Annual Accounts for the year ending 31st December 2007

Caibidil 3
Na hUiscebhealaí a Chothabháil agus a Bhainistiú
In 2007, cuireadh isteach tuairim is 1200kg d’iasc le linn oibreacha feabhsúcháin a
rinneadh ag naoi n-áit feadh na n-uiscebhealaí. San áireamh ansin bhí an 11ú loc de
chuid na Canála Móire ag Leamhcán roimh an chomórtas bhliantúil iascaireachta ag
Cumann Otharchathaoir na hÉireann, a reachtáladh ar an 13ú Meán Fómhair 2007.
Bhí gá le hiasc a tharrtháil mar gheall ar dhreideáil agus oibreacha cothabhála, go
háirithe ar Líne na Canála Móire / an Bhearú. D’éascaigh na hoibreacha seo trialacha a
thosú a fhiosróidh cur i bhfeidhm praiticiúil na mbeartas cosanta gnáthóige.
Ba fhoinse thábhachtach eolais bhainistithe i gcónaí í éicolaíocht spáis speiceas
áirithe iasc, a fuarthas amach trí theileaméadracht raidió agus fuaime. Cuireadh
síneadh leis an chlár seo in 2007 le go gcuimseodh sé an 25ú loc de Líne na Canála
Móire / an Bhearú, áit a bhfuil dreideáil ar siúl, le heolas a fháil ar phatrúin úsáide iasc
sna gnáthóga atá athraithe go nua. De réir na dtorthaí atá ann go dtí seo, gluaiseann
éisc gan bac feadh na coda sin den chanáil atá 22km ar fad.
Rinneadh monatóireacht ar chaighdeán an uisce trí huaire ar a laghad in 2007 sna
príomhchainéil agus i sruthanna friothálacha de chuid na Canála Moire agus na
Canála Ríoga, ar Uiscebhealach na Sionainne/na hÉirne agus ar Loingseoireacht
na Bearú. Rinneadh sampláil ceithre huaire ar dhaichead áit, ag teacht leis an
Treoir Creat Uisce (WFD). Rinneadh measúnú fosta ar fhásra plandaí uisce agus
bruachphlandaí ag gach ceann de na háiteanna sin in 2007. Rinneadh suirbhé ar
inveirteabraigh ag na háiteanna céanna uair amháin le linn 2006 agus 2007, agus
cuireadh cuid de na sonraí isteach chuig Fóram na hÉireann agus na hAlban um
Thaighde Imshaoil (SNIFFER), mar chuid de ghléas measúnaithe éiceolaíochta a
dearadh le monatóireacht a dhéanamh ar chomhlíonadh an WFD.
Ba chuid lárnach de phlean cothabhála Uiscebhealaí Éireann é clár Bainistithe Lustán
Uisce a chur i bhfeidhm. Tá de chuspóir ag an phlean seo plandaí uisce a bhainistiú go
ciallmhar lena chinntiú go mbeidh cainéil chanála ar oscailt le haghaidh na fóillíochta
ach gan teacht salach ar an éagsúlacht agus ar an luach éiceolaíochta.
3.3.2 Obair Imshaoil
Tá ról tábhachtach ag Uiscebhealaí Éireann bainistíocht d’ardchaighdeán a chur i
bhfeidhm ar na huiscebhealaí, leochaileacht an imshaoil san áireamh, go háirithe
de bhrí go bhfuil rathúnas fadtéarmach na sócmhainní seo i dtuilleamaí an stádais
timpeallachta.
Leanadh le linn 2007 den mheasúnú ar inmharthanacht thionscnaimh Uiscebhealaí
Éireann faoin Phlean Forbartha Náisiúnta. Cuireadh measúnuithe éiceolaíochta i
gcrích don chanáil atá molta do Ghlasán, Co na hIarmhí, lena chinntiu go bhfuil na
hoibreacha ag teacht leis na cuspóirí atá ag an Treoir Ghnáthóg. San áireamh anseo
tá suirbhéanna ar phlandaí uisce agus talún, mapáil gnáthóg, mapáil éaneolaíochta,
measúnú mamach agus staidéar iasc. Rinneadh staidéar mion hidreolaíochta do
Ghlasán chomh maith lena chinntiú nach gcuirfeadh tógáil na canála isteach ar
ghnáthóg bhogaigh in aice léi.
18
Uiscebhealaí Éireann Tuarascáil Bhliantúil agus Cuntais 2007