ud#44 (25854)

udmdunne.ru
+7 951 195 37 65
Квест
ШАЕРТОДОН
№44 (25854)
2020-тӥ ар 12-тӥ шуркынмон 29
Быдэс гужем — походын
Удмуртилэн кунлыкезлы
100 ар тырмонэз пусъён
улсын 30-тӥ июльысен
11-тӥ октябрёзь элькунамы
радъяськиз тунсыко
шудон — «ДаУР»
квест. 74 нунал ӵоже
шаерысьтымы мылокыдо
адямиос вуылӥзы
«ДаУР» проектъя ӵектэм
100 интыосы.
Шаертодонлы сӥзем шудонэ
пыриськыны мылкыд каризы
440-лэсь ятыр адямиос.
Отчы пыриськемъёс пӧлын —
Ижысь Вахрушевъёслэн паймымон
семьязы. Алексей но
Ольга кузпалъёслэн 4 нылъёссы,
покчиезлы 5 арес. Квест
сярысь тодыса, соос быдэс
семьяен сюрес вылэ потӥзы,
2 но ӝыны толэзь куспын 63
интые вуылӥзы.
— Туэ 9-тӥ Май котырын
быдэс семьяенымы «Быдӟым
Вормонлэн маршрутэз» шудонэ
пыриськимы — вуылӥмы
войнае быремъёслы сӥзем уно
синпелетъёс доры. Туж кельшиз!
— вера семьялэн йырыз
Алексей Вахрушев. — Нош
«ДаУР» квестэ пыриськыны
мылкыдмес бурдъяз Анжелика
нылмы. Регистрация
пыр ортчем но милемлы шуэ:
папа, мама, ӵуказе ик сюрес
вылэ потоно. Малы, пе, асьмелы
зарезь, шаерамы но вань
чебер Кам шурмы, ойдо отчы
мыном. Озьы нырысетӥ точкамы
луиз Каракулино ёросысь
Зуевы Ключи. Отчы ӧжыт
гинэ ӧм вуэ, куаш-куаш зорыны
кутскиз. Кам шурез кыдёкысен
адӟиськом, нош дораз
матэктэммы уг луы — сюрес
маял луэмын, машинамы
Ижысь Вахрушевъёс Вотка ёросысь Светлое черкогуртысь
валэн ветлонъя клубын.
нӧдэ пуксе. Кутӥм но пыдын
вамыштӥм. Зор ултӥ, вань котырмес
— палаткамес, сиён
пӧран арбериосмес — тыбыр
выламы ныпъяса. Лыдъяй-чотай
соку: Каракулино ёросысь
Кам шур дурысь 3 интые вуылон
понна 8 иськем пыдын
ортчиськеммы! Одӥгез но
нылмы жади шуыса ӧз нёръя!
Нырысь лыдъяй ай, кӧня иськем
ортчим, нош бӧрысь пумзэ-йылзэ
ыштӥ. Ма, малпай:
мар со иськемъёс, куке тон котырын
сыӵе шулдыр но паймымон
интыос!
Алексей Вахрушев вордскемын
но быдэ вуэмын
Шаркан ёросысь Кыква гуртын,
Ольга кузпалыз Ижын
удмурт семьяын будэмын. Уловыло
Вахрушевъёс Иж котырысь
Медведево каргуртын. Семьязы
бадӟым бере, кемалась
ик ӧвӧл басьтӥськизы выль,
вӧл-вӧл корка пуктон борды.
Та ласянь но аспӧртэмесь та
Вахрушевъёс: кин-о, гужем
вылтӥ корка ӝутонзэ берлолы
кельтыса, шаермес котыръялоз!
Нош кузпалъёслэн мукет
учконзы: нылпиосмы, пе, мед
тодозы вордскем шаермес.
Одӥг ужпум — паймымон интыосты
туспуктэмъёс вылысь
учкыны, нош чылкак мукет —
отчы вуылыны, ваньзэ ас синмыныд
учкыны, котькуд синпелет
борды йӧтскыны.
— 5 аресъем нылы но табере
вордскем шаермы сярысь
трос тодэ ни, адӟемъёсыз сярысь
ӵыжы-выжыосмылы
маде. Жаляса верано, Сьӧлта,
Сюмси, Ува палъёсысь интыосы
гинэ вуылыны ӧм вуттэ, —
шуэ Алексей.
Ма, таизлэн мугез валамон:
квестэ пыриськемъёс
нунал куспын кӧня ке интыосы
вуылыны пӧрмытӥзы ке,
Вахрушевъёс котькуд объектын
уйзэс кӧлыса ортчытъязы.
Палаткаосын, чылкыт
Вахрушевъёслэн архивысьтызы
омырен шокаса, инбам улын
сиён пӧраса. Соин ик соослы
100 интыез ортчыны 74 нунал
ӧз тырмы. Быдэс гужеммы
пумтэм-йылтэм поход выллем
луиз, шуэ Ольга Вахрушева.
Алексей тырше мувӧй кысконъя
огазеяськонын, отын
кыл кутэ тылпулэсь утиськон
удыс понна. Ольга уно аръёс
ӵоже ини библиотекарь луыса
ужа Ижысь Некрасов нимо
библиотекаын. Озьы квестэ
пыриськыны соослы киызпыдыз
вал, шуыны луоз: кыӵе
ке интые вуо ке, анайзы нылпиослы
маде со интылэн, огъя
шаермылэн историез сярысь,
нош атайзы кыл кутэ палатка
пуктон, тылскон но сиён
пӧран понна.
— Шаркан палъёсын одӥг
уй гинэ ӧз тырмы, 2 нунал
но уй инбам улын ортчытӥм,
— шуэ А. Вахрушев, — ӵап
вордскем нуналы вал, «Табань
fest» фестиваль но тупаз.
Кыӵе шулдыр ортчиз со Тол
Бабайлэн усадьбаяз! Сомында
тодмоосмес пумитам, вань
калыкен ӵош эктӥм, кырӟам.
Куд-огъёсыз, оло, шаермес
котыръязы квестын вормон
понна: кыӵе ке интые шаплы
вуизы, фотое пуксизы но кошкизы.
Нош ми нырысь ик тыршимы
шаермылэн чеберезлы
лычсузьымон паймыны. Мон
малпамъя, таӵе квестъёс, семьяез
гинэ ӧвӧл, быдэс шаермес
золгес эшъяськыто,
вордскем интымылы золгес
синмаськыто но соин данъяськон
мылкыд пыӵато.
________
Елена ТУГАШОВА
Удмуртлык
Ассэ возьматоз ог 300 пинал
«Пичи чеберайёс но
батыръёс» конкурсэ
вазиськонъёсты кутон
йылпумъяськиз. Асьсэдыз
возьматыны мылкыд
карисьёс туж трос
люкаськизы — 170 пала
куриськон вуиз, ог 300
пиналъёс ӵектэмын.
Азьвыл та конкурсын
устоосыз луэм 7 аресозь
нылъёс но пиос асьсэды возьматыны
элькун сцена вылэ
люкаськылӥзы. Туэ вожвылъяськон
нырысьсэ онлайн амалэн
ортчоз.
— Вожвылъяськонэз ортчытыны
быгатом-а, ум-а —
бадӟым сюлмаськон вал, — вераз
«Удмурт нылкышно кенеш»
огазеяськонлэн кивалтӥсез
Елена Миннигараева. — Но
нылпи садъёсын ужасьёс куремъя,
радъяно кариським.
Вожвылъяськон удмурт кылын
вераськись нылпиос понна чакламын.
Но туж трос куриськонъёс
городысь садикъёслэсь
но. Ми, пе, удмурт кылэз
дышетом, тыршом. Огласянь,
со умой: иське, тросгес пинал
анай кылынымы, культураенымы
тодматскоз. Нош, мукет
ласянь, та пиналъёсты дунъяны
секытгес луоз.
Туэ конкурсэ пыриськыны
мылкыд каризы 5 городъёсысь
но 24 ёросъёсысь
садикъёс. Тужгес трос — 24 —
вазиськон вуиз Ижкарысь, Алнашысь
итӥсько 18-эз, Пичи
Пургалась — 15-ез, Дэриысь
— 12-ез садикъёс. Вань чылкак
ӟуч ёросъёсысь куриськисьёс
но, кылсярысь, Воткинскысь
1 но Камбаркаысь 2 садикъёс
нылпиоссэс удмурт сямен вераськытыны
ӧдъяло.
Вожвылъяськонэ пыриськисьёслы
3 видео лэсьтыны
ӵектэмын: пинал асэныз тодматыны,
кырӟаны яке кылбур
лыдӟыны но вашкала арбери
сярысь вераны кулэ. Дунъяськоз
пиналъёслэн чебер,
вольыт лыдӟыны, вераны
быгатэмзы. Видеоосты 25-
тӥ ноябрёзь ыстоно «Удмурт
нылкышно кенеш» яке «Пичи
чеберайёс но батыръёс» огазеяськонъёслэн
«ВКонтакте»
соцвотэсысь группаосазы.
________
Ангелина СНИГИРЁВА
Анаелы гожтэт
29-тӥ ноябре пусъём Анайлэсь нуналзэ, нош 27-тӥ
ноябре — Анай кыллэн нуналыз. Таин валче «Удмурт
нылкышно кенеш» ялэ «Анаелы гожтэт» акция.
Ми дэмласьком мусо, дуно анайёсмылы гожтэт гожтыны,
вераны, макем соосты яратӥськом, дунъяськом. Улонмы туж
дыртӥсь, матысь адямиосын гань-гань вераськыны кытӥяз ум но
вуттӥське. Ойдолэ шуныт кылъёсмес туннэ ик вераны тыршом.
Акцие пыриськыны быгато ваньмыз, пӧлазы — нылпиос но,
пенсионеръёс но. «Анаелы гожтэт» сӥземын луыны быгатэ улонысь
кошкем анайдылы но. Кыӵе кылъёс верасалды солы?
Гожтэтъёсты гожтоно удмурт кылын. Гожтэмдэс асьтэ вотэс
бамады интыялэ, улӥяз #Анаелыгожтэт #Удмуртнылкышнокенеш
хештэгъёс пуктэ. Устоосыз ужъёс пуктэмын луозы
«ВКонтакте» но «Инстаграм» вотэсъёсысь «Удмурт нылкышно
кенешлэн» бамаз, «Удмурт дунне» газетын печатласькозы.
Ялон
Утерянную зачётную книжку на имя Никиты Григорьевича Близнюка, студента
Ижевской сельскохозяйственной академии, считать недействительным.