NRF Annual Report 2018

Boto e dumela tlhohlo yeo e amanago le lenaneo la
phethošo ya tshepedišo ya dinyakišišo. Le ge e le gore NRF
e tšwela pele go kgonthišiša sehlopha se se kopantšwego
le moemedi wa dinyakišišo, phihlelelo ye e kgaoleditšwego
ya mokgatlo ka lebaka la mathata a thekgo ya ditšhelete ao
a thibelago kgatelopele ka mo lefelong le.
Ngwaga wo o tlago
Ngwaga wo o tlago pele ga wa Leano la NRF la 2020, o
tla laetša diphetogo tše mmalwa ka go NRF ka paka ya
Boto ya bjale yeo e felago ka Lewedi 2018. Mokgatlo o
ikemišeditše gape go hlama leano le leswa la mengwaga
ye mehlano, go feta 2020.
Mo nakong ya ngwaga wa ditšhelete wo moswa, NRF e
tla tšwela pele go thekga dinolofatši tša bosetšhaba tša
dinyakišišo, ka peeletšo ya R620 milione, ka go tlhokomelo
ya mananeokgoparara le ditshepedišo. Ka lenaneo la go
dira thušo ya tšhelete la NRF, peeletšo ya R2.3 bilione e
tla dirwa ka dinyakišišo, badiradinyakišišo ba le kabo ya
phihlelelo ya mananeokgoparara a dinyakišišo.
Tebogo
Legatong la Boto le Khuduthamaga, ke rata go leboga Tona
ya peleng ya Saense le Theknolotši, Mohlomphegi Mdi
Naledi Pandor mabapi le boetapele bjo bogolo kudu, go
thekga le go nyaka go rerišana le Boto ya NRF le Komiti ya
Khuduthamaga. Gape ke rata go leboga Komiti ya Potfolio
ya Komiti ya Saense le Theknolotši bakeng sa dipeeletšano
tša go ba le mohola le NRF.
Go Tona ya Saense le Theknolotši ya bjale, Mohlomphegi
Mdi Mamoloko Kubayi-Ngubane, yo a thomilego paka ya
gagwe ya ofisi ka Hlakola 2018, ke rata go lebiša kamogelo
ye borutho le go tšweletša boitlamo bja Boto go fihlelela
leano le bohlokwa la NRF.
Go Komiti ya Khuduthamaga ya Mokgatlo re re ditebogo tša
boikokobetšo bakeng sa boitlamo bja bona bjo bo tšwelago
pele go mokgatlo le peeletšano ya bona ye bohlokwa le
go rerišana ka mafolofolo le Boto. Ke rata go leboga gape
maloko ka nna a boto mabapi le tlhokomelo ya merero ya
go fapafapana le go tliša bokgoni bja bona go ya ka ditlhohlo
tšeo di lebanego le mokgatlo.
Prof Loyiso Nongxa
NRF Board Chairman
NRF Annual Report 2017/18 13