You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
14.130: Domine, in civitate tua, et ad nichilum rediges &c.<br />
14.131: Allas, that richesse shal reve and robbe mannes soule<br />
14.132: From the love of Oure Lord at his laste ende!<br />
14.133: " Hewen that han hir hire afore arn everemoore nedy;<br />
14.134: And selden deyeth he out of dette that dyneth er he deserve it<br />
14.135: And til he have doon his devoir and his dayes journee.<br />
14.136: For whan a werkman hath wroght, than may men se the sothe —<br />
14.137: What he were worthi for his werk, and what he hath deserved,<br />
14.138: And noght to fonge bifore, for drede of disalowyng.<br />
14.139: "So I seye by yow riche — it semeth noght that ye shulle<br />
14.140: Have hevene in youre here-beyng and hevene therafter,<br />
14.141: Right as a servaunt taketh his salarie bifore, and siththe wolde<br />
clayme moore,<br />
14.142: As he that noon hadde, and hath hire at the laste.<br />
14.143: <strong>It</strong> may noght be, ye riche men, or Mathew on God lyeth:<br />
14.143: De deliciis ad delicias difficile est transire !<br />
14.144: "Ac if ye riche have ruthe, and rewarde wel the poore,<br />
14.145: And lyven as lawe techeth, doon leaute to hem alle,<br />
14.146: Crist of his curteisie shal conforte yow at the laste<br />
14.147: And rewarden alle double richesse that rewful hertes habbeth.<br />
14.148: And as an hyne that hadde his hire er he bigonne,<br />
14.149: And whan he hath doon his devoir wel, men dooth hym oother<br />
bountee —<br />
14.150: Yyveth hym a cote above his covenaunt — right so Crist yyveth<br />
hevene<br />
14.151: Bothe to riche and to noght riche that rewfulliche libbeth;<br />
14.152: And alle that doon hir devoir wel han double hire for hir travaille<br />
—<br />
14.153: Here forgifnesse of hir synnes, and hevene blisse after.<br />
14.154: "Ac it is but selde yseien, as by holy seintes bokes,<br />
14.155: That God rewarded double reste to any riche wye.<br />
14.156: For muche murthe is amonges riche, as in mete and clothyng,<br />
14.157: And muche murthe in May is amonges wilde beestes,<br />
14.158: And so forth while somer lasteth hir solace dureth.<br />
14.159: Ac beggeris aboute Midsomer bredlees thei soupe,<br />
14.160: And yet is wynter for hem worse, for weetshoed thei gauge,<br />
14.161: Afurst soore and afyngred, and foule yrebuked<br />
14.162: And arated of riche men, that ruthe is to here …<br />
14.163: Now, Lord, sende hem somer, and som maner joye,<br />
136