ASO! Augsburg Süd-Ost - April 2023

6 ASO! April ‚23
Aug s ch b u rger
City-Schwäbisch
Kolumne
Von Fritzi Hundekuchen
I loff heid amaal durch n Subbrmaargd. Ja wo bleibd r denn, dr
Servierfoorschlaag? Gibbd s den faschd nimmr auf dene Gläsle
und Deesle? Ja wia lebbsch ohne Servierfoorschlaag? Miir solln
jedds s Sauergraud a soo neifressa, ohne dass wo a Bliamle
daneeba flaggd. Wrrsch gfraggd? Bei dera „Bergbaurabuddr“
hamm s no a gscheids Broodmessr hiidrabbierd, und beim
„Serraano-Schingn“ sogar au des Bassilikum in Gliggsgleebläddle-Aanmuudung,
des gleiche, was bei dr „veggaana Mihla-
Salami“ oo ghabbd hamm – hobbla, au bei dr „Dellikadessn-
Schingn-Kraakauer“, aabr no a Dommädle dazu. Siggsch,
beim „eggzellend Büffee Kardofflsallaad“, da schloofd no so r
hiigschleggdr Schniddlauch drauf; mei, irgnd was Grians soll
s ja scho sei bei dia doodn „Heeringsrellele“. Offd griggsch
ganze Gschichdle, „Boddaado Maaschdr Braadkardoffl Bommes
de derr soodee midd Schbegg und Zwiabele avek dü lard
e desoanjoo“ – des gehd oim ja rundr wia Eel. Und des „Huhn
(gmoind isch Geggele) siaß-saur, da siggsch no d Annanass-
Schdiggle sambd m Reis und s Babbriga-Breggle. Bei dia
„Maggreela-Fillees“ was Gelbs – a Ziddroona -Scheible. Da
schau heer, auf m „Feinschmeggr-Roodkohl“ (was ja a Blaugraud
sei däd) glanzd a Bflauma-Schniddsle. Uiii, da schdehn s
ja, d Ooschdrhaasn, jedds grinsn s scho arg bleed des Jahr, so a
Ooschdr-Hasn-Armee kennd graad wo eimarschiera. Griggsches
billiger im Abbrill. Abr s Kaddsa-Fuddr isch „naddiirlich
guud“, midd-erer ganzn Sommrwies midd Margariddn vor dr
Kadds seinr Lädsch- nana, vor dem buddsiggn Kaddsn-Gfrießle,
woisch, so a „feine Baschdeede“. Miir eifache Leid missn
zfriedn sei midd-r Teriyaki-Sooß, da soll ja n Haufa Ommegga
drin sei. (Woisch no, dia alde Oobl-Oobrschiine-Ommegga?) –
Abr Servierfoorschläge gibbd s nimmr, jedds hammr dafiir des
Nuudri-Score, woisch, des saggd dr, dass im Zuggr fei scho vll
Zuggr drin isch und im Buddr gaar n Haufa Fedd. Da hamm s
kein Bladds mehr fiir den aldn Servierfoorschlaag.
Im 3 Mohra seim alda Kochbuuch vom Sartory (1873) hamm
s n Servierfoorschlaag zu „Kalter gesulzter Karpfe: Man pflegt
solche Fisch auch mit kalten rohen Austern oder geputzten
von einander gespaltenen Sardellen und mit frischen Kräutern,
als: Bertram, Pimpernell und Portulak zu garnieren.“ Bimmbernell
und Borrdulakk – des hädd hald no Schdiil ghabbd,
alls was wahr isch. S Leeba isch hald scho a Schdiil-Fraag. Mei,
miir hamm hald auf m Brunna den Herrgules, der isch so a
rechdr Hiidra-Dracha-Mezzgr. Als Servierfoorschlag hammr a
baar nedde naggade Nimbfle, des glangd dann oo.
Augschburger City-Schwäbisch (35)
Ja, schon traurig, dass der gute alte Serviervorschlag, so
sinnlos und lächerlich er auch war, sang- und klangslos
verschwunden ist. Das Hochdeutsch auf den Supermarktartikeln
liest der Augschburger sogleich in seinem
eigenen Idiom. Wir lieben ja die Verkleinerungsform;
nicht die auf -chen („Heringsröllchen“), sondern die eher
süddeutsch-alemannische Form auf -lein, also -le: Bliamle,
Geggele, Scheible, Schniddsle (hdt. Schnitzchen). Besonders
wohlklingend erscheint mir das Heeringsrellele;
entsprechend ist ja auch die Sau ein Säule, und die Säule
ein Säulele.
Aber noch was zum Thema Ellipse / Verkürzung. DIE
OOSCHDRHAASN, JEDDS GRINSN S SCHO – von „sie“
und „uns“ bleiben nur das N-S. – MIDD-ER-ER … SOM-
MERWIES: für „mit einer“ steht City-Schwäbisch MIDD-
ER-ER, wobei der Sprechakzent nur auf MIDD liegt, der
Rest wird enklitisch angeschlossen. – ZFRIEDN – sogar
die Vorsilbe „zu“ wird verkürzt geboten, und drei Konsonanten
werden hintereinander artikuliert – samt einem
gerollten R, dem Augschburger Markenzeichen. (So
können wir die Bertold-Brecht-Tage rollenden Rs ausklingen
lassen.) – Für DES SAGGD-DR gilt Ähnliches, der
Ton ist stark auf SAGGD, und DR ist enklitisch. DR – vokalisches
R, es verlässt uns nicht. WRRSCH GFRAGGD? Ach
ja, der Herkules, ich tät ja lieber HRRGULESS schreiben,
aber das wäre ja schon ein halber heidnischer Fluch.
Annas
mobile Fachfußpflege
Tel.: 0176 93 19 87 97
Termine nach Vereinbarung