You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№ 70 (<strong>25685</strong>)<br />
6 2018-тӥ ар 18-тӥ куарусён<br />
инГОЖ<br />
АНАТОЛИЙ ПЕРЕВОЗЧИКОВ<br />
Сьӧлыктэм сьӧлык<br />
Кузьмадёсысь люкет<br />
Саптар Миколлы армие<br />
мыныны повестка вуиз. Микол<br />
шумпотэ, нош мумиз чигиське.<br />
Угось Педосьяпайлэн<br />
со - шудтэм шудэз, шуг-секыт<br />
зорлэсь утись липетэз. Санаторие<br />
ветлыкуз, сьӧлыказ<br />
со. Инмарлы оске ке но, уг<br />
ӧпкельы. Инмар картэн улыны<br />
шудзэ ӧз сёты угось. Нош<br />
сяськаез, емыш сётытэк,<br />
тӧлӟе ни вал.<br />
Гур т пичи. Синмаськымон<br />
воргоронъёс ӧвӧл.<br />
Йӧноосыз кышнояськемын.<br />
Отӥыз я юо, я сямзы керӟег, я<br />
пытсэт сьӧры сюрылэмын…<br />
Ӧвӧл ке ӧвӧл мед луоз<br />
ини. Марлы удалтымтэ картэн<br />
курадӟод, висисьтэм йыре<br />
кышет керттод? Кудӥз бен<br />
газетэ ялон но сётъя, лэся.<br />
Сыӵеослы инмысь шуд кизили<br />
но усьылэ, шуо. Но Педосья<br />
выжыкыллы кемалась уг<br />
оскы ни. Ма, со егит ӧвӧл ни<br />
ук! Ньыльдонэз матэктэ…<br />
Синучкон азе султылыкуз,<br />
ымныр туссэ учкылыкуз,<br />
ӵемысь но ӵемысь выль кисыриоссэ<br />
синйылтылэ. Иське,<br />
ӧсаз мӧйымон йыгаське<br />
ни. «Улонэдлэсь ортчемзэ<br />
но тазьы уд шӧды, ява, - куалектэ<br />
со. - Вань дауредлы<br />
тӧлопу кылёд…» А ведь учконтэм<br />
шуш но ӧвӧл. Питырес<br />
ымныро. Куд-ог шушмараослэн<br />
сямен, бам бусыяз синазькыль<br />
пужы но киземын<br />
ӧвӧл. Синмыз чагыр - кинайчача<br />
но кинайчача! Бамъёсыз,<br />
тужгес но кырысь пыремез<br />
бере, горд-горд вуэм улмоос<br />
кадесь. Ымдурыз - льӧль<br />
эмезь… Мугорыз но веськрес<br />
на. Конешно, дуринчи куско<br />
модной нылъёслэн кадь ик<br />
уд шуы, но чылкак синмаськонтэм<br />
ӧвӧл на ай. Вылтус<br />
бен нырысь интыын луыны<br />
но кулэ ӧвӧл. Шуо ук: книгаез<br />
вылызъя уг, пуштросэзъя<br />
дунъяло. А ведь со нырысь<br />
ик вылтусызъя син шоры<br />
йӧтэ. Ма, адями но озьы ик.<br />
Дӥсезъя сое пумитало, визезъя<br />
келяло…<br />
Тӥни озьы, ныл чеберезлэн<br />
бездэмезлэсь кышкаса,<br />
Педосья, Инмарлэсь «алэмзэ»<br />
кылзытэк, сьӧлыке пыриз.<br />
Пыриз ке пыриз вылэм ай<br />
но, гуртысь карто кышноослы<br />
туж бадӟым шугъяськон<br />
Анатолий ПЕРЕВОЗЧИКОВ - Удмуртиысь<br />
Писательёслэн огазеяськонзылэн<br />
ёзчиез<br />
Туспуктӥз Максим ЕГОРОВ<br />
вайиз. Педосьялэсь бадӟым<br />
пуйы кадь пельтӥськем кӧтсэ<br />
адӟыса, соос котькудӥз сямен<br />
ас кузпалзэс сьӧлыкоен<br />
лыдъяны ӧдъязы. Йырзэс<br />
тӥяло, тодазы ваё, ку, кытын<br />
ӝегаз вал картсы, ку мурт<br />
бакчае кожаны, «шыраны»<br />
вис шедьтӥз. Керетонзы, тупамтэ<br />
дыръязы шат меда?..<br />
Соин ик туж чидатэк витизы<br />
Педосьялэсь вордэмзэ -<br />
гурезлэсь куашкамзэ.<br />
Тани Тимок Пекла но<br />
картсэ - Олёшсэ - олокӧня пол<br />
юмоке вуттылӥз ини:<br />
- Инмар, Инмар понна,<br />
кӧты шӧдэ, тынад, тынад<br />
со «кузьымед», Олёш. Гур<br />
пуктӥд вал Педосьялы. Кыктой<br />
со дорын уйшорозь «кунояд».<br />
Али чакласько-лыдъясько<br />
но - ӵапак укмыс толэзь<br />
талэсь азьло вал ук!.. У-у, калера<br />
басьтон, кӧттырмостэм<br />
ошак! Ас коркасьтыд сиён берекеттэм,<br />
иське. Муртлэнэз<br />
зумытгес потӥз-а?..<br />
Олёшез, кытчы пырыны<br />
инты шедьтытэк, шонере потыны<br />
тырше:<br />
- Да ӧй вал милям номыр<br />
но. Мар кулэтэмзэ зулиськод?<br />
Уд ке оскиськы, кирос<br />
поно…<br />
Пеклаез, оло, эшшо зол<br />
«тачыртыны» ӧдъя. Малпалод,<br />
пӧсь табае вӧй<br />
кисьтӥськиз:<br />
- Я, мынэсьтым ке кепыр<br />
вайыны уд валаськы, нылпиосыдлэсь<br />
коть возьдаськы<br />
вал. Соос бадӟымесь ни ук,<br />
ваньзэ валало… Тани, тани<br />
ӝоген сьӧлыкед, семьяедлы<br />
гинэ ӧвӧл, быдэс гуртлы тодмо<br />
луоз. Ой, мар возьыт та,<br />
мар возьыт! Аслад ке ымнырад<br />
сурон лякемын, мынамез<br />
азьло ик тылын ӝуа ини…<br />
Ой, Инмаре-Кылчинэ! Кызьы<br />
гурт калык азе но поталод<br />
на ай? Возьдаськыса му<br />
пыр виялод ук!..<br />
Педосья, нылпи вордыса,<br />
эмъяськонниысь бертӥз гинэ<br />
- гурт кышноос со доры, мавзолее<br />
сямен, огзы бӧрсьы мукетыз<br />
кыстӥськизы ни. Кузьмаськыны,<br />
пе. Огез шудон<br />
басьтыса вае, мукетыз - дӥсь,<br />
кутэт…<br />
Педосьялэн мумиз, Губыр<br />
Сандра, чылкак паймиз гуртоосызлэн<br />
таӵе шырыт луэмзылы.<br />
Азьвыл ке копейказэс<br />
но пунэмен уг сёто вал, чурытало.<br />
Олокыӵе но муг шедьтыса,<br />
ваньзэ но ӧвӧл шуыны<br />
турттылӥзы. Табере ке -<br />
ме, дунтэк сомында кузьым<br />
ваё. «Кема улӥд ке, оломае но<br />
адӟод, ява, - нёжтэ со. - Ма, та<br />
адямиос укыр бай луизы-а,<br />
мар-а? Узырлыксэс кытчы<br />
карыны уг тодо ни шат?»<br />
Тани Пекла но Саптаръёс<br />
доры вуиз. Талэсь азьло магазинэ<br />
пыраз. Дунтэмзэ бырйыса,<br />
нуны дӥсь басьтӥз.<br />
Ӧжыт бадӟымгес ке но, сокем<br />
ӧз ӝожомы: пинал будоз<br />
ай. Ма, собере аслыз ӧвӧл ук!..<br />
Солы Педосья доры мыныны<br />
муг гинэ кулэ. Адӟоно! Зэмзэ<br />
ик-а солэн пиез Олёшезлэсь.<br />
Уть ай, картэз пурт кадь<br />
танӥське, му пыр виян. Инмар<br />
кариськыны турттэ. Мынэсьтым,<br />
кылчинлэсь сямен<br />
ик, вень йыл быдӟа но шекме,<br />
пе, уг ватӥськы. Сечас, сечас<br />
рентгенэн выллем адӟиськоз,<br />
ваньмыз шараяськоз.<br />
Та пиослы оскы гинэ,<br />
соос тыныд син вылад буёло<br />
очки понозы но асьмелэн<br />
ваньмыз умой, мусое, шуыса<br />
кырӟалозы. Яке ӟуч сямен<br />
ке: «Всё корошо, прекрасная<br />
маркиза, всё корошо, всё корошо!»<br />
А кинлы «корошо»?<br />
Мыным-а? Уез изьытэк потам<br />
- со умой-а? Самой матысь<br />
адямиед тонэ вуза ке,<br />
кызьы шуо, «с потроками»…<br />
- Корка пась бере, кинэз ке<br />
но вань, дыр, шуыса пырисько,<br />
- чырткемъяськем интые,<br />
куара поттӥз Пекла.<br />
- Вань ай, вань, - пырись<br />
муртлы гур азь палась потон<br />
сяменыз вазиськиз Губыр<br />
Сандра. Сыӵе ӧлексы вордскемысьтыз,<br />
гуртын сое пичиез<br />
но, бадӟымез но тазьы<br />
шуэ. Со вожзэ уг вайы ни.<br />
Мар бон карод, Инмар сыӵе<br />
вордэм бере. «Кыӵе вань!<br />
Сыӵеен адӟемез потӥз, дыр»,<br />
- малпа Сандӥ.<br />
Гуртын солы одӥг урод<br />
сямо адями но ӧвӧл кадь. Ваньмыз<br />
шоры ӟеч мылкыдын,<br />
либыт вазе. Керӟегъяськемзэ<br />
но кин ке кылӥсь вал меда?<br />
Со лек кылъёсты уг ик тоды,<br />
оло. Инмар Сандӥез ӧлексы<br />
вордэмысь, калык сое жаляны<br />
кулэ кадь. Нош луэ чылкак<br />
мукет сямен: Сандӥ ачиз<br />
гуртысь котькуд муртэ самой<br />
матысь лул, ӵыжы-выжы,<br />
бӧляк каре. Со понна дуннеын<br />
мурт адями ик ӧвӧл, лэся.<br />
Тани Пеклаез но Губыр<br />
Сандра матысь ӵыжывыжызэ<br />
выллем пумитаз. Верамаз<br />
вань сюлэм шунытсэ<br />
ватсаз кадь.<br />
- Пуксьы, пуксьы, Пекла.<br />
Лулдэ ӝамак шутэты, дуное.<br />
Сюресэд вамышъямон:<br />
уллапалась валлапала тубон<br />
- коркась азбаре потон кадь<br />
гинэ ӧвӧл…<br />
- Озьы, озьы, Сандрапай.<br />
Егит дыръя тыбырысь юэн<br />
мешокез но шӧдыны уг луы<br />
вал, табере ас арлыдъёсыд<br />
гинэ но секыт ныпъет кадь<br />
пото ни.<br />
- Коркамылэсь борддоръёссэ<br />
зарни куараеныд шумпоттэмед<br />
туж кемалась ни<br />
вал. Вера, вера, Пекла, куара<br />
либытлыкедлэсь сюлэм<br />
мед няськалоз… Малпасько,<br />
такеме тӧлэз ӵыжан понна<br />
гинэ ӧд лыкты, дыр. Вань,<br />
дыр, кыӵе ке но мугед.<br />
- Ма, муге со гинэ. Ӟеч<br />
ивор гур вылын уг пукы,<br />
шуо. Со коркась корка ветлэ,<br />
котькудзэ шумпоттыны дыртэ.<br />
Мон доры но тани вуиз но<br />
- тӥ дӥне вуттӥз. Куке но соку<br />
- огпалангес улыкумы - пичи<br />
дырмы Педотчаен ӵош ортчиз.<br />
Ӵош шудӥм-голектӥм,<br />
гольык пыд бызьылӥм…<br />
Куддыр шудонъёсмы но одӥг<br />
луо вал. Ӧм керетэ, уртче<br />
шудылӥмы…<br />
Али кадь син азям на, коркады<br />
уллапалан гурезь бамалын<br />
сылыку, укно улады<br />
милям, пичиослэн, «садикмы»<br />
вал, шуыны луоз. Мар<br />
но ӧм карылэ ми отын, кызьы<br />
но ӧм шудылэ! Татчы<br />
уго (котыр лымы луэ ай вал)<br />
«гужем» самой вазь вуылӥз.<br />
Укно улэ шунды жалятэк<br />
пӧсь тылсизэ кисьтӥз. Милемыз,<br />
пичи нылпиосты, шуныт<br />
киосыныз анай сямен вешалляз,<br />
нош коркады кезьыт<br />
уй тӧллэсь атай выллем сайялляз…<br />
Ачиз бон Педотча татын<br />
ӧвӧл шат?..<br />
- Ма, ужаны потӥз ини со.<br />
Кык кузя нылпи утьыса коркан<br />
уд пукы ук! Кинлы ке но<br />
семьяез но сюдоно…<br />
Со вискын пичи нуны сайказ<br />
но бӧрдыны ӧдъяз. Губыр<br />
Сандра висъет сьӧры дыртӥз.<br />
Но ӝоген, кутэтэн бинялтэм<br />
нылпиез зыбкаысьтыз басьтыса,<br />
ки вылаз лэчкатыса,<br />
Пекла доры потӥз. Ӧтьымтэ<br />
кунолы та ик кулэ вал: со кучыранлэн<br />
кадь лэчыт синмыныз<br />
вож нунылэн ымныраз<br />
мертчиськиз. Миськем<br />
бусы сяртчы кадь нылпиез<br />
сӥсъяса ик учке: Олёшезлэн<br />
ик-а кисьтэм-басьтэм тусыз?..<br />
Нош Губыр Сандра, оло,<br />
солэсь мылкыдзэ шӧдыса-а,<br />
син усёнлэсь но кӧбератэк<br />
(зэм, пичиезлэн кымыс шораз<br />
суэн вишты пуктэмын<br />
ик), нунылэсь йырзэ выллань<br />
ӝутэ, уката адӟиськымон<br />
каре…<br />
Огпол но, кык пол но учкиз<br />
Пекла нуны ымныр шоры<br />
- Олёшезлэсь номырзэ но ӧз<br />
синйылты. Бератаз со, аслыз,<br />
ас синъёсызлы оскытэк, Инмарлэн<br />
куинь кылыз шуыса,<br />
куинетӥзэ учыртӥз на. Собере<br />
гинэ, гадь вылысьтыз секыт<br />
из усьыса кадь, капчияк<br />
лулӟиськиз но пильмаськем<br />
мылкыдыз сайкыт лыз<br />
ин выллем чагыраз, асьыказ.<br />
«Иське, ӧвӧл, ӧвӧл та нуны<br />
Олёшелэсь! - шумпотӥз Пекла.<br />
- Юнме вожаса улӥськем.<br />
Сомында лек кыл зори картэ<br />
вылэ, кӧня ӟури, кӧня ултӥяй<br />
сое! Бертыса, Инмарлэсь сямен<br />
ик, пыдесъяськыса прощение<br />
курытэк уз луы…<br />
* * *<br />
Нош со вакыт саптаръёслэн<br />
пичи нунызы каллен<br />
будӥз, покыль-покыль луиз,<br />
серекъяны кутскиз. Педотча,<br />
азьвыл сямен ик, колхозысь<br />
фермае скал кыскыны, сюдыны<br />
ветлэ. Ужез секыт ке но,<br />
ымнырысьтыз пальпотонэз уг<br />
кысылы. Уго фермаын но муспотон<br />
пиезлэн тусыз син азяз<br />
улэ. Эшъёсыз вазьыку но,<br />
куд-ог дыръя соосты уг кылы.<br />
Кыкетӥзэ кеськыса верало ке,<br />
куаляк потэ… Со понна ужзэ<br />
быдэстэ, йылса ни ке, дор палаз<br />
бызьыса сямен, спортсмен<br />
кадь, туж шаплы лашкинтэ.