Gaudianerspiegel

Liebe Goaßinger Kathl!
grias di God, lang hamma scho widda nix foneinander gehört. Drumm hab i mir dacht,
i schreib da widda amoi. Hoffendlich bisd guad eine grudschd in 2022! A guads neis Joh
wünsch i da nu, a wenns gar koa so guads Joh wird, weil widda amoi da Fasching ausvoid.
Immer nu wega dem deppaden Corona.
Do hods ja de Mittarbeiter vo eurem Bogginga Rathaus a sauba dawischd. Glei 14 Beamde
ham se im Februar 2021 mit dem Virus inviziert, hob i in da Zeidung glesn. Aber wahrscheinlich
is des gar ned amoi so starck aufgfoin, weil so wahnsinnig vui arbatn Beamde ja
jetzt a widda ned, gell? Zumindest wenn man nach euerm „Ober-Beamdn“, also am Burgamoasta
Krah, gehd. Weil der hod offenbar so weng zum doa, dass er se sogar seine Hohr
seiba schneidn kann. Zumindest hod er des öffendlich vazäjd, als Ende Februar nach dem
deppaden Lockdaun die Frisöhre widda aufmocha ham derfa. Olle andern Burgamoasta in
da Umgebung ham se scho gfreid, weil a jeeda scho a sechane Mähne aufm Kopf ghobt hod.
Da oanzige, dem des völlig wuascht sei hod kinna, is unsa Ruaschdorffer Burgamoasta Andreas
Jakob gwen. Der braucht für sei Glatzn nähmlich koan Frisöhr.
Übahaubt hob i vorigs Joh so einige seltsame Sachan über Bogging in da Zeidung glesn.
Do habts ihr zum Beispui zwoa marode Brükken am Baggasee, über de koana mehr geh derf,
weils z´gfährlich is, und de wahrscheinlich zwoa Millionen Euro kostn, wenns nei baud wern
miasn. Oder des mit diesem Römerturm. Vor zwoa Joh war der eh dauernt in de Schlagzeilen,
weil zwoa so Saubähren do drom an Porno draahd ham. Und jetzt wui euer Stattrat des
dene Sittenhammeln nu leichda mocha, indem do auf dem Turm drom jetzt a Webcam insdalliert
wird. Ja is denn des zum glaum?
A bissal ebbs zum Streidn – oda song ma zum Disskudiern – hods freile ah widda gem, hob
i ghert. Zum Beispui mit de Nachwuchsbolitika von da „Jungen Liste“. De woidn, dass Bogging
eigene Seitn im Gsichts-Biachl, also in dem neimodischn Facebook, und in diesem Instagram
griagt. Und am Besdn a nu per WhatsApp a diregte Fabindung ins Rathaus. Weil vo
44