Descarga en formato PDF (11 MB) - Centro Ramón Piñeiro para a ...

e acumula no lugar onde se produciu a infección.
Moitos flavonoides son fitoalexinas.
eS: fitoalexina s.f.
en: phytoalexin
V. TaMÉn: flavonoide
fitness s.f. V. aptitude biolóxica.
fitocromo s.m. Molécula pertencente a unha
familia de proteínas que funcionan como
fotorreceptores de luz vermella. En función
do tipo de luz detectada pode desencadear diferentes
respostas na planta.
eS: fitocromo s.m.
en: phytochrome
V. TaMÉn: fotorreceptor
fitohormona s.f. V. hormona vexetal.
fitómero s.m. Unidade funcional dunha planta
producida de forma continua polos meristemos
vasculares e polos abrollos durante
todo o ciclo vexetativo.
eS: fitómero s.m.
en: phytomere
fitoplancto s.m. conxunto de organismos
autótrofos, tradicionalmente estudados
pola Botánica, con escasa ou nula capacidade
de movemento autónomo e que viven
libres nas augas, movéndose dependendo
das correntes.
eS: fitoplancton s.m.
en: phytoplankton
fitorremediación s.f. Biorremediación levada
a cabo grazas ao uso de vexetais.
eS: fitorremediación s.f.
en: fitoremediation
flavín adenín dinucleótido loc.s.m.
Molécula de riboflavina unida a unha adenina
difosfato.
Sin GL: FaD sigla
eS: flavín adenín dinucleótido loc.s.m.;
FaD sigla
en: flavin adenine dinucleotide; FaD
flavonoide s.m. amplo grupo de pigmentos
vexetais de natureza fenólica. Presentan propiedades
biolóxicas como antimicrobianos, insecticidas
ou antioxidantes.
eS: flavonoide s.m.
en: flavonoid
V. TaMÉn: antocianina
flaxelo s.m. Filamento bacteriano oco, de forma
sinuosa, empregado para o desprazamento
celular. Está formado por multitude de
subunidades proteicas de flaxelina, que se dispoñen
en paquetes hexagonais unidos helicoidalmente.
Na súa base atópase un corpúsculo de
estrutura cilíndrica que funciona como rotor.
eS: flagelo s.m.
en: flagellum
flaxelo s.m. V. undulipodio.
floema s.m. Tecido vexetal condutor do zume
elaborado.
eS: floema s.m.
en: phloem; bast
flor s.f. estrutura reprodutiva das plantas fanerógamas.
eS: flor s.f.
en: flower
flora s.f. conxunto de plantas que viven nun
lugar determinado.
eS: flora s.f.
en: flora
floración s.f. V. antese.
fluxo xénico loc.s.m. Transferencia de alelos
dunha poboación cara a outra.
eS: flujo génico loc.s.m.
en: gene flow
folgueira; fieita; fenta s.f.; s.f.; V. fieito.
folículo s.m. Froito sinxelo e seco orixinado
por un único carpelo e que contén varias
sementes no seu interior. Ao abrirse para liberar
as súas sementes divídese ao longo dunha
única zona de ruptura.
eS: folículo s.m.
en: follicle
folículo de Graaf loc.s.m. estrutura formada
por un oocito primario e as células foliculares
que se desenvolven ao seu redor. As
células foliculares axudan a nutrir o óvulo e a que
no interior deste se forme o vitelo.
Sin GL: folículo ovárico loc.s.m.
eS: folículo de Graaf loc.s.m.; folículo
ovárico loc.s.m.
en: ovarian follicle
83