You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
5.501: Verbum caro factum est et habitavit in nobis.<br />
5.502: And by so muche it semeth the sikerer we mowe<br />
5.503: Bidde and biseche, if it be Thi wille<br />
5.504: That art oure fader and oure brother — be merciable to us,<br />
5.505: And have ruthe on thise ribaudes that repenten hem soore<br />
5.506: That evere thei wrathed Thee in this world, in word, thought or<br />
dede!'<br />
5.507: Thanne hente Hope an horn of Deus tu conversus vivificabis nos<br />
5.508: And blew it with Beati quorum remisse sunt iniquitates<br />
5.509: That alle Seintes in hevene songen at ones<br />
5.510: "Homines et iumenta salvabis, quemadmodum multiplicasti misericordiam<br />
tuam, Deus<br />
5.510: A thousand of men tho thrungen togideres,<br />
5.511: Cride upward to Crist and to his clene moder<br />
5.512: To have grace to go [seke Truthe — God leve that they moten!]<br />
5.513: Ac there was wight noon so wys, the wey thider kouthe,<br />
5.514: But blustreden forth as beestes over ba[ch]es and hilles,<br />
5.515: Til late was and longe, that thei a leode mette<br />
5.516: Apparailled as a paynym in pilgrymes wise.<br />
5.517: He bar a burdoun ybounde with a brood liste<br />
5.518: In a withwynde wise ywounden aboute.<br />
5.519: A bolle and a bagge he bar by his syde.<br />
5.520: An hundred of ampulles on his hat seten,<br />
5.521: Signes of Synay and shelles of Galice,<br />
5.522: And many a crouch on his cloke, and keyes of Rome,<br />
5.523: And the vernicle bifore, for men sholde knowe<br />
5.524: And se bi hise signes whom he sought hadde.<br />
5.525: This folk frayned hym first fro whennes he come.<br />
5.526: " Fram Synay,' he seide, " and fram [the] Sepulcre.<br />
5.527: In Bethlem and in Babiloyne, I have ben in bothe,<br />
5.528: In Armonye, in Alisaundre, in manye othere places.<br />
5.529: Ye may se by my signes that sitten on myn hatte<br />
5.530: That I have walked ful wide in weet and in drye<br />
5.531: And sought goode Seintes for my soule helthe.'<br />
5.532: " Knowestow aught a corsaint,' [quod thei], " that men calle<br />
Truthe?<br />
5.533: Koudestow wissen us the wey wher that wye dwelleth?'<br />
5.534: "Nay, so me God helpe!' seide the gome thanne.<br />
5.535: "I seigh nevere palmere with pyk ne with scrippe<br />
53