39 от 6 октября 2022 (25951)

№39 (25951)
2 2022-тӥ ар 6-тӥ коньывуон
УЖРАДЪЁС
Ӟечкылан
Гурт удысын
но сиён-юон
поттон удысын
ужасьёс!
Вань сюлмысьтым
ӟечкыласько праздникеныды!
Удмуртиез
тӥтэк син азе пуктыны
секыт, угось ужды шаермылэн
улон-вылоназ
валтӥсь инты басьтэ.
Туннэ 40 сюрс адями
бусы гыре-кизе, пудо
будэтэ, сиён-юон поттэ.
Соос азе бадӟым ужпум
пуктэмын: туэ 970 сюрс
тонна йӧл кысконо,
нош вуонояз та лыдпусэз
1 миллионозь
вуттоно. Ю тысь дасян
ласянь но бере кылёно
ӧвӧл — туэ 930 сюрс
тонна люкамын ке,
вуоно арын 1 миллион
тонна кутсано.
Пусйымон: Удмуртия
мында нокин но етӥн
уг будэты. Гурт ипотека
люкылон ласянь но
шаермы 5 усто улосъёс
пӧлы пыре. Нош «Вуоноысь
гурт» проектмы
котькинлы адӟем
карымон луиз ини.
Вотка ёросысь Пихтовка
каргурт выльдӥськем
бере воштӥськонъёсты
витё Шаркан ёросысь
Быгы но Сьӧлта ёросысь
Узи гуртъёс. Та проектэз
улонэ пыӵатон понна
гуртоос но, сиён-юон
поттӥсьёс но сюлмысь
тыршизы. Тау тӥледлы
со понна! Азьланяз но
тазьы ик ӝутскем мылкыдын
ужалэ, шаермылэсь
данзэ, байлыксэ
ӝутэ!
Удмурт Элькунлэн Тӧроез
Александр БРЕЧАЛОВ
Гажано эшъёс!
Кун Кенешысь депутатъёслэн
нимынызы
гурт удысын ужасьёсты
ӟечкыласько праздникенызы!
Шуг-секытъёс
шоры учкытэк, тӥ
нуналысь нуналэ пудо
вордӥськоды, емыш
будэтӥськоды, кидыс
утялтӥськоды, сиёнюон
поттӥськоды.
Республикаез гинэ ӧвӧл,
быдэс кунмес сюдыны
быгатӥськоды, озьы ӟеч
улон-вылонмылы инъет
кылдытӥськоды. Азьланяз
но озьы ик мед
луоз! Ужаны кужымды
медаз быры, тазалыкты
медаз чуты. Эн вунэтэ:
шаермылэн азинсконэз
тӥ бордысь потэ!
Кун Кенешлэн Тӧроез
Владимир НЕВОСТРУЕВ
5-тӥ октябре — Дышетӥсьлэн нуналыз
Быгато, вормо!
Кузебай Герд нимо гимназиысь
историлы дышетӥсь
Артём Малинин.
5-тӥ октябре Россиын
пусъё Дышетӥсьлэсь
нуналзэ. Удмуртиысь
устоосыз педагогъёс
та вакытэ асьсэлэсь
быгатонлыкъёссэс
возьматӥзы Россиысь
конкурсъёсын.
Тюменьын йылпумъянъёс
лэсьтэмын «Арлэн
дышетӥсез» вожвылъяськонлы.
Татын кужымзэ мертаз
Ижысь Кузебай Герд нимо
гимназиысь историлы но
обществознанилы дышетӥсь
Артём Малинин. Артём
Равильевич пыриз Россиысь
устоосыз 15 педагогъёс
пӧлы. Конкурсын сое дунъязы
ивор вӧлмытон но туала
технологиосты нуналмысь
Якшур-Бӧдья
школа-интернатысь
психолог Гузалия Нурисламова.
ужаз быгатыса кутэмез понна.
Берло аръёсы Удмуртиысь
педагогъёс та быдӟа вормон
ӧз басьтылэ вал.
Якшур-Бӧдья школа-интернатысь
психолог Гузалия
Нурисламова вожвылъяське
«Устоез педагог-психолог»
ним понна. Со конкурсэ
мынӥз Удмуртиысь ас удысаз
дышетӥсьёс пӧлын вормемез
бере. Гузалия Нурисламова
дышетон удысын 19 ар тырше
ни. Вожвылъяськонлэн федерал
люкетэз ортче Москваысь
огаз университетын. Педагогъёс
15 пумо удысъёсъя кужымзэс
мертазы.
Дышетӥсьёс сяна, куспазы
ӵошатско школаен
кивалтӥсьёс но. Та конкурсэ
Россиысь 700 директоръёс
Тазалыкез утён
Эмъяськонниос выльдӥсько
Элькунысьтымы эмъяськонниосты
выльдыны
федерал бюджетысь
ватсаса вуоз
47 миллион 300 сюрс
манет.
Та пумысен распоряженизэ
юнматӥз Россиысь Правительстволэн
Тӧроез Михаил
Мишустин. Уксё висъяськоз
«Тазалыкез утён» нацпроект
улсын.
Та коньдонэн туэ ар пумозь
пуктэмын луоз 2 ФАП —
Дэри ёросысь Сизьгуртын но
Вуж Чультэм гуртын. Отысь
калык кемалась вите ни
фельдшер пунктъёссылэсь
выльдӥськемзэс. Сизьгуртын
457 мурт улэ, Вуж Чультэмын
— 850-лэсь ятыр.
— Берло 2 ар ӵоже ёросысьтымы
пӧртэм гуртъёсын
ӝутэмын 6 ФАП, озьы ик 2 амбулатория
— Ягулын но Хохряки
гуртъёсын, — пусйиз Дэри
ёрос больницаысь валтӥсь
эмъясь сузэр Татьяна Ехлакова.
— Отчы ужаны эмъясьёс
шумпотыса лыкто. Кадръёсты
шедьтыны юртто «Гуртысь
фельдшер» но «Гуртысь эмчи»
программаос: гуртэ ужаны
лыктӥсь эмъясьёслы кунлэсь
юрттэт висъяське. Шумпотымон:
вуоно арын выль амбулатория
кылдоз Изгуртын, 2024-
тӥ арын — Якшурын.
Федерал центрысь вуэм
уксёен ик азьланьтэмын луозы
Балезино но Вавож ёрос
больницаосты тупатъян ужъёс.
Нырысетӥяз выльдэмын
Воткаысь 7-тӥ школалэн
директорез Роза Мелекесова.
куриськонъёссэс келязы. Нош
вожвылъяськонлэн очной
люкетаз сюрыны быгатӥзы
30-эз гинэ. Соос пӧлын — Воткаысь
М. Т. Калашников
нимо 7 номеро школалэн директорез
Роза Мелекесова.
Та дырозь Удмуртиысь одӥг
директор но финалозь ӧз
вуылы. Директоръёс кӧня
ке нунал ӵоже Москваысь
пӧртэм дышетон центръёсын
тунсыко ужрадъёсы
пыриськылӥзы, кунысьтымы
усто лицейёслэн но гимназиослэн
кивалтӥсьёсынызы
кенешылӥзы. Роза Мелекесова
«Гражданинэз будэтон» номинациын
вормись луиз.
________
Елена СКВОРЦОВА
Студенческий билет №211080, выданный Злобиной Диане Александровне
19 сентября 2022 года государственной сельскохозяйственной академией, считать
недействительным.
Дышетонъя но наукая министерстволэн «ВКонтакте» бамысьтыз
ни липетэз, вошъямын укноосыз
но ӧсъёсыз. Валтӥсь врач
Вадим Ромашов ивортэмъя,
кылиз на 332 палатаослэсь
ӧсъёссэс выльдыны — талы
висъяны чакламын 9,8 миллион
манет. Нош Вавожысь
поликлиникаез выльдыны
висъяськоз 18 миллион 300
сюрс манет.
Тӧро Александр Бречалов
пусъемъя, туэ эмъяськонниосты
выльдыны висъямын 500
миллион манет. Унояз гуртъёсын
кылдӥзы выль ФАП-ёс,
Вотка но Можга городъёсын
пуктӥсько выль поликлиникаос.
Эмъяськонниосты тупатъян
азинтэмын луоз.
________
Сергей ЗАХАРОВ
Дуннеын
Тырмоз
кузьмаськыны
Америкалэн кун
долгез люкаськиз
31 триллион долларлэсь
ятыр.
США-лэн ноку но
тамында пунэмъёсыз
ӧй вал на. Со пӧлысь 5
триллионэз люкаськемын
Джо Байден кивалтон
вакытэ.
Со вие ик Украиналы
ож тӥрлыкен юрттыны
уксёзы жаль ӧвӧл.
Алигес нош ик 1 миллиард
долларзэс висъязы.
Консерваторъёс демократъёслы
вазиськизы,
Украиналы кузьмаськыны
тырмоз ни шуыса.
________
Россиын
Спецоперацие
кошкизы
Частичной мобилизация
кутскем
дырысен армие
вуизы ни 200 сюрс
мобилизованнойёс.
Пӧлазы запасэ пыртэм
военнойёс, ичи ӧвӧл
доброволецъёс. Та
вакытэ соос дышетско
пӧртэм улосъёсысь 80
полигонъёсын но 6
учебной центръёсын.
Дышетскемзы бере
гинэ соосты спецоперацие
келялозы. Туэ
сӥзьыл призыв кутскоз
бергес — ноябрьысен.
Срочникъёсты спецоперацие
уз келялэ, службазэс
йылпумъясьёс но
доразы бертозы.
________
Удмуртиын
Устоосыз
радын
Промышленностьлэн
азинскемезъя
Приволжск федерал
округын
Удмуртия 3 усто
улосъёс пӧлын.
Производство йылэмын
6 процентлы — Россиысь
шоро-куспо лыдпуслэсь
5,1 процентлы
ятыргес. 8 толэзь
куспын поттэмын 555
миллиард 800 миллион
манет тыр пӧртэм вуз.
Та лыдпус, кылем арын
сярысь, 23,7 процентлы
уногес. 30 процентлы
йылэмын химия продукция
поттон, 80 процентлы
— бумага но солэсь
арбериос лэсьтон.
Кыскемын 6 миллион
800 тонна мувӧй.