Create successful ePaper yourself
Turn your PDF publications into a flip-book with our unique Google optimized e-Paper software.
Passus Five<br />
5.001: The Kyng and hise knyghtes to the kirke wente<br />
5.002: To here matyns of the day and the masse after.<br />
5.003: Thanne w~ked I of my wynkyng and wo was withalle<br />
5.004: That I ne hadde slept sadder and yseighen moore.<br />
5.005: Ac er I hadde faren a furlong, feyntise me hente,<br />
5.006: That I ne myghte ferther a foot for defaute of slepynge.<br />
5.007: I sat softely adoun and seide my bileve,<br />
5.008: And so I bablede on my bedes, thei broughte me aslepe.<br />
5.009: And thanne saugh I muche moore than I bifore tolde —<br />
5.010: For I seigh the feld ful of folk that I before of seide,<br />
5.011: And how Reson gan arayen hym al the reaume to preche,<br />
5.012: And with a cros afore the Kyng comsede thus to techen.<br />
5.013: He preved that thise pestilences were For pure synne,<br />
5.014: And the south-westrene wynd on Saterday at even<br />
5.015: Was pertliche for pride and for no point ellis.<br />
5.016: Pyries and plum-trees were puffed to the erthe<br />
5.017: In ensample, ye segges, ye sholden do the bettre.<br />
5.018: Beches and brode okes were blowen to the grounde<br />
5.019: And turned upward here tail in tokenynge of drede<br />
5.020: That dedly synne er domesday shal fordoon hem alle.<br />
5.021: Of this matere I myghte mamelen ful longe,<br />
5.022: Ac I shal seye as I saugh, so me God helpe,<br />
5.023: How pertly afore the peple prechen gan Reson.<br />
5.024: He bad Wastour go werche what he best kouthe<br />
5.025: And wynnen his wastyng with som maner crafte.<br />
5.026: He preide Pemele hir purfil to lete,<br />
5.027: And kepe it in hire cofre for catel at hire nede.<br />
5.028: Tomme Stowue he taughte to take two staves<br />
5.029: And fecche Felice horn fro wyve pyne.<br />
5.030: He warnede Watte his wif was to blame<br />
5.031: For hire heed was worth half marc and his hood noght worth a<br />
grote,<br />
5.032: And bad Bette kutte a bough outher tweye<br />
5.033: And bete Beton therwith but if she wolde werche.<br />
5.034: And thanne he chargede chapmen to chastisen hir children:<br />
5.035: "Late no wynnyng forwanye hem while thei be yonge,<br />
5.036: Ne for no poustee of pestilence plese hem noght out of reson.<br />
39
Change language