De Gemengebuet - Manternach

Kommissiounen
32
BILAN 2009
Tourismuskommissioun
Eis 14 Vertrieder sinn 2009 véier mol zesummen
komm, ënnert der Leedung vun der Presidentin
Alix Klein-Ungeheuer. Niewt den üblechen
Themen wéi
• Fréijaarsmaart “A Wiewesch” mat Trëppeltir,
• Broschüren, Hiwäisschëlder, an Internet
Presentatiounen vun de Wanderweeër,
• Ouverture vum Nordic-Walking Parcours
• vum S.I.Manternach de 26. Abrëll 2009,
gouf et 2009 en Haaptthema, wat d’ Gemeng
op Empfehlung vun der Kommissioun décidéiert
huet:
• De Bäitrëtt an den Office National du Tourisme
(ONT).
Den ONT ass eng ASBL mat ongeféier 200
Memberen. D’ Memberen sinn haaptsächlech
Gemengen, elo och Manternach, Betzder, a
Fluesweiler, vill Syndikater, a professionell Organisatiounen
(Chambres professionelles, Patronat
aus dem Tourismus).
Den ONT kann eis professionell a finanziell
ënnerstëtzen bei der Duerstellung vun eiser
Gemeng an der Vermaartung vun eisen Touristenaktivitéiten,
duerch Broschüren, Flyeren,
Internet, Press, a.s.w. Dobäi ass den ONT ni
selwer Organisateur, mee just Promoteur, deen
e groussen Deel vun de Fraisen decke kann.
Domat huet d’ Tourismuskommissioun och fir
2010 e gudde Programm:
• Wéi kënnt een den ONT asetzen fir eis
Gemeng méi bekannt an attraktiv ze
maachen ?
• Wéi kënne Veräiner, virun allem d’Syndikater
vu Berbuerg a Manternach, an lokal
Produzenten dovu profitéieren ?
• Wéi kënne mer mathëllefen, dass “A
Wiewesch“ méi attraktiv gëtt a besser
Öffnungszäite kritt?
• Wat kënne mer zum Joer vun der Biodiversitéit
bäidroen?
• Wéi kënne mer eis Flouernimm besser
dokumentéieren a verston?