Zmitts_dureWasserzeichen

- Aber im Wald usse hed er natürli nüd glehrt, ussert mit Pfiil und Boge
umzgoh dass er hed chönne Reh und Hirsche erlegge
- ..und Vögel..
- ..höchschtens zuefällig
- Zuefällig oder nit : töt isch töt.
- d Vögel hän im Parzival e Sehnsucht gweckt. Er het nit gwüsst nach was.
Er het eifach öppis gspürt, es Risse im Härze, es Zieh im Buuch und het
gmeint, das chäm vo de Vögel
- aber immer wenn er eine vo dene Vögel abgschosse gha hed, will er
hed welle wüsse was los isch, isch si Schmärz nur no grösser worde. Er
isch zur Muetter gsecklet und hed brüelet und isch nümmm druss cho
- Er isch überhaupt nit eso druss cho
- D Mueter au nit. Zerscht het si gmeint, si müessi alli Vögel töte, dass de
Bueb nümm müess brüele, denn het si aber igsee, dass das nid good,
das wäri bestimmt gäg de Wille vo Gott
- Gott? Was isch Gott?
- Gott? Das isch nit eifach z erkläre. Gott isch es Liecht, e hells
wunderbars Liecht. Gott het au einisch Mönschegstalt agnoo und het eus
alli erlöst. Wenn d wenn d i Not bisch, denn muesch bätte und denn hilft
dr Gott
- aha
- heds öpper gschnallt?
- Aber jetzt fertig Parzival ....
- es isch denn cho wie s het müesse cho: Dr Parzival het eines Tages im
Wald e entscheidendi Begegnig ghAlain:
- Won er einisch amene schöne Morge so im Unterholz umenad stieflet,
do ghört er es unbekannts Grüüsch
- es Ross im Galopp
- Und plötzli stoht vor ihm mächtig und gross uf emene starche,
dampfende Ross e Maa inere Rüschtig
- De Parzival het gmeint, das sig ne jetzt, de Gott..
- Er isch vor em in d Chneu und hed afo bätte
- Dr Ritter het scho chli komisch gluegt. Ich bi doch nit Gott. Ich bi e Ritter,
Du Dubel gsehsch das nit.
- He? Ritter? Was isch das? Wer macht die?
- Die macht de König Artus. Und het im Ross d Spore geh und isch devo
gritte.
- ändlich het dr Parzival gwüsst, was er di ganz Zit gsuecht hed: er hed
zum König Artus müesse go Ritter wärde. Er isch hei zur Muetter und
hed eres gseit.
- Die isch natürli fascht zämmebroche. Hejo, wenn us em Chind genau
das wird, was mer hed welle verhidnere. Si het dänggt, nur no e Lischt
cha mi Sohn vor em sichere Tod rette: Si het em Narrechleider aglegt
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
zmitts dure 4
- # -