TuarascailEarnailnaMeanGhaeilge

c. Eilimintí lárnacha i struchtúir iriseoireachta mar chuid den straitéis:
Is iad na bunphrionsabail iriseoireachta ná eolas, oideachas agus siamsaíocht a chur ar
fáil. I gcomhthéacs fheidhm na meán Gaeilge agus na ceithre eilimint a luadh roimhe
seo caithfear iniúchadh a dhéanamh ar fheidhm na mbunphrionsabal iriseoireachta seo
chomh maith.
Cad is brí le heolas i gcomhthéacs chruthú na straitéise seo?
‣ Nuacht lom laethúil;
‣ Eolas faoi imeachtaí na Gaeilge;
‣ Eolas ar leith a bhaineann le gnéithe sainiúla an phobail seo nach mbainfeadh
go príomhá leis an chuid eile den phobal;
‣ Eolas faoi eagraíochtaí agus theagmhálaithe;
‣ Ardán anailíse ó phearsana móra iriseoireachta arb í an teanga seo a gcéad
teanga chumarsáide;
‣ Gréasán agus ardán cumarsáide do bhaill an phobail.
Cad is brí le hoideachas i gcomhthéacs chruthú na straitéise seo?
‣ Traenáil a sholáthar do bhaill phobal na Gaeilge i gcúrsaí teanga idir labhairt,
scríobh, léamh agus éisteacht na Gaeilge;
‣ Traenáil a sholáthar d'iriseoirí na Gaeilge agus do phobal gairmiúil na meán
Gaeilge;
‣ Tairbhe a bhaint as fóram na meán Gaeilge clóite agus ar líne chun cur le
hoideachas bunaidh a chur ar fáil ar an nGaeilge féin ag leibhéal bunscoile
agus meánscoile.
Cad is brí le siamsaíocht i gcomhthéacs chruthú na straitéise seo?
‣ Cultúr na hÉireann a chur os comhair an phobail trí eolas a chur ar fáil ar
chúrsaí agus ar imeachtaí cultúrtha;
28