De Gemengebuet - Manternach

Kommissiounen
24
Little World Cup Berbuerg
„Hei sinn all Facetten vu Lëtzebuerg vertrueden
fir mateneen a Freed ze spillen“, sou waren d’Begréissungswierder
déi den Aarbechts- an Immigratiounsminister
Nicolas Schmit de 5. September
bei der Ouverture vun dem‚Little World Cup
Berbuerg‘ am Stade Renert un d‘Supporteren
an d‘Spectateuren geriicht huet. Et woer dëst
déi éischt kleng „Fussballweltmeeschterschaft“
déi d’Gemeng Manternach zesumme mat der
Auslännerkommissioun zu Berbuerg organiséiert
hat.
D’Auslännerkommissioun hat 5 verschidde Fussballséquipen
aus 5 verschidde Länner invitéiert
fir des Coupe auszedroen. Et waren dat Irland
mam Gaelic Football Club, de portugiesesche
„Futeball“ vun Iechternach, den brasilianeschen
Club, den Football Club mat Spiller
aus der Guinée Bissau an eis 2. Equipe vum FC
Berdenia Berbuerg.
Sou waren et och 3 verschidde Kontinenter,
Süd-Amerika, Afrika an Europa déi zesummen a
géint eneen gespillt hunn. D’Iddi war et Mënschen
aus verschidde Länner a verschidde Kulturen
zesummen ze bréngen, déi mat Freed
a friddlech em de Pokal vum „Little World Cup
Berbourg“ ginge spillen. „Am Spill em de Ball
sinn d’Spiller alleguer gläich an et gi keng sozial
Barrièren”, huet d’Presidentin vun der Auslännerkommissioun
an hirer Ried gesot.
Et ass mat Leidenschaft gespillt ginn bis du no
4 Stonnen feststoung datt den éischte Gewënner
vun der Coupe d’Equipe aus der Guinée
Bissau aus Afrika war. Duerno konnten all
Spiller a Supporteren nach e puer flotter Stonnen
um Stade Renert verbréngen.
D’Auslännerkommissioun seet alle Spiller déi
bei dësem Event matgemaach hunn Merci fir
hiren Engagement.