Descarga en formato PDF (11 MB) - Centro Ramón Piñeiro para a ...

Presentación
Hai xa aproximadamente 8 anos un dos obxectivos que nos propuxemos dende o
decanato da Facultade de Bioloxía da Universidade de Santiago de compostela foi
traballar na elaboración dun dicionario trilingüe –galego, castelán, inglés– de termos
biolóxicos. non pretendiamos afrontar a realización dunha obra definitiva, que fose un
punto final, senón máis ben ofrecer un punto de partida, o máis rigoroso e detallado
posible, un dicionario que sen dúbida deberá ser perfeccionado e actualizado periodicamente,
mesmo con ilustracións e esquemas que axuden a comprender ou explicar un
concepto, unha estrutura, un mecanismo.
Queriamos un dicionario que abranguese toda a Bioloxía, dende as moléculas ata
os ecosistemas, xa que ata agora contabamos só con dicionarios parciais, sobre todo de
termos relacionados co mundo da natureza, pero ningunha obra de carácter global. neste
dicionario aparecen termos relacionados coa antropoloxía, a Bioquímica e a Bioloxía
Molecular, a Zooloxía, a Botánica, a Fisioloxía, a Xenética, a Microbioloxía, a ecoloxía,
a Bioloxía celular, o Medio ambiente. Finalmente, queriamos facer un dicionario que
fose trilingüe, porque estamos nunha comunidade cunha lingua propia, o galego, e outra
común ao estado español, o castelán, e porque a linguaxe científica universal é o inglés.
neste momento de lexítima reivindicación do galego como lingua propia e coma
lingua viva, e nun contexto internacional que emprega o inglés coma lingua científica
preferente, case exclusiva, facíase necesario que houbese un texto de referencia que
servise de axuda para poder expresar correctamente, dun xeito oral ou por escrito, os
principias termos da Bioloxía. este dicionario ten que ser unha ferramenta útil tanto
para o ensino preuniversitario como para os universitarios e para as persoas que se
dedican á investigación ou a divulgación da Bioloxía. o desexo de todas as persoas que
traballamos na confección deste, penso que magnífico, dicionario trilingüe de termos
biolóxicos é que a xente o aproveite empregándoo como unha ferramenta no seu traballo
educativo, investigador ou de divulgación. e esa é a súa razón de ser e de existir.
9