TuarascailEarnailnaMeanGhaeilge

seo deimhnithe i dtaighde Mhic Ghréil i 2009. Tá luach ar leith ag na meáin Ghaeilge
sa phróiseas seo - agus ainneoin nár aithníodh an luach sin i gcónaí, mar chuid
bhunúsach de shochaí nua-aoiseach an aonú haois is fiche is gá anois dul i ngleic leis
na fóraim éagsúla cumarsáide mar aon le hábhar fiúntach a chur ar fáil:
The task of reviving the language as the main medium of
communication for the majority of the population - an ideological
objective which was all too frequently advanced by people with little
knowledge of psychology, linguistics or education - was entrusted
chiefly to the schools, and above all to the primary schools. In these
circumstances, the role and the potential benefit, of Irish-language
journalism was down played and even ignored.
(Horgan 2001: 36-7)
Ainneoin cur chuige Fishman, aithníonn cuid mhaith taighde acadúil fiúntas na meán i
gcur i gcrích an dara céim seo mar sin is féidir go pointe áirithe ar a laghad, glacadh
leis go bhfuil ról ar leith le himirt ag na meáin Ghaeilge in athshealbhú na teanga. Ag
an seimineár ar na meáin Ghaeilge ar 13 Samhain 2010, d'aithin na hiriseoirí
gairmiúla féin an chéim seo mar chéim eile sa phróiseas agus mar uirlis i bpleanáil
teanga.
Má ghlactar lena bhfuil ráite ag Horgan anseo, is léir go bhfuil eilimint fheiceálach de
normalú teanga ar iarraidh agus tá sé in am anois triail a bhaint as infheistíocht a
dhéanamh san eilimint seo. Ní mór áfach an infheistíocht seo a dhéanamh mar chuid
de straitéis agus de phlean a chuimsíonn agus a chlúdaíonn na gnéithe eile teanga ag
an am céanna. Is cuid lárnach den tuarascáil seo leibhéal na hinfheistíochta úd a
cheistiú nó a chosaint más gá. Ní fiú barraíocht béime a chur ar thábhacht na meán i
bhforbairt agus i bpleanáil teanga, ach d'fhéadfaí a rá go ndeachthas an treo eile ar fad
agus dáiríre go ndearnadh neamhaird de chumhacht na meán i gcruthú pobail agus a
dtionchar siúd ar luachanna pobail sa chéad chéim d'athbheochan teanga.
Rinneadh é seo ar an tuiscint gur ghá tumadh iomlán a chruthú le hathbheochan
teanga a chur chun cinn, ach ní féidir, go háirithe sa sféar poiblí a bhfuil na meáin ag
saothrú ann, forbairtí sna meáin chumarsáide Gaeilge a mheas gan aird a thabhairt ar
phobal an Bhéarla. Tá glacadh phobal agus thimpeallacht an Bhéarla déanta go
héifeachtach agus go gairmiúil ag na meáin chraolta Gaeilge. Mar sin bíodh go n-
14