De Gemengebuet - Manternach

Aktuelles aus der Gemeng
16
E Gedanken un déi Familjen déi de Courage
haten, Leit déi verfollegt goufen, Judden oder
jonk Leit déi net wollten an de Krich goen ze
verstoppen, an déi domadden sech selwer a
Gefoer bruecht hunn.
E Gedanken awer och besonnesch un all déi
Mënschen, Politiker an Zaldoten déi aus dem
Ausland net einfach nogekuckt hunn, mais déi
sech organiséiert hunn an als alliéiert Truppen
eist Land a ganz Europa erëm vun dësem
onmënschleche Fluch befreit hunn.
Et waren all des Mënschen, déi die moralesch
Wäerter, déi all Vollek brauch fir a Fridden ze
liewen, versicht hunn héich ze halen an ze
liewen, an enger Zäit wou dat ee konnt d’Liewe
kaschten, well den Naziregime déi Wäerter
alleguerte matt Féiss getrëppelt huet.
E Gedanken awer och un all déi, déi deem
Regime a senger Verféierung net standgehal
hunn an déi aktiv un dëser onbeschreiflecher
Dot vun Zerstéierung a Massevernichtung vu
ganze Völker a Rassen deelgeholl hunn. Am
Nürnberger Prozess ass kloer eraus komm,
datt et sech zum allergréissten Deel em ganz
normal Leit gehandelt huet, also net schons
Mënschen déi vu vir eran eng kriminell Veranlagung
gewisen hunn. Eleng d’Iwwerzegung,
de fanatesche Glawen dat richtegt ze maachen
gung bei deene Meeschten duer, sech keng
wäider Froen ze stellen an sech ze behuelen
wéi een et net fir mënscheméiglech gehalen
hat. Loosse mer eis haut also och d’Fro stellen,
wat mir am Alldag machen, fir eis géint de Verfall
vu moralesche Wäerter ze wieren a wat mir
aktiv derfir machen, des Wäerter am ganz normalen
Alldag ze liewen, an enger Zäit, wou et
eigentlech wéineg Courage duerfir brauch.
Als Oofschloss nach e weidere Saatz aus dem
Yannick Haenel sengem liesenswerte Buch :
« ….Elle me dit que cette plaie n’avait jamais
cicatrisé et qu’il ne fallait surtout pas qu’elle
cicratise : la pire chose qui pouvait arriver à
cette plaie, c’est qu’elle cicatrise un jour, parce
que si cette plaie cicatrisait, elle disparaîtrait
peu à peu et un jour on ne se souviendrait
même plus qu’elle avait existé. … »
An deem Sënn loosse mer eis alleguer selwer
kucken, an eis ganz perséinlech froen op mer
um richtege Wee sinn a gläichzäiteg matt
grousser Dankbarkeet eis un déi Mënschen
erënneren, déi fir eis an eis Fräiheet agestanen
hunn an zum Deel duerfir hiert Liewe gelooss
hunn.
Zitater aus dem Buch vum
Yannick Haenel :
JAN KARSKI, résistant polonais qui faisait le
courier entre la Pologne et les alliés.