Descarga en formato PDF (11 MB) - Centro Ramón Piñeiro para a ...

oncoxene s.m. Xene alterado que é responsable
dun proceso canceríxeno.
eS: oncogén s.m.
en: oncogene
oocito s.m. célula xerminal feminina inmadura,
na cal teñen lugar as divisións meióticas.
Sin GL: ovocito s.m.
eS: ovocito s.m.; oocito s.m.
en: oocyte
oogamia s.f. Tipo de fecundación na que un
gameto móbil e pequeno se une a outro
inmóbil e grande.
eS: oogamia s.f.
en: oogamy
oogonia s.f. célula xerminal feminina, formada
por mitose e con dotación diploide,
que ao madurar dará lugar aos oocitos.
eS: oogonia s.f.
en: oogonium
ooxénese s.f. Proceso de formación e diferenciación
dos gametos femininos, dende
as oogonias ao óvulo maduro.
Sin GL: ovoxénese s.f.
eS: ovogénesis s.f.; oogénesis s.f.
en: oogenesis
opérculo s.m. calquera estrutura a modo de
tapa que cobre un órgano animal ou vexetal.
eS: opérculo s.m.
en: operculum
operón s.m. Unidade xenética funcional que
consta dun ou varios xenes estruturais (que
codifican polipéptidos), un operador (secuencia
á que se une unha proteína reguladora)
e un promotor.
eS: operón s.m.
en: operon
opistoconto, opistoconta adx. Dise do organismo
ou célula que presenta un único
flaxelo en posición posterior. Un exemplo de
célula opistoconta é o espermatozoide.
eS: opistoconto, opistoconta adx.
en: opisthokont
oportunista adx. Dise da especie que prospera
mellor despois dunha perturbación.
126
eS: oportunista adx.
en: opportunistic
opsina s.f. Proteína que, unida a un cromóforo,
é capaz de reaccionar á luz, participando
en numerosos procesos de fotosensibilidade.
eS: opsina s.f.
en: opsin
opsonización s.f. Formación dunha capa na
superficie dun patóxeno ou outra partícula
por parte de calquera molécula que facilite
a súa fagocitose. O exemplo máis coñecido de
opsonización é o que realizan os anticorpos e o
complemento coas bacterias para a súa fagocitose
por parte dos neutrófilos e macrófagos.
eS: opsonización s.f.
en: opsonization
orc sigla Grupo de proteínas que recoñece
a secuencia dunha orixe de replicación e se
une a ela.
Sin GL: complexo de recoñecemento da
orixe loc.s.m.
eS: orc sigla; complejo de reconomiento
del origen loc.s.m.
en: orc, origin recognition complex
organismo s.m. entidade biolóxica individual
e organizada, unicelular ou pluricelular,
que é capaz de realizar funcións vitais
como a nutrición, relación e reprodución e
de completar un ciclo vital.
eS: organismo s.m.
en: organism
organizador s.m. rexión dun embrión que
produce sinais que dirixen o desenvolvemento
de todo o organismo ou dunha parte
do mesmo.
eS: organizador s.m.
en: organizer
organizador de Spemann-Mangold
loc.s.m. rexión marxinal do blastóporo de
anfibios por onde comezan os movementos
de gastrulación e que actúa como organizador
primario.
Sin GL: labio dorsal do blastóporo
loc.s.m.