39 от 6 октября 2022 (25951)

№39 (25951)
4 2022-тӥ ар 6-тӥ коньывуон
ГУРТ УДЫС
Пичи Пурга палъёсын
Ю гурезьзы ӝужыт
Азьмынӥсь механизатор Юрий Самошкин.
Бусыын ужало: Александр Закиров, Анатолий Марков, Николай Бектуганов,
Леонид Николаев, Иван Чекалёв, Дмитрий Утехин но Алексей Мотов (паллянысен буре).
Пичи Пурга ёросысь
«Аксакшур» хозяйство
пудо сиён тырмыт дасяз:
11 сюрс тонналэсь
тросгес силос гуосы
тыремын, 1 гектарысь
шорлыдын 29 центнер
ю тысь басьтэмын.
Гектарысь —
29 центнер
Кызьы кизёд, озьы ик аралод.
Соин ик тулыс ужъёслы
«Аксакшур» хозяйствоын
дасясько: бусыосты гырыса
кельто, тырмыт удобрение,
кыед поттыны тыршо, жагез
утялто. Механизаторъёс чебер
но чакласькыса кизё. Узьымзы
буй-буй, вольыт ӝужа, тае
пусъё ёросын но: арысь аре
«Аксакшур» СПК котьку адӟем
карымон луэ.
— Туэ ми бусыосмес паськытатӥм:
2 сюрс 350 гектар
вал ке, эшшо 240 гектар аналтэм
музъемъёсты, арендае кутыса,
гырим, — вера валтӥсь
агроном Зинаида Беляева. —
Ужмы ватсаськиз, но уборкамы,
кылем арен ӵошатыса, сэрытгес
ортчиз — ю бусыосты
28 нунал ӵоже арамы. Куазь но
ужаны сётӥз, механизаторъёс
но умой мылкыдын бусые потазы,
лэся. Уксё йӧл бордысь
потэ бере, тыршиськомы ӟеч
пудо сиён дасяны, урожаймес
йылтыны. Туэ гектарысь
шорлыдын 29 центнер ю тысь
басьтӥм. 3 пӧртэм кукуруза
мерттӥмы вал — ӝужыт
будӥз, початокез вуиз. Мукет
выль культураосты, кылсярысь,
рапсэз, туэ ӧм кизе ни,
уго вань кужыммес сётӥмы
тырмыт пудо сиён дасянлы.
Ю бусыын 2 комбайнёръёс
ужазы — Николай Филимонов
но Иван Чекалёв, кутсам тысез
нуллӥзы механизаторъёс
Николай Иванов, Николай
Бектуганов но Алексей Еманов.
Силослы турын аразы
егит комбайнёръёс Дмитрий
Утехин но Александр Закиров,
нуллӥзы Юрий Самошкин,
Анатолий Марков, Леонид Николаев
механизаторъёс. Кызьы
шуэ Николай Бектуганов,
урожай вань ке, уж чалякгес
мынэ. Куд-ог аре 1 силос гуэз 5
нунал ӵоже пытсаны выриськод,
туэ 1 но ӝыны нунал куспын
тырмытъямы, пе. Оглом
силос 11 тонналэсь тросгес дасямын
вал.
— Мылкыдтэк-а потод
ужаны, — пайме механизатор
Алексей Мотов. — Мылкыд
умой ке, уж но капчиен сётске.
Колхозын 40 арлэсь кема
ужасько ни. Кулэ ке, комбайнэ
пуксисько, кулэ ке —
тракторе. Тулыс гырисько,
сӥзьыл трос аръем турынъёсты
погыртӥсь ко.
Алексей Леонидович мында
ик колхозын тырше ни
Юрий Самошкин но. Бусы
Пичи Пурга ёросысь «Аксакшур» эштослэн тӧроез
Ольга Чекалёва:
________
— Кылем арын кӧс улӥз бере, вань пудо сиёнмы быриз. Соин
ик туэ 2 арлы азьпала пудо сиён дасяны сюлмаськимы. Кин
тодэ, кыӵе куазь луоз вуоно арын. Туэ умой урожай басьтыны
быгатӥм. Со понна бадӟым тау вань ужасьёслы но
специалистъёслы, ас ужзэс ӟеч тодо но валаса быдэсто.
Лапасын тыршо: Юрий Батров, Александр Алексеев, Галина Авдеева,
Наталья Козлова, Валерий Батров, Ира Мерзлякова (паллянысен буре).
Азязы — валтӥсь агроном Зинаида Беляева.
ужъёсын Юрий Николаевич
котьку азьпалан. Бадӟым
Т-150 трактореныз туэ котькинлэсь
трос силос нуллӥз —
оглом 1 сюрс 733 тонна, тулыс
ваньзылэсь уно бусыосты
усыяз, нош уборка бырем
бере дисковать кариз. Ачиз
сярысь востэмак гинэ шуэ:
быгатэмея каллен ужасько.
Арлыдо ужасьёс пӧлын будо
егит кивоштӥсьёс но. Кылсярысь,
4-тӥ арзэ ужа комбайнёр
Иван Чекалёв. Колхозэ
бертэмез бере ик
солы соку выль комбайн
оскизы.
Арлы быдэ
выльдӥсько
Бусыысь ваем
юэз куасьтоно, лапасъёсы
интыяно
но толбыт чакласа
возёно. Таиз понна кыл
кутэ бригадир, кладовщик
Наталья Козлова. Вӧзаз —
юрттӥсьёсыз: КЗС котырын
бергало операторъёс Валерий
Батров но Александр Алексеев.
Пиос ас ужзэс ӝикыт
лэсьто, юэз чакласа кидыслы
но фуражлы люко, КЗС-ысь
пужъёсты но асьсэос вошъяло.
Лапасын кысык вакытэ 3-тӥ
арзэ юрттӥсько пенсионеръёс
Галина Авдеева но Ира Мерзлякова.
Ӟечкын улӥмы ке, кайта
но потомы, шуо.
— Кладовщикын 13-тӥ
арзэ ужасько ни, туэ кадь ӟеч
урожаймы ӧй вал на, суменак
3 сюрс 200 тонна люкаськиз,
азьвыл аръёсы тужгес тросэз
2 сюрс 800 тонна вал, — вера
Наталья Козлова. — Доре бертылытэк
сямен ужаськод ке
но, ӝужыт ю гурезьёс шоры
Туспуктӥз Максим ЕГОРОВ
учкыса, син ик шумпотэ, вань
жадён ортче кадь. Шумпотоно
выльдӥськонлы но. 3 ар талэсь
азьло выль МИГ-15 КЗС пуктэмын
вал, табере газэн ужаськом,
чылкыт луэ. Туэ липиськиз
кидыс возён лапасмы,
ваемын выль загрузчик.
Вераны кулэ, арлы быдэ
хозяйствоын выльдӥське мукет
техника но. Кемалась ӧвӧл
басьтэмын бадӟым РСМ-2375
трактор, комбайн. Кызьы
пусъе колхозлэн председателез
Ольга Чекалёва, азьланяз
но кужмо, огдыре трос ужез
быдэсъясь техника басьтоно.
Со сяна, пудо йылтон, выль
комплекс пуктон сярысь малпаськоно.
Одӥг интыын пукыса,
азинскон уз луы.
________
Мария ВЕКШИНА