ASO! Augsburg Süd-Ost - Oktober 2022

6 ASO! Oktober ‚22
Aug s ch b u rger
City-Schwäbisch
Kolumne
Von Fritzi Hundekuchen
Mei, d Schdadt, da kenndsch was vrzähla … Jahrzehndelang
hamm s auf m Kanu-Gelände, was manche
saaga, dass-es dr Eiskanaal isch, abr des isch-r
nedd, also auf m Kanu-Gelände hamm s d Baim
wachsa lassn, wia s gwolld hamm, graad oo bei dem
bayernfeindliche Dengmaal, hamm s-es wachsa lassn,
bis n Dibb aus dera Schbordweld griggd hamm, und
dr Schbordrefferend und s Bädr-Ambd hamm des
gschäggd, dass mr d Baim fiir n Bau von dia Flooße
gar nimmi brauchd, weil ja dia Kanu-Schdregge
fiir d Floße oo nedd bassd, ja soo was, hamm s im
Bädr-Ambd gsaggd, wo ja fiir des ganze Wassr-Erbe
zuschdändig isch, ja dann brauch mr ja des ganze
Gschdribb nimmr, da säg mr amaal gscheid durch,
da kenna mir ja dia aldn Buuchn nach China vrkoffa.
Nix mehr midd m oimbfach amal d Säge baumln
lassa! Gell ja sinn miir bleed, hamm se si gsaggd, da
renn mr uns scho soo lang d Kebf ei, wo ibrall a
Baum rummschdehd, wo gar nedd da sei missd! Und
vom Kajak-Verein hamm s oo gsaggd (dia wo nedd
Kajak fahra, bloß Kanu), dass ihre Boodle heidzudaag
gar nimme aus dia Baim schnidds, des isch heidzudaag
a moderne Fiibrglaasfaasr und alles Blaschdigg,
und des machn s aus Errd-Eel, des schwimmd
bessr, des siggsch ja an dia Veegele. Und da warn s
im Griin-Ambd oo froh, weil s dass mehr Bladds fiir
ihre Naachbflanzuna häddn, fiir 100 richdigge Baim,
da woo s-es zersschd abgsägd hamm, da machn s
oo 100 Vrreggerle-Schdengele in gloine Holzkäfig,
was ja fiir si scho nachhaldig isch. Und wenn no
siggsch, was um alle dia Nachbflanzunga rum alles
von ganz alloi hochwachsd, des gehd ja gar nedd,
des wird dann widdr wegg-gfräsd, des lassn mr uns
scho was koschdn, da dädn ja von ganz alloi laudr
Ulma hochkomma, wo doch scho s Ulma-Schderbn
ghabd hamm, des kemm-r nimmr brauchn, und des
Eschn-Schderbn waar ja oo scho, naa, da nemm-r
was deiers ausländischs von dr Baumschul, da duun
mir was fiirn Middlschdand. Mei, in 30 Johr sinn
dia Nach-bflanzunga scho widdr richdigge Baim, des
duun mir dia junge Leid vererbn. Dass no a Luffd
zum Schnaufa hamm, woisch, und dann isch des
schee nachhaldig, da lass mr uns bei dr Schdadt
nedd lumbn, gell.
S Bädr-Ambd isch ja oo was midd-m Wassr-Erbn, des
isch ja a ganz alds Wassr, no vom Middl-Aldr, da
simmr froh, dass mir des no hamm, nedd dass uns
vom Forgnsee nix mehr schigga, da haldn mir dann
no des alde Erbn-Wassr als wia a Reserve. D Schdadt
dengd hald immr an alles, alles fiir n Biirgr, wia s
blooß sei kaa?
Augschburger City-Schwäbisch (30)
„Mei, riachd dr Zweddschgadaadschi guad! Häddsch
oo n Gluuschd? Dädsch mr n Gfalla, koffsch mr a Drei-
Eggle-Schdiggle? Und bass obachd, dann-n nedd
zammadädsch!“
„Jedds mach kei Lädsch, des isch ja a zammadädschdr
Madsch und kei Dadschi mehr! I koff dr liabr n Ludschr
am Schdengele!“
„Des isch ja des Läddschde, redd doch kein Kiddsch!
So a alde Radschn! Siddsch graad guad, maggsch di
nedd riahra?“
„Ja ruddsch mr doch n Buggl rundr! Maggsch a Wadschn?
Schau selbr, da hamm s kein gscheida Dadschi
mehr am Obbschdschdand! Ädschibädsch!“
„Haddschi! So a Fliedschle! So a Gwaddsch! Ja bin i
aus Kambdschaddka? So isch-es, wenn mid d Scheißerle
in d Schdadt gehsch! Dschissle!“
So kanns gehen, wenn man das -dsch- und das
-ddsch- übt. Mal ist der Vokal davor lang, wie bei
LÄDSCH, mal kurz, wie bei HADDSCHI, was ich dann
durch ein Doppel-d anzeige. Wichtig bei der Aussprache
ist: Viel Zahnfleisch zeigen! - Bald kommt ja die
regenreiche Zeit, da kommen die LACHABADDSCHR
wieder … in diesem Sinne DSCHISSLE auch von mir.
Ihre Service-Apotheke
im Textilviertel
• Abholfächer für
24 Stunden Arzneimittel-Service
• Fahrradbote für klimafreundliche Lieferung
• Parkplätze hinterm Haus verfügbar
• Direkt in der Nähe
von REWE, ALDI
und Bäckerei Wolf
Wir freuen uns auf
Ihren Besuch
Dr. Hannes Proeller (Univ. Urbino)
SCHLOSSPLATZ 1 | AFFING
GUDJONS APOTHEK
FRIEDRICH-MERZ-STRASSE 1 | AUGSBU