De Gemengebuet - Manternach

Veräiner
42
Cabaret zu Manternach
Op Aluedung vun der Chorale Manternach-
Lellig, konnten d’Awunner aus eiser Gemeng
an der Emgéigend am Hierscht 2009
ee Cabaretsowend mat den „Makadammen“
an hierem neie Programm „Gëff
dech!“ genéissen. Entstanen ass dëse
Group 2001 am Cader vun der «Journée
internationale de la Femme» an der Gemeng
Réiser.
Chrëschtconcert vun der
Bech-Berbuerger Musek
Bei äiseger Keelt dobaussen (-20 Grad) koum
Samsdesowes schons e bëssche Chrëschtstëmmung
um Wee fir an de Concert op. D’Bech-
Berbuerger Musek, déi sech alt nees e bëssche
vergréissert huet, hat deen Owend op hire
Chrëschtconcert zu Bech an der Paarkierch agelueden.
D’Presidentin Vicky Wagner huet duerch de
Programm gefouert an huet fir d’eischt de Jugendensemble
op der Bühn begréisst. Dobei
goufen och déi Kanner a Jugendlech virgestallt,
déi dës Kéier fir d’éischt an engem Concert
hunn dierfe mattspillen. Et waren dat:
Catherine Bley, Ketty Clemens, Louise Irrthum,
Alex Lauff, Hannah Leonardy, Michelle Mandernach,
Aymeric Rerat, Lene Speijlborg an
d’Sandra Theisen. Mat Stécker vun ënner anerem
André Weignein an W.A.Mozart hu si eis an
déi richteg Stëmmung fir dësen Owend versat.
Am Stéck Clarinet Calypso vum Philip Sparke
konnten d’Julie Leruth an d’Maëll Rerat weisen,
datt si och schons soli-stésch optriede kënnen.
Duerno koum dunn d’Bech-Berbuerger Musek
a grousser Besetzung op d’Bühn fir eis matt
Musek vum Jacob de Hahn, L.v. Beethoven,
Trevor J.Ford, oder och Mackereth an déi richteg
Chrëschtstëmmung ze versetzen. An zwee
Wierker vum Tschaikowsky a vum G. Thinner
konnte mer dann
awer och nach
ganz besonnesch
déi jonk Klarinettistin
Nadine
Billa genéissen
a bewonneren,
déi mat engem herrleche Klang des technésch
schwéier Wierker virgedroen huet.
Och an der grousser Musek gëtt et zwee Neizougäng
ze verzeechnen. Dëst sinn d’Corinne Wagener
an d’Lydia Wolff, an och d’Nadine Billa
wëll ab elo regelméisseg an der BB-Musek matspillen.
D’Vicky Wagner huet deenen zwou Gemengen
am Numm vun de Museker Merci gesoot, fir d’finanziell
Ennerstëtzung bei de neien Uniformen
an huet sech och bei der Madame Germaine
Wagner vu Rippeg fir hire generéisen Don vun
enger Piccoloflûte un d’Musek bedankt.
Wien deen Owend keng Zäit hat, konnt d’Musek
deen Dag duerno och nach an der Scheier zu
Hierber lauschtere goen.
Mir bedanken eis op alle Fall bei alle Museker fir
hiren Asaatz a fir dee flotten Owend.