ud#54 (25767)

КРЕЗЬГУРО ФЕСТИВАЛЬ
4
№ 54 (25767)
2019-тӥ ар 23-тӥ пӧсьтолэзь
№ 54 (25767)
2019-тӥ ар 23-тӥ пӧсьтолэзь
5
«Тангыра» куноосты ӧтча
Богдан АНФИНОГЕНОВ,
Алина ЧЕРНОВА
Вашкала удмуртъёс, тангырае жугыса, Инмарлы вазиськылӥзы,
пӧртэм учыръёс сярысь, кылсярысь, тылпу потэм сярысь,
ивортылӥзы. Нош туала «Тангыра» анай кылынызы кырӟась рокгруппаосты,
рэп но поп быдэстӥсьёсты Ижкаре ӧтчалоз. Фестивале
Удмуртиысь, Башкириысь, Марий Элысь, Мордовиысь, Чувашиысь,
Татарстанысь артистъёс пыриськозы.
МОRТ (Удмуртия)
Аслыз кушем ним бырйыкуз,
Алексей Пикулев
вакчи но меӵ удмурт
кыл утчаз. «Мурт» кыллэн
2 пуштросэз: огласянь,
со адями, мукет ласянь,
ӟуч сямен вераса,
«чужой». Алексейлэн «чужой»
луэмез ӧз поты, соин
ик та кыллэсь вашкала
туссэ бырйиз, МОRТ луиз.
Удмурт эстрадаын аслаз
творчествоеныз висъяське,
крезьгуро дуннеямы
рэп но хип-хоп жанръёсты
пыртэ. Бадӟым саклык
висъя кырӟанлэн пуштросэзлы, кылбур крезьгурен огъя суред
кылдытыны кулэ, шуэ. Азьло МОRТ-лэн творчествоез
философской, малпаськытӥсь текстъёсын тырмемын вал,
али со дуннеысь трендъёслы матынгес луыны выре: поп
жанр пала берыктӥське. Озьы кырӟанъёсыз тросгес адямилы
тунсыко потыны кутскизы. Алексейлэн возьматэмез
потэ, удмурт крезьгур быдэс дуннеысь крезьгур модалэсь
бере уг кыльы шуыса.
bobolenin (Удмуртия)
bobolenin - 11-тӥ классын дышетскись
пияшлэн йыраз кылдэм кыл. Со огазеяз
малпанъёссэ, но нокыӵе пуштросэн ӧз
тырмылы. Али та кылын ассэ быдэс рокгруппа
нима, солэн азьветлӥсез - Кирилл
Кириллов. Валтӥсь вормонзы - группаын
но, кылзӥсьёс пӧлын но эшлыко омыр.
Крезьгурзылэн шӧмыз сярысь малпаськыны
кутскид ке, соку ик тодад ваёд Сиэтлысь
гранжез но «Нирвана» группаез.
«Зэмзэ ке, ми малпаськомы, музыкантъёс
сярысь трос вераськыны кулэ
ӧвӧл шуыса, соосты кылзоно, - верало
bobolenin-ёс. - Соин ик крезьгурмы сярысь
тӥ тросгес валалоды, милемыз
улэпкын кылзӥды ке».
Катерина Кенjали (Удмуртия)
Екатерина Самоделко
Кенjали кушем нимзэ тазьы
валэктэ: «Мон ас поннам
кытын ке турын пӧлын,
кенӟали сямен, ватӥськыса
улӥсько, кырӟан гожъясько,
берло ини кылзӥсьме
паймытӥсько». Зэм но, Катерина
сцена вылэ ӵем ик уг
пота, соин ик котькуд концертэз
учкисезлы дуно луэ.
Солэн кырӟанъёсаз удмурт
фольклорез но буддистъёслэсь мотивъёссэс шӧдыны луэ. Творчествозэ
Катерина импровизация шуэ: «Кылзӥсьёсылы кельше,
куке мон сцена вылын куараеным шудыны кутскисько».
Ольга Ипатова (Удмуртия)
Оля вордӥськиз Юкаменск
ёросын. Удмурт кылын
уг ке но вераськы,
сюлмыз кырӟаны удмурт
сямен куриське. Со сярысь
тросэз тодӥзы 2014-
тӥ арын «Элькуновидение»
вожвылъяськонэ пыриськемез
бере. Отын нылаш
«Кӧня пол» кырӟанзэ
быдэстӥз. Капчи мылкыдо
шулдыр гур егитъёслэн
йыръёсазы пыриз. Собере
Оля «Эктоника» проектэн ӵош кӧня ке кырӟанзэ гожтӥз
на. Берло вакытэ MORT-эн ӵош кырӟалля.
Евгения Аркова (Удмуртия)
Женя Удмурт кун
университетысь Удмурт
кылосбуръя, финно-угроведениея
но
журналистикая институтын
дышетске. Школаысен
ик сцена вылысь
ӧз кошкылы.
2016-тӥ арын «Шунды»
огазеяськонлэн
«Куарагур» вожвылъяськоназ
пыриськиз,
со нылашлы аслэсьтыз
кырӟанзэ гожтыны луонлык
сётӥз. Женялэн
ненег куараез но лэйкатӥсь гуръёсыз капчи, романтичной
мылкыд кылдыто.
2018-тӥ арын Женя «Мисс студенчества финноугрии»
вожвылъяськонын вормиз, отын жюриез удмурт
сям-йылолъёсты ӟеч тодэменыз, чебер кырӟаменыз
паймытӥз.
Богдан Анфиногенов (Удмуртия)
Богдан Анфиногенов
аслаз быгатонлыкъёсыныз
котыр ласянь ушъяськыны
быгатэ. Финляндиысь
М. Кастрен нимо
обществолэн литературая
премиезлэн лауреатэз
луиз, «Айшет будущего»
кылбур бичетсэ поттӥз.
Вотэс бамъёсын MTV
Udmurtia, «Удмурт кылбурчи»
огинъёсты нуэ.
Amiso Wott, «Малыми»
удмурт рок-группаосын кырӟалляз. Со сяна, аслаз но 2
бадӟым крезьгуро проектэз вань. Россиын но быдэс дуннеын
тодмо кырӟанъёсты удмурт сямен Ullapalla Boy кушем нимын
быдэсъя. Нош Мурӝол Underground проектэз удмурт
хип-хоплы сӥземын.
Shoner Paul (Татарстан)
Павел Александров -
Татарстанысь Бавлы ёросын
вордӥськем удмурт
пияш. Йылпумъяз Альметьевскысь
Ф. Яруллин
нимо крезьгуро училищеез,
Казаньысь Н. Жиганов
нимо консерваториез.
Нырысьсэ Паша аслэсьтыз
кырӟанзэ 2013-тӥ арын
«Эль ныл» фестивальын
быдэстӥз. 2017-тӥ арын
ӧжыт лыдъем калыкъёслэн «Евровидениязы» 3-тӥ инты
басьтӥз «Ваньмыз ортче» кырӟанэныз. Кырӟанъёссэ гожтыкуз,
пӧртэм крезьгуро стильёсты кутэ: транс, world music, этнопоп,
огазея соосты удмурт калык гуръёсын. Кырӟанъёсаз
бавлы диалектысь кылъёсты пыртэ. Нош Shoner Paul ассэ
нима, малы ке шуоно озьы ас вакытаз песятайзэ шуо вылэм.
«Аргымак» (Башкирия)
Группа 2009-тӥ арын Башкир филармониын
кылдӥз. Репертуараз пӧртэм
амалъёсын быдэстэм башкир калык
кырӟанъёс, гуръёс, кубаиръёс (башкир
кылбуретлэн жанрез), эпосъёс, легендаос.
Сцена вылын башкир крезьгуро инструментъёсын:
кураен, думбыраен, кубызэн,
кыл-кубызэн - валче гитараос,
барабанъёс шудо. Пӧртэм элькунъёсы
концертъёсын потаса, группаын шудӥсь
воргоронъёс аспӧртэм крезьгуро инструментъёсын
тодматскизы, берло асьсэ
концертъёсазы но соосты кутӥзы. «Аргымак»
быдэс дуннелы тодмо ини: Россиын
сяна, со Великобританиын, Германиын,
Франциын, Чехиын, Австриын, Испаниын, Турциын, Казахстанын но мукет
кунъёсын концертъёс сётъя.
OYME (Мордовия)
Эрзя кылысь берыктыса
ойме - со лул. Группа 2011-тӥ
арын кылдӥз. Крезьгурзэ электрофолк,
арт-рок но world music
амалъёсын шудэ. Группалэн
азьветлӥсез но кырӟасез - Ежевика
Спиркина.
OYME, калыккуспо фестивальёсы
пыриськылыса,
туж ӝог тодмо луиз. Кылсярысь,
вуылӥз «WOMAD», «Дикая
мята», «Сотворение мира»,
«Движение» фестивальёсы.
Эрзяослэн но мокшаослэн крезьгур фольклорзы вылэ пыкиськыса, группаысь
крезьгурчиос котьку но мар ке выльзэ кылдыто, пӧртэм стильёсты куто.
Со сяна, OYME эрзяослэсь но мокшаослэсь сям-йылолъёссэс, возь выл шудонъёссэс
возьматэ на. Та сям-йылолъёсты группаысь шудӥсьёс, экспедициосы
потаса, люкало, вашкала фольклорлэсь улонзэ азьланьто.
«ЯлАр» (Чувашия)
Чебоксарыысь «ЯлАр» группалэн
кылдытӥсез - Николай Пыркин. Солэн кемалась
потэ вал ини крезьгурлэсь пӧртэм
ӧръёссэ, пӧртэм инструментъёсты, кылъёсты
огазеямез.
2014-тӥ арысен со малпанзэ зэматыны
басьтӥськиз. Баян но электрогитара, чуваш
гуръёс но рок, блюз, heavy metal - тани
мар со «ЯлАр». Группалэн нимыз 2 кыллэсь
пӧрме: ял - гурт, ар - воргорон. Озьы крезьгурчиос
пусъё, соос гуртысь потэмын шуыса.
Асьсэ кырӟанъёссэс, чуваш калык гуръёсты
но чуваш эстрадаысь кырӟанъёсты,
ӟуч группаослы каверъёсты быдэсъяло.
Baradj (Татарстан)
Baradj метал группа
вордӥськиз Татарстанысь Елабугаын
2003-тӥ арын. Группалэн
аспӧртэм шӧмыз - вашкала булгар
калыклэн мотивъёсыз бордысь.
Крезьгурчиос таӵе жанръёсты
куто: progressive metal,
art metal, post metal, death metal,
ambient metal, post-rock. Кырӟан
гожтыкузы, бигеръёслэн мифолологизы
вылэ ӵемысь пыкъясько.
Группаын шудӥсьёс творчествозы
пыр егит бигеръёсты выжыосынызы
тодматыны тыршо. Ас
жанрзэс bulgar folk metal нимало. 2005-тӥ арысен кутскыса, группа бӧрсьысь бӧрсе концертъёс
сётъя. Али 4 адями гинэ шудэ ке но, оглом группаязы 12 адями шудыны вуиз.
Ondrei (Карелия)
Карел театрысь артист
Андрей Горшков Олонец
карын вордӥськиз. Пичи
дырысеныз семьяяз ӟуч
но карел кылъёсын вераське.
Анай кылыныз
рэп лыдӟе. Нырысетӥ
альбомез - «Karelication» -
югыт дуннеез адӟиз ини.
Соин Андрей Карелиетӥ
но Финляндиетӥ гастрольёсын
ветлӥз.
Альбомез копак карел кылын. Вашкалазэ но туалазэ,
пӧртэм крезьгуро инструментъёсты кутыса, огазеяз. Озьы
кырӟанъёсысьтыз кылыны луэ гитараез, удмурт крезь
тусъем кантелеез, кубызлы укшась йоухиккоез но крезьгур
поттӥсь бычкыез (пила). Кырӟанъёсаз сюлмаськытӥсь юанъёсты
ӝутэ, «Калевала» эпоссы вылэ но ӵем пыкъяськылэ.
«КУАТ» (Марий Эл)
Пор кылысь берыктыса
куат - со кужым. Группа
Йошкар-Олаын кылдэмын.
Отын кырӟа Марина Садова
- ӧжыт лыдъем калыкъёслэн
«Евровидениязы» пыриськем
пор ныл. «КУАТ»-лэн
крезьгурез - аутентичной,
вашкала пор кырӟанъёсты
пӧртэм стильёсын быдэстонэн
герӟаськемын. Мариналэн
яркыт чылкыт куараез
но калык крезьгуро инструментъёс
контрабаслэн тулкымъёсыныз
пӧлэстӥсько.
Ӵемысь «КУАТ»-лэн крезьгуръёсаз гитарной фингер-стайл но кутӥське, ӵапак
со ик та группалы аспӧртэм шӧм пыртэ. Удмурт учкисьёслы группа «Палэзян»
фестивале пыриськеменыз тодмо. Со сяна, поръёс Эстониетӥ бадӟым турен
ветлӥзы.
Егитъёслэн этнокультуразылы
сӥзем «Тангыра» фестиваль
Ижысь Киров нимо паркысь
фан-зонаын 9-тӥ гудырикошконэ
ортчоз. Со улсын этнофутуристической
перформансъёс,
кино адӟытонъёс, мастер-классъёс
радъяськозы. (12+)