ASO! Augsburg Süd-Ost - August / September 2022

6 ASO! August / September ‚22
Aug s ch b u rger
City-Schwäbisch
Kolumne
Von Fritzi Hundekuchen
Immr widdr musch di iibr d Schdadt ärgara,
oddr iibr d Schdadtwerge. Waaas? D Schdadtwerge
gheera oo dr Schdadt? Des hoißd, uns alle?
Warum sinn s dann nedd billigr? A soo, sie
undrschdiddsn d Region und dann machen s
no Gewinne, wo s voor Ord infeschdiera. In was
infeschdierea? Wohl in begueeme Bängle in dr
Schdadt, und in grooße Baim, woo di in Schaddn
seddsn kenndsch. Jedds no nedd, abr des kommd
no? Simmr gschbannd.
Aabr a solchene Rechnung wo s mr schigga. Wia
s ein scho aareedn: „Guten Tag Fritzi Hundekuchen“
– miir hamm hald immr gschriaba
„Sehr geehrter Herr Dimbflgruber“, aabr des isch
vlleichd nimmr modern, oddr was? Und dann
schiggn s a Rechnung, woo i braggdisch fiir zwoi
Moonaad no s Dobblde naachzahl, und o dann
weidr weid iibrs Dobblde widdr jeedn Moonaad.
Jaa, mir wissen des ja, des isch weggs dem
Kabuddnigg aus Mossgau, aabr – duud deene
bei di Schdadtwerge ebbes leid? Si missdn si ja
nedd graad endschuldiggn, aabr vlleichd fraagn,
ob mir des Geld oo hamm? Oddr so a Säddsle
– sie däden des ja scho wissen, dass dia neie Rechnung
vll deier kommd als wia dass ii friahr zahld
habb – aabr da schreiben s ganz scheinheilig, wia
ii mein, „Haben Sie Fragen? Rufen Sie uns gerne
an …“ Ja, miir fraagn uns scho, wia miir des zahla
solln, und ob s uns saaga, was dafiir daan hamm,
dass nedd a soo deir isch. „Wir sind gerne für Sie
da.“ – Ja, wia denn? Vlleichd griggsch a Informadsioon,
woo d Schdadtwerge immr unsr Gaas heer
hamm, und warum graad von deene, und warum
nedd von Billigere? Ii glaub, undrm Doom gibbd
s gar koi Erdgaas nimmi. Woisch, wenn s scho
um n Kabuddnigg geha däd, vlleichd a bissele a
Glaasnost oddr dass mr des durchschaud, mehr
Draanschbaarends als wia Draanschbiirends, wenn
mir zum Schwiddsn komma. Mei, sie hamm hald
bei die Schdadtwerge ihre alde Brief widdrheergnomma,
und blooß des Daadumm und s Geldle
abgänderd, ohne Riggsichd auf Vrluschde, ganz auf
meinr Seide, und ohne dass-se si was dengd hamm.
Daa wenn mir gendern dädn, hädd mr no Gligg,
wenn s ums Gaashahn zuudrehn gehd, gschdändrd
hädd mr ja no dia Gaas-Henna, und dia halded ihr
Gosch nedd soo schnell – naa, blooß a Widdsle,
gell, aabr was machsch, wenn dr s Geldle aus
dr Dasch dafooloffd, dass graad a Freid isch, da
griggd dr Vrschdand hald oo Urlaub.
Augschburger City-Schwäbisch (29)
Sie sind halt herzlos bei den Stadtwerken, aber dafür
HAMM MIR KOI WERDLE. Aber wenn die Gasheizung
dazu auch noch ausfällt … am Freitag Mittag … UNSR
BIRRO HADD BLOOß BIS ZWELLFE AUF … MIR HAMM
KOIN MONNDÖR FREI …
Da können wir schöne Zeitbegriffe lernen: AN DEEM
DAAG KOMM MR NIMMR, VLLEICHD AM MONDAAG
NACHMIDDAAG. DA BRAUCH MR A GANZE SCHDUND,
DES ISCH NIX FIIR FUCHZEH MINUDDA. DA MISSD MR
SCHO A BAAR DAAG INFESCHDIERA. MIIR BRAUCHN
JA SCHO DREI DAAG FIIR DES ERSADDSDEIL, DES KAA
EEWIG DAUARA – EEWIG UND DREI DAAG, WIA MR
SO SAGGD. A GSCHLAAGENE SCHDUND BRAUCHSCH
JA SCHO, DASS DES DEIL FINDSCH IM COMMBUDDR.
DA WIRD S JA SCHO NÄGGSCHDE WOCH … NEDD
DASS MR WARDN BIS NACH WEIHNACHDN ODDR
OOSCHDRN. A WIDDSLE. ABR WENN II DA SCHAU,
IM JULI GEHD S NIMMR, IM AUGUSCHD? SEHN S, DA
HÄDD II MEIN LÄDDSCHDA DERRMIIN, IN DR ZWOIDA
SEBBDEMBRWOCH, DA KOMM MR.
So freundlich war die Dame am Telefon des Sanitärbetriebs,
da kann sich mancher eine Scheibe davon abschneiden
– und ich sehe Licht am ENDE VOM DUNNL.
Manchmal braucht‘s Musik
Festtagsständchen
- geschäftlich oder privat -
Zu Geschäftseröffnung, Firmenfest, Jubiläum,
Geburts-, Mutter-, Vater- oder Hochzeitstag
www.sonimages.de/stand.htm
Anfragen
> ASO! Stadteil-Magazin
redaktion-aso@12steiert.de
> Klang & Bilder
info@sonimages.de
Tel. 0821/4534367
Referenzen
Augsburger Allgemeine, Kulturfestival,
Einweihung Helmut
Haller-Platz, Solo Kresslesmühle,
Slow-Food-Festival Nördlingen,
Kulturhaus Abraxas, Markt
Altenmünster, Kulturwoche
Diedorf, u.v.m.