ud#44 (25854)

№44 (25854)
20 2020-тӥ ар 12-тӥ шуркынмон ГУР АЗЬЫН
Толлы дасяськон
Огшоры, но ческыт
Шаркан муниципал
кылдытэтэн кивалтӥсь
Елена Перевозчикова
ужезлэсь ваньмон дыръяз
бакчаяз берга, толлы
сылалтӥськемъёс дася.
Гулбечаз 500-лэсь трос
тыро банкаос сыло.
— Компотъёсмы юыса
быро кадь, нош сылалтӥськемъёс
но салатъёс городын
улӥсь тётяосмылы но, нылылы
но келяны окмо, — шуэ Елена
Перевозчикова. — Гужемзэ
бакчаын котьма будэ, ваньзэ
сиыса, ымоно, но емышез
куштыны жаль. Нырысь компот-варенняос
гинэ лэсьтылӥ,
табере сылалтӥськисько,
пӧртэм салатъёс дасясько,
соос ваньмызлы мед окмозы
кадь потэ. Озьы гужем пумын
мукет сюлмаськонъёсы кылдо:
я банкаос, я солы пытсэтъёс
уг шедё.
Елена Леонидовна арлы
быдэ одӥг выллем сиён уг
лэсьты, маке выльзэ утча,
кылсярысь, кинлэсь ке ческыт
салатсэ оскалтэ ке, одно ик
рецептсэ куроз. Нырысь ик
выль сиёнзэ 4-5 банка гинэ
лэсьтэ. Пӧрам сиёнзэ дунъясез
— кузпалыз. Тылпу кысон
удысын ужа, нуналлы быдэ
сьӧраз сиён нуллэ. Пожарной
частьын ческыт шуыса сиё ке,
вуоно араз со сиёнэз тросгес
лэсьтэ ни.
— Туж яратӥсько огречлэсь
салатъёс лэсьтыны, помидорен
суроез гинэ 30 банкалэсь
трос, со сяна, горчицаен, корицаен,
корей амалъя дасясько
на, — шуэ Елена Леонидовна.
— Кубисталэсь но
салатъёс лэсьтӥсько, огшоры
кезьыт маринадэн дасямез
но толалтэ ческыт кошке. 3
литр вулы быдэн 2 пуньы
сылал но сакыр понӥсько,
Шарканысь Е. Перевозчикова пӧраськыны но,
сылалтӥськыны но яратэ.
быректытӥсько. Рассолэ
сӥятозь, кубиста юдӥсько,
банкаосы тырисько но вылаз
100 грамм уксус кисьтӥсько.
Собере сӥям рассолэз ватсасько
но пытсасько. Со банкаос
3-4 толэзь пала гулбечын
сыло. Куноос лыктыку, ӝогак
гинэ поттӥсько но, сема вӧен
сураса, сииськомы. Озьы тросгес
утчасько огшоры рецептъёсты,
кудъёссэ капчи дасяны.
Гулбечаз сылӥсь банкаосыз
пӧлысь куиньмос люкетэз
— компотъёс. Сутэр,
крыжовник, вишня, слива,
яблок, груша… ваньзэ банкае
тыре. Емышъёсты сура, шӧмыз
но ческытгес, тусыз но чебергес
луэ, пе. Кылсярысь, виктория
пӧлы 1-2 вай мята понэ,
крыжовниклэсь компотэ —
ӝыны лимон яке апельсин,
яблокен компотэ — сьӧдпалэзь,
борыез сьӧдэмезен, эмезез сутэрен
сура. Бакча емышъёсыз
окмо варенняен сиыны но,
кынтыны но. Нош пӧраське со
беседкаяз, отын нимысьтыз гурез
вань.
Елена Перевозчиковалэн архивысьтыз
Елена Перевозчикова дэмла:
«Чиньыдэ ньылод» помидор
Кулэ: 2-3 килограмм помидор, 4-5 сугон, 1 йыр чеснок,
кӧсвӧй, укроп, петрушка но укроп сяська.
Сугонэз кульчоослы юдоно, бадӟым чеснок пилетъёсты
шори вандоно, укропез но петрушкаез векчи юдоно.
1 литръем банкае нырысь ик 3 пуньы кӧсвӧй, 1 кырым
мында юдэм укроп но петрушка, 1 зонтик укроп, 1-2 пилет
чеснок пононо. Собере банкалэн чыртыозяз помидор (соос
медам пилиське шуыса, венен бышкано) но сугон тыроно.
Вылаз пӧсь рассол кисьтоно.
Рассоллы кулэ: 3 литр ву, 3 пуньы сылал, 7 пуньы сакыр,
10 кӧжы пӧсьтурын, 2-3 лавр куар, 1 стакан 9 процентъем
уксус. Ваньзэ посудае пононо, уксусэз сяна. 10 минут
пӧзьтэм бере уксус ватсано но эшшо 2 минут пӧзьтоно —
рассол дась.
Аджика
Кулэ: 3 килограмм кабачок, 250 грамм кӧсвӧй, 0,5 литр
соус яке 10 пуньы томат паста, 3 но ӝыны пуньы сылал,
3 пуньы изэм сьӧдпӧсьтурын, 4 но ӝыны чечы пуньы 70 процентъем
уксус кислота, 2 йыр чеснок, укроп.
Кабачокез сузяно, мясорубка пыр поттоно но 2 час пала
сылэтоно. Бӧрысь отысь соксэ кисьтоно. Бадӟым посудае
кабачок, кӧсвӧй, томат паста, сылал, пӧсьтурын поныса,
1 час но ӝыны пичи тыл вылын пӧзьтоно.
Уксусэз 1 стакан вуэн кизертоно но посудаын пӧзись
кабачок вылэ кисьтоно, ватсано на юдэм чеснок но векчи
юдэм укроп. Суретэз эшшо 10 минут пӧзьтоно но стерилизовать
карем банкаосы тыроно, шуба улын возёно.
Помидорен огреч
Кулэ: 2 килограмм помидор, 5 килограмм огреч, 250 грамм
чеснок, 200 грамм кӧсвӧй, 250 грамм сакыр, 3 пуньы сылал,
2 пуньы 70 процентъем уксус кислота.
Помидорез сӥль коран пыр лэзёно, кӧсвӧй, сакыр, сылал
ватсано но 10 минут пӧзьтоно. Бӧрысь отчы калленэн
ватсано кульчоослы юдэм огречез. Эшшо 20 минут пӧзьтэм
бере чеснок но уксус ватсано, 1 минут пӧзьтыса, стерилизовать
карем банкаосы тыроно но шобыртоно.
Йыртӥянлы валэктон
Букваос-бускельёс
________
Валентина ЕМЕЛЬЯНОВА
м а й ы г ӵ у ж о н
ы у е у
ж ӝ о ж о м о н н
ы у е о ы а
Конкурс
Тыро гулбеч
Ялӥськомы «Тыро гулбеч»
конкурс.
к у ж ы м н ё ж а л
д
о
к у а ж ы о ж м о с
е л г с о у
н а р ы с л а н р
Шарканысь Елена Перевозчиковалэн
гулбечаз 500-
лэсь трос тыро банкаосыз.
Нош тӥляд гулбечады банкаосты
вань-а? Ужъёстэс витиськомы
ар пумозь, ыстэлэ
гулбечысьтыды тыро банкаосын
туспуктэмъёсты но ӝог
дасяськись 1-2 сиёнъёсты.
Вормисез газетэ печатлалом,
саламен шумпоттом!
Е. Перевозчиковалэн гулбечаз 500 банка сылэ. Нош тӥляд кӧня?
е п о ы
ш ы р п и п у ж ы м
Удмурт Элькун
1. Шуркынмон. 2. Декрет. 3. Калинин. 4. Елабуга.
5. Сарапул. 6. Борисов. 7. Вить. 8. Наговицын. 9. Кияса.
10. Вотяк. 11. Гудыри. 12. Элькун.
«Берекетэ» юанъёсын, дэмланъёсын вазиськоно
73-33-42 телефон номеръя.
Материалъёстэс ыстэлэ, «Берекетэ» шуыса,
электрон почтае udmdunne@yandex.ru.