Annual Accounts for the year ending 31st December 2007

Caibidil 7
Sáreagraíocht a fhorbairt
Críochnaíodh mórchlár gafa sonraí le haghaidh Bhainistíocht na nDroichead in 2007.
I ndiaidh próiseas tairsceana faoi choinne Córas Bainistíochta Droichead a aimsiú,
rinneadh dhá chomhlacht a ghearrliostáil mar sholáthraithe féideartha. Bronnfar an
conradh in 2008.
Críochnaíodh obair ar an líonra inmheánach in 2007 agus taispeánadh do gach ball
foirne ag an chomhdháil bhliantúil é. Déanfaidh an líonra difear mór gnó i dtaca
le cumarsáid san eagraíocht agus soláthar eolais. Cuireadh rochtain líonra ar fáil
d’fhostaithe nach bhfuil lonnaithe sna hoifigí trí bhothanna neamhspleácha a chur ag
suíomhanna praiticiúla. Seolfar an líonra in 2008.
Rinneadh athbhreithniú agus nuashonrú ar bhonneagar TF na heagraíochta in 2007
mar chuid den Chlár Feabhsúcháin Leanúnaigh. Athchuireadh ríomhairí deisce,
ríomhairí glúine agus printéirí áirithe. Cuireadh córas Commvault i bhfeidhm fosta,
rud a chuir feabhas ar fheidhmeanna cosanta sonraí, cartlainne agus macasamhlaithe
chun tacú leis an phróiseas bainistíochta sonraí. Tá an deasc chabhrach ann go fóill
chun glaochanna a fhreagairt agus tá Northgate Information Systems ag tabhairt
cuidiú inmheánach agus seachtrach fosta.
Ceannaíodh Córas Bainstíochta Clárúcháin Soithí in 2007 fosta. Críochnaíodh an
próiseas tástála ar an chóras agus tá sé le cur i bhfeidhm i Márta 2008.
Tá obair á déanamh go fóill chun Córas Eolais Grafaigh (CEG) a cheannach. Eagraíodh
cruinnithe, díospóireachtaí, láithreachais agus cuairteanna ar láithreáin ag soláthróirí.
40
Uiscebhealaí Éireann Tuarascáil Bhliantúil agus Cuntais 2007