TuarascailEarnailnaMeanGhaeilge

luas agus dul chun cinn na teanga. Tá sé in am go leor bogadh ar aghaidh le díriú
ar fhorbairtí idirlín ar bhonn comhthreomhar, agus tús áite a thabhairt dóibh de
réir a chéile mar sin.
Tacaíonn iar-eagarthóir Foinse Séan Tadhg Ó Gairbhí, le tairbhe an nuachtáin i
bpróiseas shlánú na teanga ‘má táimid dáiríre faoi shlánú na Gaeilge’.
(Bhreathnach 2009). Chomh maith leis sin mar dhuine de na hiriseoirí a bhfuil an
taithí is faide aici sna meáin Ghaeilge agus bás sé nuachtán feicthe aici (ina focail
féin), d'ardaigh Máiréad Ní Chinnéide an cheist seo ag Seimineár Lae na Meán
Gaeilge clóite agus ar líne ar 13 Samhain 2010 mar chuid de thaighde gníomhach
na tuarascála seo:
Agus ar deireadh ceist fíorthábhachtach? Más fíor go bhfuil níos mó
agus níos mó daoine i dtaobh le meáin eile chun nuacht a fháil an fiú
breis agus €300,000 sa bhliain a chaitheamh ar nuachtán Gaeilge nach
léann morán níos mó ná sé mhíle duine? Creidim gur fiú. Ba thairfí go
mór don Ghaeilge, dar liom, bunúsáid a bheith á baint as an teanga
chun cur síos a dhéanamh ar chúrsaí na linne seo i nuachtán
seachtainiúil, ná na céadta tuarascálacha a scríobhadh i mBéarla, agus
nach léann duine ar bith, a aistriú go Gaeilge. Agus sin ráite ní fiú
nuachtán Gaeilge a bheith ann ar mhaithe leis an Ghaeilge amháin. Ní
mór ábhar a bheith ann a mheallann léitheoirí agus chuige sin ní mór
féachaint chuige go mbeidh foireann iriseoirí aige, agus na hacmhainní
ag an nuachtán iriseoirí nua a oiliúint, iriseoirí a bhraithfeadh dílseacht
don nuachtán agus a dhéanfadh a ndícheall féachaint chuige go
mbeadh pé scéal a mbeidís ag obair air ina ábhar cainte ag pobal na tire.
Ag caint faoi bhunú Y Byd sa Bhreatain Bheag, tugann Jan Morris luach an nuachtáin
céim níos faide ar aghaidh ag rá go bhfuil nuachtán laethúil ríthábhachtach i bhfóras
teanga agus i gcothú muiníne i gcultúr: 'A daily newspaper to my mind is critical to
the well-being of a language and the confidence of a culture.' (Thomas 2003).
Mar sin féin is gá i gcónaí a bheith airdeallach go dtuilleann an fóram luach agus
leibhéal an chaiteachais, go háirithe nuair atá seacht bhfóram eile á saothrú as an
c.45% eile de mhaoiniú Fhoras na Gaeilge d’earnáil na meán Gaeilge clóite agus ar
líne.
16