатон сярысь.<br />
Повестьлэн валтӥсь героиняез<br />
- 13 аресъем Ева.<br />
Со дышетске Сарапулысь<br />
гимназиын. Атаез - жандарм,<br />
городысь югдурез<br />
утёнъя бадӟым кивалтӥсь.<br />
Семьязэ но мыжыказ кырмыса<br />
возе. Таӵе улонэз чидатэк,<br />
кузпалыз пегӟе.<br />
Атай юртын Евалэн одӥг<br />
гинэ утисез - песянаез. Но<br />
тазэ но лек атай дорысьтызы<br />
улляса лэзе.<br />
Налаш ялан кышкаса<br />
улэ:<br />
«Кемалась, Ева пичи<br />
дыръя ай, атаез жугиз солэсь<br />
нянязэ. Няня ачиз но<br />
пичи нылаш вал ай, ӟызы,<br />
шыр быж кадь векчи йырси<br />
пунэтэн. Огпол, нокинлэсь<br />
юатэк, со сакырез басьтэм.<br />
Атай бадӟым мыжыкеныз<br />
ымныраз сётӥз ук! Шимес<br />
суредэз адӟыса, Евалэн<br />
быдэс мугорыз куалекъяны<br />
ӧдъяз. Со дырысен Ева<br />
атаезлэсь кышка. Ваньзы<br />
кышкало атаезлэсь. Нуналлы<br />
быдэ атаез доры бумага<br />
папкаосын лыктэ писарь.<br />
Кабинетэ со пыдчиньы<br />
йылаз гинэ пыре, сапегъёсыз<br />
медаз ӟукыртэ.<br />
Атаез сое но одӥг пол бамаз<br />
мыжгиз...»<br />
Ева кемалась дорысьтыз<br />
кошкысал ни, но атаезлэсь<br />
кышкан возе сое.<br />
Берпуметӥ осконэз - анаез.<br />
Солы гожтэт гожтӥ ке,<br />
монэ валалоз, дораз басьтоз.<br />
Но анаез нылызлы<br />
юрттыны уг быгаты, чиданы<br />
гинэ куре: мон туж ёрмыса<br />
улӥсько, нош атаед<br />
дышетоз, дӥсялоз - чида...<br />
Евалы табере эшшо секыт,<br />
угось со вала: анаез сое сокем<br />
юн уг яраты вылэм,<br />
туж яратысал ке, номыр<br />
шоры учкытэк, басьтысалыз<br />
ук...<br />
Быдэ вуымтэ нылашез<br />
гимназиын ялан серем<br />
каро горд йырсиез но «шушань»<br />
луэмез понна, дораз<br />
но со - четлыке шедем тылобурдо.<br />
Эшшо ке атаез вае<br />
выль егит кышно. Таиз но<br />
пал кыл но пумит вераны<br />
уг дӥсьты.<br />
Произведенилэн кутсконаз<br />
шӧдӥськиз на: Евалэн<br />
атаез нылыз сярысь<br />
ас сяменыз сюлмаське,<br />
урод пиналъёс пӧлы медаз<br />
шедьы, «витьёслы»<br />
гинэ мед дышетскоз, нялтас<br />
гинэ мед кариськоз.<br />
Но пумен-пумен со нылзэ<br />
адӟемпотостэм каре, лёга<br />
Евалэсь нырысетӥ яратонзэ,<br />
серем каре ненег мылкыдъёссэ.<br />
Быдэ вуымтэ<br />
нылаш кытчы пырон инты<br />
уг ни шедьты, шуак пуштэ<br />
- атаезлы пумит султыны<br />
но дорысьтыз пегӟыны<br />
дӥсьтэ.<br />
Дорын - кезьыт,<br />
куноын - шуныт...<br />
Огласянь, произведенилэн<br />
сюжетэз огшоры гинэ.<br />
Но отысь суредъёс син азе<br />
туж яркыт пуксё. Дауръем<br />
висэз пичи но уд шӧдӥськы,<br />
произведение али гинэ<br />
гожтэмын кадь. Нырысь<br />
ик, со вакытысь Кам шур,<br />
Сарапулысь ульчаос, инкуазь...<br />
Г. Фитингофлэн суредъёсыныз<br />
книгалы лыдӟись тужгес синмаськиз.<br />
Монэ, валамон ини, бордаз<br />
кыскизы удмурт калыкен<br />
герӟаськем детальёс,<br />
адямиос, мурт синмын асьме<br />
шоры учкон. Евалэн<br />
тужгес матысь эшез - Дэбес<br />
черкогуртысь Нина Куликова.<br />
Текстын шуэмын:<br />
«Нина Куликовалэн анайатаез<br />
улӥзы Дэбес черкогуртын...<br />
Ниналэн атаез<br />
отысь больницаын фельдшер<br />
вал. Быдэс тол ӵоже<br />
Нина городын вуриськисьлэн<br />
квартираяз огназ улӥз,<br />
гужем гинэ дораз бертылӥз.<br />
Нина Еваез дораз, Дэбесэ,<br />
гужемлы куное ӧтиз. Евалэн<br />
туж потӥз мынэмез. Но<br />
со кышкалляз - атаез уз лэзьы.<br />
Но атаез соку ик лэзиз,<br />
чик малпаськытэк... Нырысь<br />
мынӥзы пароходэн,<br />
собере - паськыт бусыостӥ<br />
зуркась тарантасэн. Черкогуртын<br />
Ниналэн анай-атаезлэн<br />
юртсы - пичи гинэ пу<br />
корка. Укноос пичиесь, выж<br />
быдэсак половикъёсын шобыртэмын.<br />
Кухняын - ӟуч<br />
гур. Ниналэн анаез шыдэн<br />
яке ӝукен горшокез кузь<br />
ухватэн кутэ но гуре донге.<br />
Азбарын курегъёс ӵашето,<br />
ӟазегъёс кесясько, ыжъёс<br />
ларго... Кыдёкын ик ӧвӧл,<br />
бакчаос сьӧрын, - чылкыт<br />
шур но тӧдьы сяська возь.<br />
Быдэс нуналъёсын Нина но<br />
Ева шурын пыласько, йырсиоссэс<br />
лэзьяса, возь вылтӥ<br />
уйылӥськыса шудо, бызьыло.<br />
Ниналэн атаез соосты<br />
сьӧраз нюлэскы нуллэ...»<br />
Ева туж вожъяське<br />
эшезлэн семьяезлы, огогзэс<br />
валаса улэмзылы,<br />
синмаське ужаны быгатэмзылы.<br />
Озьы туж тунсыко<br />
возьматэмын гуртын<br />
но городын улӥсь нылъёс.<br />
Одӥгез начаргес улэ, но семьяязы<br />
яратон кузёяське,<br />
мукетыз семья узыр ке но,<br />
туж кезьыт.<br />
Огпол чидантэм секыт<br />
луиз но, Ева кӧлыны<br />
эшез доры пегӟиз. Ниналэн<br />
пичи гинэ патераз берытскон<br />
интыез ӧвӧл, но,<br />
паймоно кадь, татын шоканы<br />
ик капчигес. «Со (Нина)<br />
соку ик пельнянь лэсьтыны<br />
кутскиз. Нина - шаплы нылаш:<br />
пӧраськыны но, дӥсь<br />
но, выж но миськыны быгатэ.<br />
Ваньмызлы талы Нинаез<br />
дышетӥз вотячка мумиз.<br />
Дэбесэ куное ветлыкуз,<br />
Евалы туж кельшиз Ниналэн<br />
анаез. Гуртысь огшоры<br />
нылкышно, кышетэн,<br />
гань-гань, туж лякыт. Атаез<br />
но - фельдшер - кельшиз.<br />
Со малпаськись тусо, чыртыез<br />
ошпилэн кадь зӧк, но<br />
ачиз туж лякыт. Евалэн но<br />
Ниналэн кадь анаез-атаез<br />
луысалзы ке, нылаш вӧй<br />
пӧлын сыр кадь улысал...<br />
- Нокытчы но татысь<br />
уг кошкы, - шуиз Ева, -<br />
ӵукнаозь татын уло, ӵуказе<br />
коть ньӧрын мед жугозы...»<br />
Уртчись вакытлэн<br />
шукыяз<br />
Повесть шӧдтэк шорысь<br />
быре - дорысьтыз пегӟем<br />
но Сарапулысь Петербурге,<br />
песянаез доры, вуэм Ева<br />
тодэ: атайзэ, Воткинскысь<br />
заводын пуромем бунтэз<br />
пачкатыны мынэм муртэ,<br />
рабочийёс виё...<br />
Тае лыдӟем бере йырын<br />
пӧртэм мылкыдъёс бергало.<br />
Одӥг ласянь, туж потэ<br />
на вал тодэм: нош мар<br />
бӧрысь луиз геройёсын?<br />
Мукет ласянь, тунсыко вал<br />
революцилэсь азьвыл шаерамы<br />
ортчем ужъёсты<br />
пуш ласянь адӟыны. Историкъёслэн<br />
верамысьтызы<br />
ӧвӧл, тани тазьы, быдэ вуымтэ<br />
ныллэн синмыныз.<br />
Но Евалэсь (Лидия Будогоскаялэсь)<br />
азьланяз<br />
улонзэ мон, биографизэ<br />
лыдӟыса гинэ, тодӥ ни. Л.<br />
Будогоская вордӥськем 120<br />
ар талэсь азьло, 22-тӥ ноябре,<br />
Польшаысь Плоцк городын,<br />
ӟуч офицерлэн семьяяз.<br />
Семьязы пӧртэм<br />
городъёсын улэм: Златоуст,<br />
Калуга, Кронштадт,<br />
Сарапул... Нылаш ёрмонэз<br />
адӟытэк будэ, кунгож<br />
сьӧры но пичиысен вуылэ<br />
(Дрезден, Берлин но мукет<br />
городъёс). Озьы ке но, туж<br />
лек атаен улыса, со зэмос<br />
шунытэз уг адӟы.<br />
Нырысетӥ дунне ожмаськон<br />
дыръя Л. Будогоская<br />
госпитальёсын ужа.<br />
Нош собере кема ужтэк<br />
пуке. Но уг ыштӥськы,<br />
Выль ар шудонъёс лэсьтыны<br />
ӧдъя, Эдик выныныз<br />
ӵош соос пичи гномикъёссэс<br />
лавкае вузаны сётъязы,<br />
со пичи коньдонэн улӥзы.<br />
Бӧрысь Л. Будогоская ужа<br />
трикотажной фабрикаын<br />
вуриськисьын, молочной<br />
кухняын, нуны утисьын...<br />
Кыкетӥ дунне ожмаськон<br />
дыръя фронтэ кошке.<br />
Л. Будогоскаяез туж<br />
дунъя вылэм Самуил<br />
Маршак. Та писательлэн<br />
ӝуткамезъя ик Л. Будогоская<br />
рос-прос гожъяськыны<br />
кутске, «Повесть о рыжей<br />
девочке» произведенизэ<br />
дася. Нырысьсэ книгаен<br />
со потэ 1929-тӥ арын.<br />
«Повесть о рыжей девочке»<br />
произведениысь геройёс<br />
- со вакытысь зэмос<br />
адямиос. Соин ик йырысьтым<br />
нокызьы уг поты повестьысь<br />
Нина Куликова.<br />
Валамон, али со улэп уз ни<br />
луы. Соку, оло, выжыоссэ,<br />
нылпиоссэ шедьтоно?<br />
Удмуртъёс ортчем даурлэн<br />
кутсконаз туж ик<br />
ӧз яратэ интыысь интые<br />
кӧчылыны. Гимназиын дышетскем<br />
нылаш дораз ик,<br />
Дэбесэ, бертӥз, дыр. Оло, со<br />
отын школаын ужаз? Оло,<br />
Дэбесын вань на солэсь<br />
фельдшер атайзэ тодӥсьёс?<br />
Жаляса верано, Дэбесысь<br />
шаерчиос мыным<br />
юрттыны ӧз быгатэ. Со вакытъёсысь<br />
архивъёс, пе,<br />
утиськемын ӧвӧл. Улонысь<br />
кошкиллям ни азьвыл<br />
больница вӧзын улӥсь пересьёс<br />
но.<br />
Сарапулысь шаерчи Татьяна<br />
Пеганова произведениысь<br />
куд-ог геройёслэсь<br />
выжызэс шедьтэм, нош<br />
Нина Куликовалэсь - ӧвӧл.<br />
Зэмос улонын, пе, солэн нимыз<br />
Ольга Куликова вал,<br />
дыр... Но мынам малы ке<br />
осконэ уг ышы. Утчаськом<br />
на, шуо, Дэбесысь шаерчиос<br />
но. Зэм, вакытэз соку туж<br />
бугырес вал - революция,<br />
Граждан ож, коллективизация,<br />
репрессиос... Кин<br />
тодэ, кытчы улон вуттӥз<br />
дышетскем нылашез? Оло,<br />
горд нылаш сярысь книгаысь<br />
удмурт ныллэн нылпиосыз,<br />
нунокъёсыз мукет<br />
ёросын, городын уло? Ми<br />
куриськом лыдӟисьёслэсь<br />
юрттэт...<br />
Аслаз Лидия Будогоскаялэн<br />
нылпиосыз ӧй вал.<br />
Одӥг гинэ вынызлэн выжыосыз<br />
али Израильын<br />
уло.
Change language