6 <strong>ASO</strong>! <strong>Februar</strong> ‚23 Aug s ch b u rger City-Schwäbisch Kolumne Von Fritzi Hundekuchen Mei, wenn s a soo kald isch, da brauchsch mehr von dene Kalloria, woisch, weil s hald warm macha, oo am Bauch. Bass obachd, dass no in d Hoos nei basch! (S hilfd ja nix, dass des Hiffamark lefflweis neifrisch – da hamm r Gligg, dass d Gläsle immr gloinr werrn.) Hasch ja no dei Schogglädle-Michele hinda im Kichaschrangk. Da wenn aafangsch … glei hasch-es gnau beinand, d Schogglaad isch blooß no halb in ihrm goldana Schächdele. Ja gibd s was Draurigrs als wia a halbe Daafl Schogglaad? Nix ganz und nix halbs, woisch, da fehld ja scho a Eggle, des miss mr begraadign. Mei, da miss mr ja d ganze Reihe obbfrn, damid des widdr was gschleichschaud. Naa, halb isch s jedds nimmr, so was zwischn nimmr halbad und siggsch mi nedd. Faschd dass mr da scho no was macha missn. Vlleichd no was von dr Seide her, dann bassd s oo widdr bessr in d Schachdl nei; warum s des von dr Firma immr a soo eng macha, sollsch den Schogglaad hald nimmr neifädln kenna, siggsch, jedds isch r scho schmälr. Und bassd! Raus und nei. Nei und raus! Mir lassn uns doch von dr Fabrigg des nedd vorschreiba, was mir midd dem Schogglaad macha, des isch unsr Briffaadsach! Und wenn mir d Daafl no mehr schlangk macha, dann hädd s-es widdr no luffdiggr, wo s jedds scho faschd a Virrdele vom Schogglaad isch, des bassd. Jedds wenn von Außa auf d Schachdl druggsch, da kaasch no schbiira, wo s Reschdle hoggd, wo im Eggle. Mei, gwieß hädd dr gloine Schogglaad jedds echd Angschd, dass-r gfressa wird. Wär s kei Schogglaad worra. Jedds druggd s mi im Bauch, abr des isch was Seelisch-s. Woisch, des isch graad soo wia dr Lech, des isch ja oo blooß no a halbr Fluss, der wo a soo lahm daheerschleichd. Kei Wundr, s sinn ja 20 Schdroomgraffdwerg vom Hochablass bis zum Forgasee, wo s Wassr aufhaldn, und n Haufa Schdauschduufa. Oi Graffdwerg isch graad am Hochablass, wo d Schdadtwerge in dr Zeidung vrschbrocha hamm, dass a Fischdrebbe baua und dass d Nadduur so bleibd wia s isch. A Fischdrebbe hammr no keine, abr s Nadduurschudsgebied isch keins mehr, und dr Landschaffdsbfleegeferband kommd alle 6 Wocha, dass am Weeg am Lech nix Grians hochkommd, Woisch, was da faschd gaar nimmr gibbd: s Johannisgraud, d Englwurz, dr Sanddorn, dr Schdeinglee, des Wilde Gelbe Riable, dr Beinwell, d Brommbeera, d Daubnessl, des Ehrabreis, d Bladderbse, des Lungengraud, dr Rainfarn, dr Wiesasalbei, des Mähdesiaß, d Silbrdischdl, d Weegwarde, dr Naddrnkobf, d Gugguggslichdnelge und s Dausndgildngraud und was schonsch no a soo kennsch. Des duun s alles wegg, saggd dr LBF, damidd d Baumfällr nedd driabr schdollbrn, und siggsch, am Lech beim Kuhsee hamm s des scho gschaffd und in dr schdaada Zeid gfiahld dreihundrd Baim abgsägd. Ohne dass oinr gschdollbrd sei däd. Isch ja alles Re-Nadduurierung, was willsch da no saagn, jedds hamm s des Licca Liebr, des isch aaschdeggnd. Und vrgessd s nedd, dass-r a Mäschgerle macht-s im Fasching, des isch luschdigg. Augschburger City-Schwäbisch (33) Komu isch tasch? Wie geht es dir? Schta imasch? Was hast du? WAS HASCH? Das eine ist portugiesisch, das andere serbokroatisch – wie man es ausspricht. Was soll das, haben wir jetzt internationalen Sprachunterricht? Nein, nein, ich will nur sagen, wie international das Augschburger City-Schwäbische bei den Verben die 2. Person Singular Präsens bildet, im Einklang mit einer romanischen und einer slawischen Sprache. GELL DA SCHAUSCH! Und immer schön mit viel Lippen- und Zahnfleisch artikulieren. BRAUCHSCH WAS NEIS? SIGGSCH, WAS MEINSCH, BASCH IN DIA HOOS NO NEI? MEI, WENN IMMR SOO VLL FRISCH! (BASCH und FRISCH gehören zu „passen“ und „fressen“ – schon höhere Sprachkunst). So wenn du anfängst (AAFANGSCH), immer mehr Schokolade drückst du in dich hinein (DRUGGSCH IN DI NEI), bald spürst du (SCHBIIRSCH) dich selbst nicht mehr. Dann schläfst du (SCHLAAFSCH) schlecht und DRAIMSCH, dass BAIM ABSÄGSCH, und dann VRRGISCH, dass AUFBASCH und SCHDOLLBRSCH DRIABR. Also immr aufpassen, bald ist schon wieder Im-Märzen-der-Bauer! 14. <strong>Februar</strong> - Valentinstag „Ein frischer Blumenstrauß bringt Freude ins Haus!“ Mittwoch - Vormittag Alles für ein gesundes und schmackhaftes Essen: Kartoffeln, frisches Obst und Bio-Obst, Gemüse, Biogemüse, Käse, Honig, Geflügel, Eier, Nudeln, Wurst & Schinken, Frischfleisch, Fisch, Feinkost, Antipasti, Eingelegtes, Blumen und Pflanzen. Freitag - Nachmittag <strong>Augsburg</strong> • Hochzoll-<strong>Süd</strong>, Zwölf-Apostel-Platz
<strong>ASO</strong>! <strong>Februar</strong> ‚23 7 Moderne Lorem Ipsum Metzgerei (Vorbestellungen und Plattenservice möglich)
Change language