souvenirs de la flandre wallonne recherches historiques ... - CEGD

DE LA FLANDREWALLONNE. 119
Avecq laquelle depuis se retyra
En son pays; quant son maistre fyna.
Où il vesquy de sa vie le sourplus,
En son chasteau de Lalaing demorant,
De jour en aultre augmentant en vertus,
Aprez qu'il eubt laissiet son grant abus,
Par le myracle recyté devant.
Et. depuis luy jusques à maintenant,
En sa lignye ne fut jamais trouvé
Aulcun reproche ne nulle lâcheté.
C'est le droit troncq de vraye chevalerye,
L'estocq d'honneur flourissant en noblesse,
C'est la rachine, de proesse garnye,
Raverdissant inpollue non soullye,
Très magnanime, des vertueux l'adresse,
C'est le resort de vraye gentilesse,
Desquelz le bruit et renom, pur et munde,
Sans nul reproche voile par tout le monde.
C'est le nourice des combatteurs vaillans,
Très militans, hardis expugnateurs,
Entrepreneurs des faitz d'armes pesans,
.Tousjours serchans jouxtes, tournois plaisans,
Pas triùmphans, dont il ont fet pluiseurs,
Les vrays vaincquoeurs, les longtaings voiageurs,
Sans nul reproche seuvie ne les robbe, .
Jamais Lalaing ne retourna sa robe.