ingozh №03

Литературалы
сӥзем газет
№10 (25871)
2021-тӥ ар 18-тӥ южтолэзь 13
21-тӥ южтолэзе
дуннеын пусъё Поэзилэсь
нуналзэ.
Южтолэзе вордскизы
27-тӥ южтолэзе
140 ар талэсь азьло Севастопольын
вордскиз
Аркадий Аверченко
(1881-1925) — юморист,
критик, «О маленьких
для больших», «Осколки
разбитого вдребезги»
но мукет бичетъёслэн
авторзы.
________
27-тӥ южтолэзе
65 ар талэсь азьло
Будапештын вордскиз
Пал Бекеш (1956-2010)
— нылпиослы мадьяр
гожъяськись, «Гореволшебник»,
«Мудрый
исправитель недостатков»
но мукет книгаослэн
авторзы.
Премия
Удмуртиысь гожъяськисьёс
элькунысьтымы
Кивалтэтлэсь
литературая премизэ
басьтыны быгатозы. Со
понна куриськонэз 1-тӥ
маёзь келяно Печатья
но ивор вӧлмытонъя
агентствое. Кылбурчиосты,
прозаикъёсты
но драматургъёсты
премилы ӵектыны
быгато учреждениос,
интыосысь кивалтӥсьёс,
общественной огазеяськонъёс
но мукет организациос.
Положениен
тодматскыны луэ агентстволэн
вотэс бамаз.
Библиотека
Удмуртиысь Гуртлэн
арезлы сӥзем ужрадъёс
Пичи Пурга ёрос библиотекаын
ортчыло
«PROсело» нимын.
Озьы ик нимазы галереязэс
но. Алигес татын
усьтӥськиз «Зинбратлэн
пушъетъёсыз»
адӟытон. Зинбрат —
Кечёво черкогуртысь
Зиновий Занчаров
суредасьлэн кушем
нимыз. Со суредалляз
гурт улонэз, гуртоосты,
котькуд муртлэсь
аспӧртэм сямзэ быгатыса
возьматылӥз. Зинбратлэн
суредъёсыныз
валче адӟытонэ поттэмын
Николай пиезлэн
но солэн нылпиосызлэн
ужъёссы но.
Кылбуретлэн нуналэз
Поэзия — возь,
кылбурчи — италмас!
.
Дано мед луоз удмурт кылбурет!
Поэзия вань ке, уске, вань дэлет,
Эрик но мӧзмон, синмаськон но малпан,
Поэзия вань ке — калык азьпалан!
Паланик но Диккенс, Толстой но Берроуз,
Вождэс тӥ эн вае, но проза тырмоз!
Тырмоз утчаны верослы весь финал,
Туннэ бадӟым праздник, Поэзи нунал!
Удмурт кылбурмы, пе, вал хокку выллем,
Сакура интые льӧмпумы но вылэм.
Кылбур укномес нош ӵогиз Верещагин,
Бугор вал зарни, дыдыкмы нош — чагыр.
Лобӟиз вал инмозь асьме Кузебай Герд,
.
«Чагыр кышетэз» та дырозь — супертренд.
Нош мар бен Сапфо, куке вань Ашальчи,
Зэмос кышномурт но эмъясь, кылбурчи!
Крылов кадь Лужанин, Захаров — Шекспир,
Удмурт дуннеын ватӥське целый мир!
Кӧня трос нимъёс! Флор Васильев, Федотов,
Петров, Байтеряков, Батуев, Пукроков,
Матвеев, Кутянова но Кузнецова,
Шумилова Настя, Татьяна Чернова…
Ваньмес гожтыны уз, уз тырмы кагаз,
Удмурт кылбурлы инсьӧрозь вань запас.
Удмурт кылбурет весь учке азьпала,
Поэзия — возь, кылбурчи — италмас!
Кылбур гожтӥз Богдан АНФИНОГЕНОВ,
Коллаж лэсьтӥз Вера ШТЫКОВА

№10 (25871)
14 2021-тӥ ар 18-тӥ южтолэзь
Буре ваён
Сюлэм шунытэз
ваньмызлы тырмылӥз
Ува ёросысь Парсьгуртын
(Родники)
вордскем писательлы
Геннадий Мадьяровлы
2020-тӥ арын 23-тӥ
декабре тырмысал 80
арес. Жаляса верано,
2010-тӥ арын писатель
улонысь кошкиз. Но
гуртоосыз сюлмазы
возё дано пизэс но солэсь
произведениоссэ.
Мар верамын
кылбуръёсаз?
Г. Мадьяровлэн произведениосыз
калык пӧлы
вӧлмылӥзы «Инвожо», «Молот»
(«Кенеш») журналъёс но
газет бамъёс пыр. Гожъямъёсыз
пыртылэмын вал азьвыл
аръёсысь дышетскон книгаосы
но. Лыдӟисьёс пӧлын
тужгес тодмо луэ Геннадий
Михайловичлэн «Аналтэм
сяська» повестез — со уго
нимаз книгаен потэмын.
Сюжетэз но сюлэмез позыртыса
кельтэ, синкылиостэк
уг луы лыдӟыны.
Мукет произведениосыз
нимаз книгаосын печатламын
ӧй вал бере, соосты
шуак шедьтыны ӧз луылы.
Но югдур воштӥськиз: Г. Мадьяровлэн
котрес лыдпусэзлы
сӥзьыса, ӵыж-выль книга
потӥз. «Хватит всем теплоты…»
бичетын люкамын
гожъяськисьлэн кылбуръёсыз,
такмакъёсыз. Тросэз
соос гожтэмын улонэзлэн
берло аръёсаз. Авторлэн
2-тӥ книгаез 2 кылын, удмуртэн
но ӟучен, потӥз.
«Ӟечбур!» газетын ужакум,
вуылӥмы Г. Мадьяровлы
сӥзем празднике. Соку
Евгения нылыз вазиськиз,
атаезлэсь произведениоссэ
берыктыны курыса. Внукъёсыз,
пе, удмурт кылэз чылкыт
уг ни валало, тодэмзы
потэ, мар верамын кылбуръёсаз.
Озьы соглаш кариськи
берыктыны. Магистратурае
дышетскыны пыреме бере
валай, кытчы йырме донги,
но бер вал ини, кылме кутоно
луи. Переводлы сӥзем
лекциосты кылзэме бере мукет
сямен учкыны кутски та
уж шоры.
Кызьы бырйим
книгалы ним
Таӵе дуно книгалы шумпотыса,
клубын ужась
Люд мила Гореева но библиотекаен
кивалтӥсь Валентина
Поздеева Парсьгуртын
презентация ортчытӥзы.
Ува ёросысь Парсьгуртын уг вунэто дано пизэс, Г. Мадьяров писателез.
Гуртысь тэшкылиос лыдӟизы
Г. Мадьяровлэсь кылбуръёссэ,
кырӟазы сюлэмез
позыртӥсь «Анай, эн сайкаты
монэ» кырӟанзэ. Ужрадын
возьматӥзы «Арган Кими»
веросысьтыз визьнодась
сценкаез. Та веросэз журнал
бамъёсын но печатламын
ӧй вал на кадь. Кылъёссэ
артистъёс дышетӥзы писательлэн
ас киыныз гожъям
текстэзъя. Рольёсты шудӥзы
Кузьма Ложкин, Ксения Гореева
но пичи пиос Архип
Архипов но Павел Близнюк.
Пумиськонын Г. Мадьяровлэн
произведениосызлэн
вакчияк пуштроссы сярысь
вераз Булай школаын кема
дыр ӵоже ужам дышетӥсь
Анна Петровна Дедюхина.
Со авторен тодмо вал. Ӵапак
Анна Петровна лӧпкытӥз
Геннадий Михайловичез
кылбуръёс борды но кутскыны.
Прозаен Г. Мадьяров вырыны
кутскиз ни вал 40 арес
тырмон котыраз. Нош кылбуръёсыз
бумага вылэ пуксизы
улонысь кошкемезлэсь
2 арлы азьвыл гинэ.
Писательлэн нылыз Евгения
Титова, синкылиоссэ
ватытэк, вераз анай-атаез
сярысь пичи дыр тодэ ваёнъёссэ.
Сюлмаз кылемын
атаезлэн небыт сямыз, гуртын
но, колхозын но котьку
тыршыса ужамез.
— Мон паймисько: ку
атай вуэ вал секыт колхоз
ужъёс бере гожъяськыны?
Милемын, 5 кузя пиналъёсыныз
но, вуэ вал шудыны,
серектыны но визьноданы.
Ноку но ӧй кылылы атаелэсь
лек куаразэ, — тодаз вайиз
Евгения Геннадьевна.
Книгалы 4 пӧртэм ним дасяса,
жингыртӥ Евгения Геннадьевналы.
Тодэме потӥз,
кудӥз меда солы кельшоз?
Со умойгес тодэ атаезлэсь
малпанъёссэ, веранъёссэ,
мылкыдъёссэ. 4-ез пӧлысь
бырйим «Хватит всем теплоты…»
берыктэм кылбурысь
кылъёссэ. Произведениосыныз
матэгес тодматскыса,
гурт калыкеныз но нылпиосыныз
вераськыса-малпаськыса,
мон валай: Геннадий
Михайлович туж небыт, лякыт
сямо адями вылэм, сюлэм
шунытсэ ваньмызлы
тырмытылэм. Озьы пӧрмиз
выль книгалэн нимыз.
4 укно пыр
учкыса...
Культура удысын кема
ужам нылкышно, Г. Мадьяровъёслэн
ӵыжы-выжызы
Римма Леонидовна Кузьмина
но дышетӥсь Анна
Дедюхина таӵе ӵектонэн
потӥзы: выль книга дасян
бордын ужаны кутсконо,
Мадьяровлэсь вань произведениоссэ
одӥг вылбам улэ
бичано. Писательлэн улонэз
но творчествоез сярысь трос
информация люкамын ини,
школаын дышетскисьёслэн
научной ужъёссы но вань.
Соосты азьланьтоно, муромытоно,
тодэ ваёнъёсты ватсано.
Со сяна, писательлэн киыныз
пуктэм коркаез борды
буре ваён пул шукконо. Отын
али улӥсь семьяен пыр-поч
вераськоно зэмос музейкорка
усьтон пумысен. Азбараз
уго 2 корка сылэ: вылез
но вужез. 2-ез ик пуктэмын
писательлэн тыршись киосыныз.
Ужрад дыръя сцена вылын
чузъяськизы Булай
гуртысь «Кырӟась сюлэмъёс»
коллективлэн но Парсьгуртысь
клубын ужасьёслэн
шулдыр кырӟанъёссы. Тау
карыса вазиськиз Булай муниципал
огазеяськонлэн
кивалтӥсез Ангелина Иванова.
Куноос Геннадий Михайловичлэн
корка пушказ пыразы.
Коркась ульчае 4 укно
потэ. Отысь туж умой адске
Парсьгуртысь улон, инкуазьлэн
чеберез. Малпасько,
та укноостӥ учкыса, писательлэн
йыраз лыктылӥзы
пӧртэм малпанъёс, троссэ
со бумага вылэ гожтыса
кельтӥз. Эх, шулдыр ик
вылэм Парсьгурт котырысь
бусыос, нюкъёс, гурезьёс,
нюлэсъёс! Но эшшо но данъяськымон
луэ гуртысь калык!
_______
Галина ШИРОБОКОВА.
Ижкар
Галина Широбоковалэн архивысьтыз
Премия
Югдытӥсь
книгаос
Тулыспаллэн пумаз
тодмо луизы Россиысь
«Просветитель»
литературной премилэн
лауреатъёсыз.
Премиез 2008-тӥ арысен
сётъяло наука сярысь
тунсыко но валамон
кылын гожъясь авторъёслы.
Туэ культуралы но
историлы сӥзем устоез
книга луиз «Оттепель:
События. Март 1953 —
август 1968 года». Сое
гожтӥз литературовед,
критик Сергей Чупринин.
Ортчем вакытлы
сӥзем книгаын документъёс
писательлэн тодэ
ваёнъёсыныз, дневникеныз
пӧлэстӥськемын.
Нош инкуазьлы сӥзем
номинациын вормиз
Николай Кукушкин.
Солэн «Хлопок одной
ладонью» книгаез
валэктэ, кызьы инкуазь
кылдытӥз адямиез.
Туэ нырысьсэ сётӥськиз
«Просветитель. Перевод»
премия. Соин
пусйизы ӟуч кылэ
берыктӥсьёсты но
редакторъёсты. Озьы
Робер Венсанлэсь «Время
банкетов: Политика
и символика одного
поколения (1818-1848)»
книгазэ ӟуч лыдӟись
дӥне вуттэмзы понна
пусъемын вал Вера
Мильчина, Наталья
Сайкина но Лев Оборин.
Озьы ик вылӥ дунъямын
Юлия Аболиналэн, Елена
Наймарклэн, Даниил
Марковлэн, Анастасия
Ростоцкаялэн ужзы —
соос Роберт Сапольскилэсь
«Биология добра и
зла: Как наука объясняет
наши поступки» книгазэ
ӟуч кылэ выжтӥзы.
TeenTalk номинациын —
таиз нылпиослы книгаос
понна сётӥське — пусйизы
Ляля Кандауроваез
но Мариэтта Чудаковаез
научно-популярной
литератураез кема аръёс
ӵоже азинтэмзы понна.
Лыдӟисьёс но вормисьёсты
бырйизы,
куаразэс сётыса. Тужгес
трос куара люказы
Александр Соколовлэн
«Странная обезьяна.
Куда делась шерсть и
почему люди разного
цвета» но Олег Воскобойниковлэн
«Средневековье
крупным
планом» книгаоссы.
_______
Виктория КРАМОВА

№10 (25871)
2021-тӥ ар 18-тӥ южтолэзь 15
Книга ӝажы
Кык ярдуръёсысен
учкыса
Быдӟым Вормон
Эктӥсь йырси пунэтъёс
историе кылизы
«Герои финно-угорских народов России в годы Великой
Отечественной войны 1941—1945 гг.» литературной вожвылъяськонэ
вуэм устоосыныз произведениосын бичет
потӥз Мордовиын.
А. Коробейников но С. Поторочина выль книгаенызы тодмато.
Эгра ёросысь Светлана Поторочиналэн
но Ижкарысь Алексей Коробейниковлэн
«Удм точка ру» (udm.ru)
книгаязы (12+) удмурт но ӟуч кылбуръёс,
эшъёс-юлтошъёс выллем,
артэ сыло.
Книгаенызы кылбурчиос тодматӥзы
Йӧскалык библиотекаын Анай кыллэн калыккуспо
нуналаз. Авторъёс азьвыл но
валче ужамын ини: кылем арын, Быдӟым
Вормонлы 75 ар тырмонлы сӥзьыса, соос
поттӥзы «Игры без игрушек» книга.
Выль книгаысьтызы кылбуръёс аспӧртэм
сямен герӟаськемын: куд-ог дыръя
С. Поторочина А. Коробейниковлэсь кылбуръёссэ
удмуртэ выжтылэм, мукет учыръёсы
А. Коробейников С. Поторочиналэсь
произведениоссэ ӟуч кылэ берыктэм. Озьы
книгаын 2 пӧртэм дуннеос пӧлэстӥськыса
кошко: удмурт но ӟуч кылъёс, нылкышнолэн
но воргоронлэн дуннеез шӧдэмзы, гуртысь
но городысь улӥсьёслэн малпанъёссы.
Озьы кылдэ Удмуртимылэн оскымон тусыз.
Книгалэн азькылаз филолог, кылысь
кылэ берыктӥсь Андрей Иванов пусъе:
С. Поторочина но А. Коробейников, огогзылэсь
произведениоссэс берыктыкузы,
пӧртэм амалъёсты кутыло, «мукет» культуралэсь
аспӧртэмлыкъёссэ возьматыны
тыршыса. Озьы котькуд авторлэн аслаз
произведениез кылдэ ини, берыктэм
чуръёс асьсэ кожазы улыны ӧдъяло.
Книга кылысь кылэ берыктӥсьёслы
тунсыко луоз. Малпаськонэ усёно: кызьы
берыктоно «читыр-чутыр», «шальдӥвальдӥ»,
«чиньыр-ваньыр» но мукет та
выллем кылъёсты? Соосты кутыса, С. Поторочина
суреда Эгра ёросысь Чутыр черкогуртысьтыз
Нязь шурез:
Шурмылэн сямыз мудрон:
Мын но вала сое тон:
Лымшоре я уйпала
Читыр-чутыр котыръя.
Мукет удмурт топонимъёслэсь (инты
нимъёслэсь) кылдэмзэс но возьматэ автор.
Удмурт кылысь потэм нимъёс А. Коробейниковлэн
ӟуч кылбураз но выжо:
Муш Бере зовут в народе
Тот посёлок небольшой,
Что в дословном переводе
Означает «за пчелой».
Бичетэ озьы ик пыртэмын вордскем
палъёсты яратон сярысь чуръёс, инкуазь
суредъёс, визькылъёс… Авторъёс улонысь
секыт учыръёсты но возьмато. Кылсярысь,
верало, кыӵе кышкытлык кылдытэ пичи
гуртэз шорияк люкись федерал сюрес. Кин
ке лыдъя меда, кӧня калык быре сюрес вылын?
Та юанэз но улон-вылонысь мукет
сюлэмшугъяськонъёсты кылбурчиос вужерысь
потто. Удмурт лыдӟисьлэсь сюлэмзэ
тужгес бугыръялозы, дыр, С. Поторочиналэн
огшоры, мудронъяськытэк гожтэм
чуръёсыз: кылбурчи улонлы тау каре,
шундылы шумпотэ, анаезлы йыбырттэ,
вылезлы усьтэ сюлэмзэ. Дунне шоры сыӵе
учконэзлы шумпотӥськод но, пичияк вожъяськиськод
но…
Книгаез лыдӟыку, Удмурт шаермылэсь
туссэ азяд пуктӥськод: чебер инкуазь,
шулдыр гуртъёс но бырон калэ вуэм
поселениос, калыклэн аспӧртэм сямыз…
А. Коробейников но С. Поторочина ваче
пумит сыло кадь шурлэн ярдуръёсаз.
Пӧртэм ярдуръёс — со пӧртэм кылъёс,
культураос… Но озьы ке но асьмемыз
огазея одӥг шур — дуно Удмуртимы. Та
книга — шаермы сярысь пичи энциклопедия
выллем.
Книгазэс авторъёс Йӧскалык библиотекалы
кузьмазы, мукет лыдӟиськон юртъёсы
но вуттыны медо. Бичетэз озьы ик
лыдӟыны луэ вотэсын но.
________
Анастасия ШУМИЛОВА
Йӧскалык библиотекалэн вотэс бамысьтыз. Туспуктӥз Евгения Оглезнёва
Конкурсэз радъяз Россиысь Фин-угор калыкъёслэн ассоциацизы.
Озьы гожтэмын вал пӧртэм выжыосысь потэм 336 геройёс сярысь
очеркъёс. «Подвиг его бессмертен» номинациын вормисьёс пӧлы
пыриз Ижкарысь Владимир Воронцов, «Родная культура и война»
номинациын — Алнашысь журналист, «Удмурт дунне» газетлэн авторез
Людмила Сурчакова. Книгае оглом пыртэмын вормонэз ожын
но ужын дурем 14 удмуртъёслы сӥзем очеркъёс. Бичет ыстэмын
Россиысь библиотекаосы но произведениослэн авторъёссылы.
Шумпотонзэ вера Можга ёросысь Александрово гуртысь кылбурчи
Римма Рылова:
— Та нуналъёсы мыным туж дуно кузьым — «Герои финно-угорских
народов России в годы Великой Отечественной войны 1941—
1945 гг.» книга — вуиз. Книгаын печатлам «Две косы, танцующие в
пляске» очерке сӥземын нэнӥелы, Александра Васильевна Платоновалы.
Мар быдӟа шумпотон со ми понна! 1926-тӥ арын вордӥськыса,
нэнӥе Быдӟым тыложлэсь вань секытсэ адӟемын-чидамын. Ми понна
со — зэмос герой. Табере нэнӥмылэн нимыз дауръёслы историе
кылёз!
Ми понна тон кизили!
Римма РЫЛОВА.
Можга ёросысь Александрово гурт
Вить нылпи тон
вордӥд, нэнӥе!
Чик ӧвӧл одӥгез но мултэс.
Асьтэос кемалась кошкиды,
Туж секыт вал тӥляд улонды.
Ымныртӥм питыра синкыли,
Сюлэмы шымырске жаляса,
Кыӵе вал егитэсь ож дыръя,
Потоно луиды мар пыртӥ!
Куасалтӥз мугордэс секыт уж,
Толалтэ куазь кезьыт вал
ук туж!
Кекоран нюлэсэз корады,
Пӧсятозь ужаса, шунскиды.
Чидады, вормиды секытэз,
Юрттӥды вормыны
тушмонэз.
Ож бервыл на кема шӧдӥськиз,
Улонды туж шуген радъяськиз.
Дыр вуиз ни картлы бызьыны,
Шуд уг пишты вылэм
ваньмызлы.
Кытын тон, кытын тон,
яратон?
Мед сётоз вал вылэм
шумпотон.
Нырысез пияшед — Петиед,
Муспотон, туж визьмо
нылпиед.
Вазь тулыс тудвуэ усьыса,
Со кулӥз кынмыса, висьыса.
Мар быдӟа куректон вал
сюлмад!
Петиед вуылӥз уйвӧтад.
Мар карод, азьпала учконо,
Инмарлэсь выль шудбур
куроно.
Петиез ни воштӥз Николай,
Ож бервыл шӧдӥськиз
весь на ай.
Со бӧрсьы вордскизы
куинь нылъёс,
Визьмоесь будӥзы ук соос!
________
Виктория КРАМОВА
Витетӥ вордӥськиз Гирышты,
Ох, мусо, туж шаплы
вал пиды!
Вить пӧлысь угось вал пичиез,
Соин, дыр, ваньмызлы дуноез.
Сомында нылпиез сюдыны,
Утьыны-вордыны, дӥсяны —
Ой, секыт вал,
секыт ӝутыны!
Но кулэ вал сое чиданы.
Будӥзы пиналъёс калленэн,
Вань ужзэс лэсьтыло вал
дэмен.
Одӥгзы но ӧй вал азьтэмесь,
Будӥзы визьмоесь, ужасесь.
Школаын ваньзэсты ушъяло,
Нэнэлэсь сюлэмзэ шумпотто.
Мар косэ анайзы —
ӵош лэсьто,
Гужемзэ колхозын ужало.
Ар бӧрсьы нош аръёс ортчыло,
Пиналъёс но дорысь кошкыло.
Ваньзы ик ӟеч ӧнер бырйизы,
Асьсэлы кузпалъёс шедьтӥзы.
<...>
Тон ӧвӧл ни, нэнӥ, ми пӧлын.
Тон сярысь гожъямын
книгаын:
Пуктӥмы ми тыныд
синпелет —
Тон сярысь мед тодоз
дунне, мед!
Улонэд вал секыт, но яркыт,
Ми тонэ яратӥм
туж ӟырдыт!
Ми понна тон луид кизили,
Тон инмын пиштӥськод
на али.
Тон тусъем вордӥсько
нунокъёс,
Куинь кузя ни будо Сандӥос.
Тон ӧд кулы, уд кулы, нэнӥ!
Сюлмамы возёмы тонэ ми.

№10 (25871)
16 2021-тӥ ар 18-тӥ южтолэзь
Кылбур сузьет
Ӧй но вуриськы, ӧй но керттӥськы…
Удмурт нылкышно — удмурт нылкышно сярысь
Шундыё нылаш
Галина КРАЕВА.
Вавож ёросысь Ӟозлуд гурт
Та пужыез маин быдтод?
Сапта чебер бамме.
Куаляк пилё синучконме,
Уг учкы ни асме!
* * *
Зоя ЛЕКОМЦЕВА.
Кез ёросысь Пажманпочинка гурт
Уй. Пеймыт. Ӝожомем егит ныл
Весь вите яратон туганзэ.
Нош соиз куаразэ, дыр, уг кыл —
Ныл ялан ӵушылэ синвузэ.
Улмопу
Людмила РУДИНА.
Шаркан ёросысь Пороз гурт
Улмопу но тани пересьмем.
Одӥгез улваез но куасьмем,
Сулэз но быдэс куалдылэм —
Арлыдо адями кадь луэм.
* * *
Наталия КЛИМОВА.
Сюмси черкогурт
Воректӥз… Пиштӥз… Кысӥз…
Улонэ, вылды, ортчиз.
Тылобурдо кадь, инмын
Лобаны мон кылдэмын.
Анай шуэ: «Йӧлпыд юрттоз,
Ӝытбыт зыра соин».
Нукыртыса ожмаськисько,
Ма, мар каром таин?
Тыр толэзь, уяса пеймытын,
Буйгатэ нылашлэсь сюлэмзэ.
Тодысал ке, кытын туганэз,
Тугасал, дыр, али йырсизэ.
Мон ачим но солы укшасько,
Висёнъёс но бордам лякисько.
Ымныры, киосы гожмамын,
Йырсие пужмерен басьтэмын.
Музъем вылын туж секыт,
Омырын поръян лякыт.
Бурдъёсме тӥялтӥзы,
Вань улонме быдтӥзы.
Ортчо аръёс. Чырс сюкасен
Зыраллясько бамме.
Бадӟым будӥ — весь бӧрдӥсько
Пужыосын сэрен.
Кизили, лыз инмысь васькыса,
Йӧтскысал нылашлэн гадь бордаз.
Бамысьтыз синвузэ ӵушыса,
Чупасал льӧль-ӵыжыт ымдураз.
Но сётэ на туннэ емышсэ
Бакчаям сяськаясь писпуэ.
Аслам но тырмоз на кужмы
Ӟечсэ калыклы лэсьтыны.
Лыз ин улын ветлӥсько,
Уйвӧтам нош лобасько.
Кырсь омырен шокаса,
Каллен, лэся, бырисько.
Ульча кузя мон васькисько,
Азям шедиз Семи.
Монэ лӧпкытыса, шуэ:
«Натӥ, кыӵе мӧзми!»
Пеймыт уй, жаляса нылашез,
Туганзэ шедьтыны оскытӥз.
Маялтӥз шыпытак йырсизэ,
Сипыртӥз но… ышиз.
* * *
Мария ПОЗДЕЕВА.
Дэбес черкогурт
Туж чырткем мон адями:
Эктыны ке потӥсько,
Музъемез зуркатӥсько.
Воректӥз… Пиштӥз… Кысӥз...
Улонэ, лэся, ортчиз.
Но, бурдо сямен, инмын
Лобаны мон кылдэмын!
* * *
Шуныт кылъёс вера мыным,
Яратонэз — синмаз.
Та шундыё пужыосме
Шӧдтэк шорысь чупаз.
Витьтон арес мыным луиз,
Кутӥ синучконэз.
Жаль потыса бамам учки:
Ӧвӧл ни пужыез.
Оло шунды кутэм сое,
Оло ортчем аръёс.
Сяська кадь вал чебер соос…
Котмо кӧсыт бамъёс.
Мария ПЕТРОВА.
Менделеевск город
— Ӧй но вуриськы,
Ӧй но керттӥськы,
Ӧй но чильпаськы —
Кылбурай.
Ӧй но мерттӥськы,
Ӧй но уриськы,
Ӧй но пӧраськы —
Кыл малпай.
— Мар, ужлы паймид-а?
* * *
Надежда ИВАНОВА.
Можга ёросысь Гозег гурт
Дыр ортчиз, тон, меми, пересьмид,
Возьысал на тонэ ас бордам.
Кемалась мон ачим но анай,
Трос полэс ни шудо песянай.
Тон ӧвӧл ни, меми, мон вӧзын,
Инмысен учкиськод ми шоры.
Вужерен ми сьӧры ветлӥськод —
Тодӥсько, милемыз утиськод.
Сюлэмлэн сэрегыз нош пӧзе,
Со ассэ янгыше уськытэ.
Мугордэ позыръясь висёндэ
Йӧнатын мон ӧй быгат, шуэ.
Визьнодась кылъёстэ веракуд,
Мон асме туж визьмо кожалляй.
Син шоры мӧзмыса учкыкуд,
Шумпотон мон ӧй сёты, валай.
Возьдаськи мон, меми, вераны,
Сюлэмдэ шунтыны кылыным.
Дыр ӧй шедьты вӧзад пукыны,
Кытчы ке но кулэ кошкыны.
Нокызьы вождэ эн вай, меми —
Ми тонэ умоен малпалом.
Котьку, ӵук иземысь султыку,
Инмарлы тон понна йыбырттом.
Быгатӥсько кырӟаны.
Кырӟасько ке кырӟасько —
Сикысь гондырез уллясько!
Мон дэрем аслым вури,
Сöзулзэ кырыж вандӥ.
Ух, сöзулзэ кырыж вандӥ!
Эмезян тэле мынӥ,
Кудӟытозь эмезь сии.
Ух, кудӟытозь эмезь октӥ!
Картэлы мон шыд пöзьтӥ —
Пунылы ваньзэ кисьтӥ.
Бакчаям кешыр кизи…
Интыяз турын будӥз.
Курег гидэ мон потӥ —
Курегпуз, пӧй, эскеро.
Кудыын петок пуке,
«Курегпуз пузай», — шуэ.
Эктӥсько но кырӟасько,
Гурт калыкез паймытско.
Ух, гурт калыкез паймытско!
* * *
Людмила ГИРБАСОВА.
Алнаш ёросысь Азамат гурт
Воляын ворттылӥсь тыр валъёс кадь,
Мон ачим но али эрикын!
Ужаны мыноно но ӧвӧл ни,
Бергасько, пӧрасько гур азьын.
Сюлэмы шып гинэ кылзӥське но
Гожтылэм чуръёсам бырйиське.
Улонлэсь шудбурзэ омыртэ но,
Азьланьлы нош кужым люкаське.
Ой, майбыр ик луиз улонэ ук!
Интернет четлыказ ни кыске...
Куддыръя кузпалы ӝожтӥське ик:
Вунэтын, пе, кутскид ни монэ.
Выль шудон шедьтэм тэшкылиез кадь,
Интернет улонме буйгатэ.
Я, огшап нош пыро вотэсэ ай —
Выль ивор туж потэ тодэме!
Туспуктӥз Максим ЕГОРОВ

№10 (25871)
2021-тӥ ар 18-тӥ южтолэзь 17
Кылбурет дунне
Сяськаялоз нылкышно дауре!
Эгра ёросысь Чутыр черкогуртысь Светлана Поторочиналэн чуръёсыз
Пӧсьтэм чидан
Пересьёс шуо: «Чида!»
Улон, пе, озьы дышетэ.
Чидан — со андан?
Ӧвӧл! Корт но пӧсьтэ.
Трос-а басьтод чидаса,
Лулдэ четлыкын возьыса?
Коть зарни мед луоз кортнэтэз —
Уд думы вӧлскись мылкыдэз!
Шоканы куриськоз омыре,
Потоз со кыре.
Нош ӧз шедьты ке ӧс —
Куасьмоз но быроз!
Сӥзьыла
Урамын сӥзьыла…
Пересьмон, лэся, ӧсам йыга…
Омырын лобась вотэсъёс сямен,
Азвесь сӥньысэн чеберма йырсиме.
Гырем му вылэ кылись гожъёсын
Кисыри пуксе бамъёсам.
Сӥзьыла…
Вож гужемлэн егит дырыз ортче.
Берга, сӥсъя, поръя, усе…
Сылме, пурӟе, бӧрдэ, пуксе —
Озьы но яра кинлы ке.
Зоре, шапыкъя, быльыра, ӟизыра…
Кутскыса ведра дурын кисьтэ.
Шундыед пальыша, кырмыштэ,
Уг шунты, чуп гинэ каре.
Сайяське, ватӥське, палэнске,
Бызись ныл кадь, вогъяське.
Зарниен ворекъя но мальдэ.
Кин тодэ: серекъя я бӧрдэ…
Портэ, сутэ, йыръе
Пуш ласянь малпан.
Инкуазьлэн пырыез —
Лулы — озьы ик со вань!
Урамын сӥзьыла…
Пересьмон, лэся, ӧсам йыга…
Сюлмы кӧбера: ӧжыт ӝега! —
Мед тэлеӟоз кизем турынэ,
Пушъёз вордскем яратонэ.
Зороз, пельскоз,
Урмыса сульпаськоз,
Кезьытскоз но толмоз.
Оло, соку мылкыды воштӥськоз,
Йӧӟектэм лулы шунтӥськоз.
Вӧлскоз, пурӟоз, шараяськоз
Ӝокаса улэм чебере.
Сяськаялоз нылкышно дауре!
Кузьым
Уг, уг кузьма, дыр, сяська —
Укыр ӝог куасьме.
Инмысь кизили но усе —
Уг ву вераса малпанме.
Бен мае кузьмалом мон иське?
Акылес зорлэсь инбам пилиське.
…Оло нош — сюлэмме?
Дыр ортчемъя со юнгес яратэ.
Ӟеч сям
Аслым ачим ӟеч сям пыӵатӥсько:
Кӧльыен ке лэзё мон шоры —
Нянен пумитасько.
Ӧч карыса уродэзлы,
Та дуннеын мон улӥсько.
Кыл кутон нунал
Ваньмы понна вуоз.
Оло, соку, небӟем мактал,
Ӟеч сямме тодазы ваёзы,
Нянь колдызэс шори люкозы.
Монэн ке ӧз —нылпиеным,
Я мед озьы луоз.
Ӟеч сям та улонын
Вормисе потоз.
* * *
Вылыз кильтро, пушкыз колтро.
Чагыресь я пурысесь синъёс —
Синвуэн ке гылтымтэ соос,
Уз лу отын тылгизьыез —
Бордаз уз кыскы чеберез.
Весь мыняса улӥсь муртлы
Синмаськонэз ӧвӧл:
Уз быгат жаляны,
Уз усьты сюлэмзэ вӧл-вӧл.
«Тусыд мед луоз огшоры,
Сюлмад медло шунды пыры, —
Ӵемысь анае вералля, —
Адямиез, пе, учко сямызъя».
Ныл юон
Ури-бери ортче та гужем,
Сяськаясь ныл дыр выллем.
Син куспын туссэ воштэ —
Тодма на кышномуртэ!
Пирдан сандыксэ усьтыса,
Зарниям дэремзэ поттэм.
Ортчем даурзэ малпаса,
Мӧзмыт гурзэ мытэм.
Лыктэ, дыртэ, куноос,
Сюлмысь вераськом асьмеос.
Ӝӧк выл тыр сиён-юон —
Инкуазьлэн но туннэ ныл юон.
Бер потэм чипы
Бер потэм чипы
Луэ, пе, туж шудо.
«Зумытэз — бер куръясьлы», —
Калыкын шуо.
Пегась шундылэсь шунытсэ
Кырымпыдэсаз со октэ.
Пичи шудэзлы оскыса,
Бадӟым улонэ вамыштэ.
Шумпотэ улос
Чебер сӥзьыл куазьлы.
Улом ай асьмеос,
Ӧч карыса ваньмызлы.
Оломар но луэ инкуазьын —
Мын но вала сое тон.
Арлыдо муртъёс куспын
Юнгес луэ яратон.
Туспуктӥз Максим ЕГОРОВ

№10 (25871)
18 2021-тӥ ар 18-тӥ южтолэзь
Повестьысь люкетъёс
Кӧтерын
Мария ВЕКШИНА
писатель, «Удмурт дунне» газетысь
корреспондент
Котькытчы
вуттӥськись баӵко
Черкмы гуртамы ӝутэмын
калык сюлмаськемен. Вашкала
дыръёсы гурт шорын ик
вырйылын туж чебер, ӝикыт
гинэ пу юрт сылӥз, но совето
вакытэ со колхоз кенос
луиз, собере ӝуаз. Пеньӟем
бамалэ сиреньёс мерттӥзы,
шораз Быдӟым ож вакытэ
бырем солдатъёслы синпелет
пуктӥзы. Нош оскисьёс черке
ог 20 иськеме палэнэ мукет
гуртэ ветлылӥзы.
Ог 10 ар талэсь азьло Сандыр
Марпа оскисьёсты люказ
но шуиз: ойдолэ черк пуктомы,
гуртъёсын кемалась асьсэ
коже черкъёс ӝуто ни. Ярам,
колхозмы узыр, со вылэ ик та
ныпъет усиз ни. 2 ар куспын
туж чебер черк ӝутскиз. Ёросамы
таӵе чебер черкъёсты,
райцентрысь сяна, адӟылэме
ӧвӧл. Зэм, зэм. Калык но бичаськиз,
ачиз лэсьтӥськыны
потаз, али котыраз сяська
мерттылэ, службае лыктэмъёсты
сиёнэн утялтэ. Мар меда
сыӵе зол огазея на калыкез,
черк котырын берган сяна?
Олокытысь-марысь баӵкоез
шедьтӥзы. Со ар пала
службае ветлылӥз, кенакъёс
сое туж яратӥзы. Уго котькуд
юанзылы ӝот-ӝот валэктон
сётъялляз, служба бере кема
вераськыса, визь-кенеш сётъяса
улӥз. Ачим но сое дырындырын
адӟылӥ. Службаосы
ӵукна рейсовой автобусэн
вуэ вал, мон со вакытэ пудо
поттыны учыралляй: скалмес
электропастуке нуисько,
баӵко черке лаш-лаш тубе.
О-о! Клубысь дискотека
дыръя баӵкоез адӟыса, интыям
тыпак дугдӥ. Паймыса
ымме но ворсаме, паллянэ но,
буре но кожеме уг луы ни.
— Адӟид-а, адӟид-а? —
китӥм кутыса, шуиз Одок
эше.
— Ага, — йырыным гинэ
шонтӥ.
— Кызьы озьы?
— Луылэ, лэся, — шуисько,
аслам паймеме весь ымнырам
ай.
Охо-хо, баӵко гуртысьтымы
Лизоклы синмаськем ук.
Огшоры адями сямен, штан,
футболка дӥсям но клубе
потэм. Одӥг субботае вуиз,
мукет субботае потӥз, куи нетӥ
субботае лыктӥз. Лизок солэсь
пегаз, пегаз но сётскиз.
Сюан лэсьтӥзы. Собере
Лизок пинал вайиз. Нош
баӵко со дырысен черкамы
ӧз ветлы ни: тазьы дауртэмзэ
тодыса, черкысь куштӥллям.
Эх, корка но пуктыса, машина
но басьтыса ӧз вутты.
Та учыр бере кабинетам
малпаськыса пукисько: осконын
трос саклык висъяське
прощение куронлы но адямиосты
прощать каронлы. Кӧня
пол меда мон улонын уродзэ
лэсьтӥ? Нош кӧня пол меда
мон ачим прощение курылӥ
но простить карылӥ? Маке
уродзэ кари ке, кӧня асме сиё,
аслэсьтым инмарме пыкыло,
но куро меда прощение? Чылкытатскоз
меда солэсь мынам
лулы?
Удмурт кылын «прощение»
кыл но малы ке ӧвӧл,
озьыен, удмуртлы со кулэ ӧй
вал. Со шуэ гинэ: вождэ эн
вайы. Мон янгышай, зэм, табере
мар карод, но тон только
вождэ эн вайы, ява. Удмурт
инмаръёсызлэсь, воршудэзлэсь
курылэ гинэ: сёт ӟеч
куазь, ӟеч емыш, трос нылпи,
шуд, тазалык… Но со понна
тау каре!
— Тодӥськод на-а
нырысетӥ баӵкомес? — огпол
шуэ Одоке.
— Кызьы сое вунэтод!
— Сое черке берен кутӥллям,
бускель гуртын ужа.
Кошке татысь!
Одокелэн нылыз ворд
скемез дырысен керӟегъяськемысь
но висемысь
ӧз дугдылы на. Одок но соин
йырин дото керӟег луиз ни.
Малпаз нылзэ пелляськись
доры нуллыны. Арлыдо кышномурт,
вож нуныез гур сьӧры
нуыса, мар ке дарманьтӥз но,
ныл бӧрдонзэ вунэтӥз. Но висемысь
ӧз дугды. Табере, пе,
черке пыртоно.
— Орина, луод-а киросной?
— вазиськиз со мыным.
— Луо но, только нылдэ пиелы
кышно уг басьты!
— Ха-ха, яратыны кылдӥз
ке но-а?
— Шудтэм яратон умойлы
ӧвӧл.
Озьы ми Йӧвылэсултон
нуналэ черке мыныны кенешим.
Ӵукна 9 часлы, пе, лыктоно,
бере кылёно ӧвӧл. Черк
пушкын трос ик калыкез ӧй
вал. Ми вуыку, служба быремын
вал ни, но калык баӵко
дорысь кошкыны уг дырты,
мар но со юалляське, вераськемез
потэ.
— Ӵемгес черке ветлэ, соку
ваньмыз умой луоз, — шуиз
баӵко но калыкез улляны кутскиз:
— Мынам туннэ туж трос
уже вань на. Тани пиналъёс
возьмало.
Оскисьёс потон пала каллен-каллен
вамыштыны кутскизы,
тросэз сиськон висъетэ
кожизы, сьӧразы кин кыӵе
пӧрамъёс вайиллям, черкын
ужасьёс шыд пӧзьтӥллям.
— Мар лыктӥды? — азяз
султэммы бере юаз милесьтым
баӵко.
— Нылме черке пыртэме
потэ вал, — шуэ Одок.
— Ачид бон черке
ветлӥськод-а? Огпол но службаысь
адӟеме ӧвӧл, — лек вазиз
баӵко.
Одок мар вазьыны ӧз вала.
Баӵко азьланьтӥз:
— Нылпилэн лулыз чылкыт
ай, мар юнме черке пыртод?
Будӥз ке, ачиз тодоз, пыроно
яке ӧвӧл. Али коть уксёдэ
шыръялод. Малпаськы!
Одок лэзем синъёссэ ӝу тӥз
но баӵко шоры учкиз. Баӵко
нош со дыре мыным вазиз:
— Нош тӥ киросной анай?
— Ы-ы, — шуисько.
— «Символ Веры»
вӧсяськонэз коть тодӥськоды-а?
— Тодӥсько.
— Лыдӟе, — шуэ.
— Тодӥсько, но наизусть уг,
— шуисько.
— Нош кироснойлэн кыӵе
ужпумез?
— Нылпиез Инмар доры
вуттыны, соин эшъяськытыны,
— шуисько.
— Нош ачид эшъяськиськод-а?
— нош юа. —
Тонэ но огпол но службаысь
адӟеме ӧвӧл, нош клубысь —
вань!
Ой, мынам пушкы
пӧзьыны кутскиз ни. Уг чида
ни, кожасько вал, тани ваньзэ,
мар малпасько, верало. Одокез
гажаме гинэ кутӥз.
— Кошке татысь! — шуак
кеськиз баӵко но, алтарь пала
берытскыса, кирос понӥз.
Ми мар карыны ӧм валалэ.
— Мар сылӥськоды? Нырысь
асьтэос черке ветлыны
кутске, причастие басьтэ,
«Символ Веры» дышетэ. Собере
адӟом.
Улляз милемыз баӵко.
Керпотыса но выльысь
лыктӥмы, 2 арня ортчыса.
Одок пыр-поч дасяськиз.
Нырысетӥ арнязэ службае
ветлӥз, причастие басьтӥз,
мукетаз ачиз но «Символ
Веры» вӧсяськонэз дышетӥз,
монэ но чаклаз. Остэ, Инмаре,
арня дышетыны выри!
Кыл сьӧлтаське вал ни. Табере
черке ветлылытэк ӧвӧл.
Озьы службае мыныны
малпай. Служба быриз ке,
баӵкоен синмысь синме верасько.
Служба ӝог ортчиз. Котьку
сямен, калыклэн ӝог кошкемез
уг поты, баӵкоен вераськыны
мерске.
— Ми черке ветлӥськом
ке но, нокин милемыз Инмар
азьын кыл кутонлэсь уг
мозмыты, — юанъёслы валэктэ
баӵко. — Туж чылкытэсь
луимы ке но, всё равно
куломы. Нош кытчы сюромы:
рае яке адэ? Со котькудды
бордысь потэ. Соин ик
пересьмемдэс возьмано ӧвӧл,
черке арнялы быдэ ке но ветлоно.
Макем вазьгес чылкытатскыны
кутскиды, сокем
умойгес. Малы ке нуналлы
быдэ сиськыны, мисьтаськыны
вуттӥськоды ук. Сиён
пӧраны быгатӥськоды, нош
Инмарлы вӧсяськыны малы
уд быгатӥське?
— Пӧраськыны милемыз
анаймы дышетӥз, нош черке
ветлыны — ӧз, — меӵкытӥ
мон.
Баӵко шорам учкиз но вазиз:
— Черке сюлэм вайыны
кулэ. Малы ми черке
лыктӥськомы? Юрттэт кулэ
луыку. Улонамы урод учыр луэ
ке, кытысь ке утиськон утчаны
кутскиськомы. Инмарлэсь
весь куриськомы, куриськомы.
Нош уд малпаське-а,
солы, юрттэт курем интые,
йыбырттыны, маке сётыны
кулэ шуыса?
Баӵколэн со вакытэ телефонэз
жингыртыны кутскиз.
— Ачим телефонэн вырисьёсты
тышкаськисько, нош
аслам жингыртэ, — мынектӥз
баӵко но телефонзэ кутӥз, вераськемез
бере ваньзылы вазиськиз
на: — Всё, кошкытэк
ӧвӧл, сузэр-апайёс. Бускель
гуртын возьмало. Отысь черке
тӥ мында но уз лыктэ, дыр.
Верай ке, мамында Кӧтерын
люкаськылӥзы шуыса, вожъяськозы
ни.
Баӵко дӥсяськиз, бадӟым
«Лэнд Крузер» машинаяз пуксиз
но кошкиз.
Вакчияк вераса, баӵко
Одок лэсь нылзэ черке пыртӥз
ик. Со понна оло шоккетыса,
оло зэмзэ виски куриз на.
10 сюрс манет тыр
яратон
Понедельнике котьку сямен
ужаны потӥ, учкисько но
— укно пилемын.
— Нош ик сюроз!
Кивалтӥсьмы вуиз ни,
дыр. Клубе пырытэк ик, пиялаосты
октыны кутски, со
куспын оломалы гинэ йырме
берыктыны шедьтӥ: сиреньёс
пӧлын Сяська Олён пуке.
— Тон малы татын пукиськод?
— юасько Олёнлэсь.
— Бертыны возьдаськисько.
Сяська Олён — веськрес
мугоро, суд йырсиё, пеймыт
синмо чебер нылаш. Сяська
кадь ворпо дӥсяське, соин
ик сое Сяська Олён гинэ шуо.
Нылмурт али гинэ Иже дышетскыны
пыриз, калтыртыны
потаны кутскиз. Вакчияк
вераса, али улонэз шӧмъя.
Но туннэ уйин сое золгес ик
веръям: синулаз лыз-вож синяк.
Ымныр туссэ адӟыса, сюлмы
гинэ ӧз, мугоры ик шымырскиз.
— Нылъёсын-а, мар-а жугиськид?
— юасько.
— Ӧй.
Олёнэз кунултӥ, ӝутскыны
юрттӥ, клубе пыртӥ, чай юон
висъетын шуныт ву понӥ.
— Ю но вера, капчигес
луоз! — шуисько.
Олён бӧрдыны кутскиз.
Буйгаз но, дырын-дырын
викышъяса, мадиз. Мон, тусме
сак карыса, кылзӥ. Таӵеез
туала улонын луэ на шат?
Олён яратэм одӥг пияшез,
соиз но, лэся. Но одӥг «ноэз»
вань: со пияш кышнояськемын,
нылпиез али вордскиз.
Озьы ке но Олён со пияшен
ар пала ӵошен калтырто ни.
— Малы уд кошкиськы
кышноед дорысь, весь юасько,
— шуэ Олён. — Нош со
мыным шуэ: кызьы? Мон
сое но яратӥсько ук, пе. Нош
мон весь сое возьмалом-а,
мар-а, уйёссэ бӧрдыса пукылом?
Мыным но карт утчано
ук. Анае тӥни 16 аресказ бызиз,
нош мыным 19 ни!
— Уй-уй! — шуисько.
— Ну, кутски мон калтыртыны,
мукетъёсыныз
туганъяськыны, аслым карт
утчаны. Толон со та сярысь
тодӥз но вань пиосме коказ.
Монэ но.
— Э-э-э…
Зэмзэ вераса, мон нылэз
буйгатыны кылъёс ӧй шедьты.
Аслам ноку но таӵе учыре
шедьылэме ӧй вал. Мар та
вие кароно? Тӥляд но йырады
шуак лыктысал шат?
Кытчы пырод: Олён
бертӥз ик дораз, кӧня ке ватскыса
улӥз, но нэнэез адӟиз
шимес луэм ымнырзэ. Айы
курка кадь пештырскиз:
полицие заявление сётоно,
кыӵе солэн правоез вал!
Озьы, дыр, малпаз Олён но
— яратоно муртэз вылэ кагаз
гожтӥз. Судозь медаз вуы
шуыса, туган шуонэз нылмурт
доры вуиз, уксё дэмлаз.
Олён яратонзэ 10 сюрс манет
тыр вузаз.

№10 (25871)
2021-тӥ ар 18-тӥ южтолэзь 19
Верос
Нэнӥлы кузьым
Маргарита Тулбаева
Пичи Дими школаысь
дыртыса бертэ. «Нэнӥелэн
туннэ вордскем нуналыз, мар
меда кузьмано солы? Маин
шумпоттоно?» Озьы малпаськыса
мынонъяз гуртаз
вуэмзэ но валаса ӧз вутты.
Нэнӥез сое пӧсь перепечен
пумитаз. Дими ӝогак кӧтсэ
тыриз но ураме потӥз. «Вот,
— малпаське ас понназ пияш,
— малы меда али гужем ӧвӧл?
Возь вылэ васькысал но отысь
будӥсь сяськаосты бичаса
нэнӥелы кузьмасал!» Нэнӥез
сяськаосты туж яратэ, кӧтыз
уг тыры, сяська шоры учкыса.
Котькудӥз ас чебереныз чебер,
пе. Укно дурысь сяськаос
коркаез шулдыр каро, омырез
чылкытато, нош азбарысез
но бакчаысез корка котырез
шулдырто, азбарлэсь но бакчалэсь
синзэс усьто.
«Эх, — нош ик лулӟе пичи
Дими, — малы меда али губи
дыр ӧвӧл? Ми нэнӥеным ӵош
пичи дырысеным губияны
яратӥськом. Шедьтӥськом ке,
кыӵе шумпотыса бертӥськом,
вань жадем ик тӧлӟе кадь.
Собере сузяськом, миськиськом.
Нэнӥе губиез пӧзьтыны
пуктэ ке, ческыт зын кыдёке
вӧлске ини. Трос губи ке сюре,
бӧлякъёссэ но утялтэ. Али мынысал
но губи бичасал, озьы
нэнӥелы кузьым сётысал.
Кыӵе нэнӥе шумпотысал!»
Пичи Дими капка азьысь
ӟус вылын пукиз-пукиз но
Коля эшез доры мынӥз.
— Кылзы ай, Коля, туннэ
нэнӥелэн вордӥськем нуналыз,
нош мон уг тодӥськы,
мар кузьым сётыны.
Озьы вераськемзэ кылыса,
Колилэн анаез итӥськиз:
— Тон ачид солы кузьым.
Яратэ ук со тонэ, зарниен
но уз вошты. Вань сюлэмзэ
ик сётыса, тырше, умой,
оскымон воргорон, атай мед
луод шуыса. Соин ик ноку но
эн вунэты сое. Тыршы кулэ
дыръя юрттэт сётыны. Капчи
улонэз адӟемын ӧвӧл со тынад.
Соин мед данъяськоз со
тонэн, тон вань шуыса. Медаз
ноку но кысы яратонэд.
Яратонлэн туж бадӟым кужмыз.
Мын али гуртад берт,
ӟыгырты, чупа нэнӥдэ, вера
яратэмдэ. Со ик луоз бадӟым
кузьым.
Димилэн пичи дырыз
тодаз лыктӥз. Нэнӥез сое
кырӟаса, кылбуръёс вераса,
кӧлыны выдтэ вал:
Изь, изь, нуные,
Зарни бугоре,
Бадӟым будод, тӥр кутод,
Тэле мынод кырӟаса…
П. Ёлкинлэн «Валера» суредэз. Басьтэмын
«Удмуртиысь суредасьёс» альбомысь.
Дими соку пумитаз
вазьылӥз: «Тон, нэнӥе, пересь
луод, бодыен ветлод. Нош
мон, тракторен тэле мыныса,
пу кораса ваё тыныд, ява».
Тодэ ваёнъёсыныз ӵош Дими
гуртаз вуиз. Нэнӥез жадем,
лэся, — умме усем. Пияш чупаны
шуыса мыкырскиз но,
кышномурт шӧдӥз.
— Аресэныд ӟечкыласько
тонэ, нэнӥе, нош кузьыме
ӧвӧл... — шыпыртӥз пичи
Дими.
— Тон ачид кузьымлэсь но
дуно, пие.
Дими нэнӥзэ чупаз, ӟыгыртӥз.
Нылкышнолэн синкылиосыз
питырскизы. Оло
шумпотыса, вӧзаз пичи воргоронэз
вань шуыса, оло одӥг
ареслы пересьмемзэ тодаз
вайыса, оло секыт улон сюрессэ
малпаса, синвуаськиз
нэнӥез…
— Зэм но, пие, пересьмыса
арес вуэмлы шумпотонэз
ӧвӧл ни. Пичи дыръя, нуналъёсты
лыдъяса, возьмаськод
вал вордскем нуналлэсь вуэмзэ.
Уг пот на вылэм, пие,
пересьмем, но висён бордэ
калъяське. Солы сётскыны уг
яра, умоезлы гинэ юн осконэн
улоно. Котькуд вордскем
нуналлы шумпотоно. Котырад
мед луозы трос яратоно,
оскымон эшъёсыд, нылпиосыд.
Солэсь бадӟым шуд ӧвӧл
ни, пие…
Улон гердъёс
Надежда Тройникова
Эсэпсэ валаса
улоно
Кутэмнылме ӝыны арлэсь
кема ӧй адӟылы, туж
мӧзми. Дораз бертэмез сярысь
иворзэ шумпотыса
лыдӟи. Вераським, куное
лыктоз шуыса. Нош бертон
нуналаз гожтэ: «Вождэ
эн вай, ӟучанай, коньдонэ
ӧвӧл, буш киын пырыны кепырасько».
Мар шуыны ик
пайми, абдрай, берпалаз еэн
тышкано кадь луи. Кутэмнылме,
поездысь пумитаса,
дорам вайи. Малы мыным
кыӵе ке кузьым кулэ? Мусо
адямидэ ӟыгыртыны, соин
вераськыны, артэ пукыны —
мар вань солэсь дуноез?! Кузьым
сярысь малпаськыло-а
мӧзмыку? Монэ нырысь ик
ӟеч кылыд но пальпотонэд
шунтоз но буйгатоз.
Таӵе малпанъёс но юанъёс
бергало йырам. Оло, мон
гинэ озьы малпасько? Оло,
зэм но куное кузьымтэк, буш
киын пырыны возьыт? Буш
киын — кӧня пол кылылӥ
ини мон та кылъёсты… Пичи
дыръям, кинлэн ке корка
вадьсытӥз ортчыкумы, анае
ӵемысь шуылоз вал: «Туж
пырем, адӟиськем потэ но,
буш киын умой ӧвӧл». Удмуртъёслэн
сямзы сыӵе
шуид ке, янгышалод, дыр.
Одӥг ӟуч-бигер эшме арлэсь
кема куное ӧтьылӥ, весь уг
лыкты: буш киын умой ӧвӧл,
пе. Нош собере вуиз, лавкаысь
лушкаськыса пегӟем,
кожалод, ява: ӝутыны вормонтэм
сумка тросаз оломар
но октэм. Табере ини мон
возьдаськыса му пыр вияло,
кожасько вал: кызьы пунэмзэ
берыктом?
Куное одно ик кузьымен
лыктыны йылол вашкала дырысен
ке но возиське, эсэпсэ
тодыны кулэ. Адӟиськемед
потэ ке — лыкты, пыремед
потыку — пыр, киыд шоры эн
учкы, сюлэмыд гинэ буш медаз
луы. Кин тодэ, мар луоз
ӵуказе? Ӟеч адямилэн киыз
ноку но буш уз луы: ӟеч кыл,
шумпотон, пальпотон, гажан,
сюлэмлэн шунытэз — тужгес
но дуно кузьымъёс.
Зарни сандык
Кузпалме мон туж юн
яратӥсько. Нош со, монэ сяна,
пичияк курытсэ но веръяны
яратылэ. Трос уг ке но юы,
мон воксё перияськисько.
Монэ «ӟеч» адямиос буйгато:
малы, пе, сюлмаськиськод,
номыр уродзэ ведь уг лэсьты,
озьы тросэз воргоронъёс жадемзэс
веськатыло…
Ярам ай, юыса изьыны
ке выдысал — мынам мусое
одно ик дорысь лобӟе! Ма, со
чик юымтэ дыръяз но пӧртэм
учыръёсы сюрылэ. Озьы одӥг
ӝытэ, дорысь потыса, Йошкар-Олае
вуэм. Мар муген,
кинэ адӟыны со кеме мынэм
— тазэ мусое валэктыны ӧз
быгаты. «Йошкарнулся», пе.
Отчы уй куспын вуэм, нош
доре куинь нунал бертыны
выриз! Со учыр бере кык арня
ӵоже мон эксэй ныл кадь улӥ:
ӵукна кофе пӧзьтыса дася,
нуназелы — шыд. Со сяна,
мон дуннеысь ваньмызлэсь
чебер кышномурт луи. Но
ачим тодӥсько ини: кузпалыным
сак луыны кулэ.
Кылем арын Комаклэсь
арзэ ӟеч пумитамы. Куноос
кошкизы, нылпиосты изьтыны
выдтӥ. «Тон но выд, — шуэ
дуное, — жадид, вылды. Тусьты-пуньыез
ачим мисько,
ваньзэ утялто». Ох, котьмар
шу но, картэ ӟеч, малпасько.
Валес дорозь вуи-а, ӧй-а
— умме усиськем. Ӵукна мыняса
ик султӥ. Учкисько но —
муспотонэ дорын кӧлымтэ.
Паймод: выл дӥсез дорын,
ачиз ӧвӧл. Берло ини вераз:
тамаксэ пурккетыны потэм
но квартирамылэсь ключсэ
кутымтэ, нош милемыз сайкатыны
жалям. Кин ке, оло,
потӥсь-пырись луоз малпаса,
кема кынмыса сылэм. Корка
вӧзысьтымы уйбыт ужась
кафеысь нуназе шорын гинэ
бертӥз. Кыӵе дӥсен потӥз
— дорын ветлон штанэн но
тапочкиен — озьы ик вуиз.
Горем но потэ, бӧрдэм но. Туэ,
Выль арез пумитаса, соргетыны
кутскемезлэсь азьло изьыны
ӧй выды.
Котькуд ар ог дасо йырсие
пурысьта, луоз, та зарни кузпалэным.
Ӝамдэлы азбаре
потэ ке, тод ини — ышоз-быроз
яке шӧдтэк шорысь кыӵе
ке учыре сюроз. Кемалась ик
ӧвӧл, лавкае потыса, эшез
доры куное пырем. Отын
унитаз вылэ пуксем но, соиз
шорияк пилиськем. Выльзэ
басьтыны-пуктыны дыр трос
кулэ. Дорын сое нянен но
йӧлвылэн витё шуыса, тодаз
ик ӧвӧл ни…
Озьы ке но кузпалы — ӟеч
адями: сямыз лякыт, нылпиосты
яратэ, киыз котьмалы
мынэ, мон сярысь сюлмаське.
Сандыкын трос зарни коньдон
пӧлын одӥг сыномем манетэз
вань шуыса, сое уг курлало
ук. Котыр ласянь умой
адямиез уд шедьты. Котькинлэн
ӟеч сямъёсыз уродъёсызлэсь
тросгес — синйылтыны
гинэ кулэ.

№10 (25871)
20 2021-тӥ ар 18-тӥ южтолэзь
Яратоно книгае
Синухе но Полкан
Яратоно книгаосыз сярысь вера кылъёсты
эскерись тодосчи, «Шумпотон» блоглэн авторез
Светлана Едыгарова (Хельсинки).
____________________
Мика Валтари «Египтянин» (16+)
Фин гожъяськисьлэн Мика Валтарилэн книгаяз валтӥсь герой
— Синухе нимо эмъясь. Египетысь но мукет странаосысь
вашкала улон сярысь со дневниказ гожъя. Синухе, куанер
врачлэн семьяяз будэм адями, Египетысь Эхнатон фараонлэн
эмъясез но матысь адямиез луэ. Озьы со фараонлэсь но Египетысь
огшоры адямиослэсь улон-вылонзэс суреда. Лыдӟыку
ваньмыз син азе пуксе, зэмзэ но вашкала дыре вуиськод кадь.
Со сяна, Синухелэн вераськон манерыз но, ӵошатонъёсыз но
вашкала Египетысь кутэмын кадь.
Гузель Яхина «Зулейха открывает глаза, «Дети мои» (16+)
Гузель Яхиналэсь книгаоссэ яратӥсько. «Зулейха открывает глаза»
роман туж умой гожтэмын. Документалистика, мифологической
выжыкыл но яратон — ваньмыз огинын. Мон та книгаез
лыдӟеме бере нырысьсэ малпаськи аслам ӵужанай-ӵужатаелэн
секыт дыръёсы улэмзы, мылкыдъёссы-шӧдонъёссы сярысь.
«Дети мои» книгаын гротеск туж зол яраз. Татын пӧртэм символъёс
пыртэмын, кылсярысь, Бах нимо геройлэн бакомемез,
Волга шур… Табере Г. Яхиналэсь «Эшелон на Самарканд» 3-тӥ
книгазэ возьмасько! Романысь пичи люкетсэ лыдӟи но ини.
Ульфат Бадретдинов «Астэ утчан сюрес» (12+)
Та книгаысь мыным яраз «Кучыран» шуыса нимаськись верос.
Та произведение сюлэмез туж бугыртэ. «Кучыран» Сибирьысь
ӧжыт лыдъем калыкъёслэн литературазылы матын потӥз,
кылсярысь, ханты гожъяськисьлэсь Еремей Айпинлэсь веросъёссэ
тодам вайытӥз.
Вячеслав Ар-Серги «Пичи пи но Полкан» (6+)
Та книга ки улам шедиз кылем гужем, эше доры куное ветлыкум.
Яратӥсько пиналъёслы книгаосты. Вячеслав Ар-Сергилэн
кылыз татын туж чебер, зэмос но луло. Быгатыса гожтэмын.
Жаляса верано, книгаез пумозяз лыдӟыны ӧй вуы, эше дорысь
кошконо вал ини.
Йенс Андерсен «Астрид Линдгрен. Этот день и есть
жизнь» (16+)
Яратӥсько биографиосты лыдӟыны. Кылсярысь, яраз Даниысь
писательлэн Йенс Андерсенлэн Астрид Линдгрен сярысь книгаез.
А. Линдгрен нырысетӥ книгазэ, «Пеппи Длинныйчулок»
повестез, 40 аресаз гожтӥз. Со бордысен кутскиз гожъяськисьлэн
сюресэз. А. Линдгрен сярысь книгаез лыдӟыса, умойгес
валаны кутски, кытысь пото выжыоссы Скандинавиын но
Финляндиын пиналъёсты будэтон сямъёслэн, культуралэн.
Фестиваль
Пучыяськоз литература
Апрельысен маёзь Ижкарын ортчоз туала литературалы
сӥзем «Кузебай» фестиваль (6+).
Гожъяськыны мылкыд карисьёс понна 2-тӥ апрельысен
2-тӥ маёзь радъяськоз литературая интенсив. Отын дышетозы
тунсыко текстъёс гожъяны, пӧртэм амалъёсты уже кутыса. Дышетсконэ
пыриськон понна 29-тӥ мартозь куриськон келяно,
сое шедьтыны луоз «Кузебай» лавкалэн «ВКонтакте» вотэс
бамысьтыз: vk.com/kuzebooks. Заявка сяна, вакчияк текст гожтыса
ыстоно луоз (со ӵектэм темаос пӧлысь огезлы сӥземын
луыны кулэ). Дышетскон дунтэк. Интенсиве кутозы 12 муртэ,
соослэн ужъёсынызы пичи книгаос печатламын луозы.
Выль книгаосын тодматскыны луоз 28-тӥ-30-тӥ мае — соку
Иж администрация сьӧрысь садын ортчоз ярмарка.
________
Анастасия ШУМИЛОВА
Кылпумысь
Гомерлэн эпосэз — нылкышно синмын
Таяз толэзе 8-тӥ Мартэз
пусйим бере, гожтэме
потӥз нылкышно
авторъёслэн нылкышноослэсь
пушдуннезэс
усьтӥсь книгаоссы
сярысь.
Америкаысь Мадлен
Миллерлэн «Цирцея» (16+)
но Англиысь Пэт Баркерлэн
«Безмолвие девушек» (18+)
книгаоссы выль сямен возьмато
вашкала грек сюжетъёсты.
Кызьы вуриськисьёс быгато
пиосмурт дӥсьлэсь нылкышно
дэрем пӧрмытыны, озьы ик
та гожъяськисьёс но, античной
сюжетъёсты ӟезьылысакырылыса,
турттӥллям
возьматыны Ахиллесэн яке
Одиссеен артэ сылӥсь, Гомерлэн
эпосъёсаз вужере кылем
нылкышноосты.
«Цирцея» роман усьтэ
Гелиослэн (Шундылэн инмарез)
Цирцея нылызлэсь
улэм-вылэмзэ. Цирцея инмар
но, адями но ӧвӧл — соос вискын
интыяськем ведӥн. Пичи
дырысеныз ик семьяез сое
адӟемпотостэм кариз, соин ик
Цирцеяез дворецысьтызы Ээя
шормуӵе уллязы. Отын улыкуз,
со доры пӧртэм геройёс
вуыло. Цирцеялэн куноосыз
сярысь малпанъёсыз книгалэн
инъетэз луо. Кылсярысь,
вашкала грек мифологиез
лыдӟыку, кыӵеен син азямы
пуксе Одиссей? Со йӧно эксэй,
трос подвигъёс лэсьтэм герой.
Нош Цирцеялэн синмыныз
учкыку, со мукет сямен син
азе пуксе. Мар шӧдэ Одиссеен
валче улӥсь кышномурт?
Книга ӝажы
Алангасаръёслэн пытьыоссы
Чебер выло, уно туспуктэмъёсын
выль бадӟым
книга потӥз «Удмуртия»
издательствоын.
«Удмурты. На земле
древних алангасаров
= Удмуртъёс. Вашкала
алангасаръёслэн музъем
вылазы» издание (12+)
удмурт но ӟуч кылын
гожтэмын, аннотациез
англи кылэ берыктэмын.
Ма сярысь та книга? Пуштроссэ
усьтозы куд-ог люкетъёсыз
гинэ но: «Вашкала
дауръёсысь туннэ нуналозь»,
«Удмуртъёс сямзыя но вылтуссыя»,
«Лыдпусъёс но букваос»,
«Калык шулдыръяськонъёс»,
«Туала удмурт батыръёс»,
«Писпу кужмо выжыосыныз,
Кыӵе та воргоронлэн сямъёсыз,
мар бугыръя солэсь сюлэмзэ?
Автор лыдӟисез та сярысь
малпаськытэ.
Та роман весьлы тупа. Сое
пӧрмытӥсь инӟыос — Цирцеялэн
я кыӵе ке инмарен, я
кыӵе ке адямиен кусыпъёсыз.
Котькудӥз инӟы лыдӟисьёслы
пичи дырысенызы ик тодмо
ини: огаз ватске Прометей,
мукетъёсаз — Гермес, Сцилла,
Одиссей но мукет геройёс.
Ваньмынызы нырысьсэ тодматскиськомы,
зэмос туссэс
адӟиськомы кадь.
Пэт Баркер «Безмолвие
девушек» книгаяз куара
сётэ Брисеидалы — та нылаш
Троя понна ожмаськон вакытэ
сюре Ахиллес кие. Сое но
со выллем тачак нылъёсты
адями чотын уг возё. Валлы
яке кыӵе ке дуно арберилы
но саклык тросгес висъяло.
Книгаын нылъёс ог-огзэс валало,
жаляло, юрттӥсько —
озьы сузэр-апайёслэн кадь
адями — эшъёсыныз»… Та уж
быдэсак сӥземын удмурт калыклы,
историын солэн интыезлы,
туннэ нуналэзлы, дано
нылъёсызлы но пиосызлы.
Люказ-радъяз книгаез
Георгий Грязев — Удмурт
Элькунысь дано журналист,
кусыпъёссы кылдо. Нош воргоронъёслэн
тупаса улэмзы уг
луы — ожмаськон соослы уг
тырмы, одӥг лагерьын улыса
но, керетыло, жугиськыло,
алдаськыло.
Та книга чыры-пырыосын
узыр. Соос пыр улӟо вужере
кылем геройёс, ожмаськонын
тросэн-тросэн бырем
нимтэм пияшъёс. Кылсярысь,
син азямы пуксе Ахиллесэн
вием пияш. Со, пе, атаеныз
нырысетӥзэ чорыгакуз, нымырез
курике нокызьы пыртыны
ӧз быгаты…
Зэм но, нылкышно синмын
ож кӧшкемытгес адске,
котькуд подвиг шоры
мукет палысен учкиськод:
со вир, вӧсь, вормись муртэ
адӟемпотостэм карон. Та
книга возьматэ, котькуд ож
дыръя нылкышноос курадӟо
шуыса.
________
Вера ШТЫКОВА
«Удмуртия» издательствоысь
валтӥсь редактор, дизайнерез
— Валентин Семёнов. Туж
бадӟым юрттэт сётӥз Омель
Ладилэн (Владимир Владыкинлэн)
«Ми — удмуртъёс.
Ӟечесь-а? = Мы — удмурты.
Здравствуйте!» книгаез. Озьы
ик вератэк уг луы фотографъёс
сярысь но. Валамон ини, умой,
ӟеч, кие кутымон книгаез туннэ
чебересь туспуктэмъёстэк
лэсьтыны туж шуг. Туж ӟеч
ужъёсынызы юрттӥзы элькунысьтымы
но солэн палэнысьтыз
25 фотографъёс.
Книга поттэмын Россиысь
Печатья но ивор вӧлмытонъя
агентстволэн юрттэменыз.
________
Георгий ТУЙМАТОВ
«Ингоже» юанъёсын, дэмланъёсын вазиськоно
73-33-42 телефон номеръя.
Веросъёстэс-кылбуръёстэс ыстэлэ, «Ингоже» шуыса,
электрон почтае udmdunne@yandex.ru.