PDF formatuan
PDF formatuan
PDF formatuan
Create successful ePaper yourself
Turn your PDF publications into a flip-book with our unique Google optimized e-Paper software.
DRAMATIKAREN GARRANTZIA<br />
Ikusi dugun moduan dramatika edo antzerkigintza literatura-genero bat da,<br />
eta dramatikaren hiru adierazpide nagusiak komedia, tragedia eta drama dira.<br />
Dramatikaren barruan, antzeztuak izan daitezen idatzitako obrak sartzen dira.<br />
Antzerki-testu batean istorio bat kontatzen zaigu, narrazio-testuetan kontatzen<br />
den moduan. Baina antzerkia jendaurreko antzezpena egitea denez gero,<br />
beste ezaugarri batzuk topa daitezke: oharrak, agerraldiak, denbora eta abar.<br />
Antzezlanaren egiturari dagokionez bi alderdi bereizten dira: batetik, elkarrizketa<br />
edo testu nagusia; eta bestetik, oharra edo bigarren mailako testua.<br />
Testu nagusiaren banaketan bi elementu dira garrantzitsuenak: ekitaldiak (antzerki-lana<br />
osatzen duten atal nagusietako bakoitza) eta agerraldiak edo eszenak<br />
(istorioaren zatiak dira, eta gertaeren bilakaera azaltzen dute). Bestalde,<br />
oharretan dago ekintzaren eta pertsonaien gaineko informazioa: pertsonaien<br />
mugimenduak eta keinuak, antzeztokiaren ezaugarriak edo eszenografia (testutik<br />
haratago, antzezlana gauzatzeko zenbait baliabide behar dira: dekoratua,<br />
altzariak, jantziak eta abar), argiztapena, soinuak eta beste. Azkenik,<br />
antzezpena egiteko ezin dugu ahaztu ondoko osagaiak ere funtsezkoak direla:<br />
denbora, pertsonaiak, zuzendaria, antzezleak eta ikusleak.<br />
5. Erantzun ondorengo galderei:<br />
– Antzezlan-zati honetan, zein dira bigarren mailako testuaren ezaugarriak?<br />
– Ohar batzuetan, Juan Martinek publikoarekin bakarrik hitz egiten du; jar<br />
ezazu adibide bat. Badakizu nola deitzen zaion horri?<br />
– Ba al dugu dekoratuaren berririk? Zure ustez, nolakoa da?<br />
– Irakur ezazu “Kutsidazu bidea, Ixabel” eleberriaren zati hau, eta konpara<br />
ezazu aurreko antzezlanaren zatiarekin. Zein ezaugarri azpimarratuko zenituzke?<br />
“Herriaren kaskotik dezente lehenago, baserria bakarrik dago”. Ni ere bakarrik<br />
nengoen, ai, jauna!, bakarrik eta neka-neka eginda, eta lanrroberra tuneletik, eta<br />
indigena potolo-txapeldun-puruduna txofer.<br />
–Arratsaldeon!<br />
–Berdin.<br />
–Noa hua?<br />
–Aranguren baserrira, eram…<br />
–Bai, gizona, sartu!<br />
–Aranguren prostuf-iar-txaputi?<br />
–Nola esan duzu?<br />
–Aranguren ñok txarriniau familia?<br />
–Eee, ez naiz familiarra, euskara ikastera nator.<br />
–Euskera ikastera? Ah, buen sitio Harrialde, todos hablamos aquí, aprenderás<br />
enseguida, ya verás.<br />
–Hori uste dut, eta horre…<br />
–…llau gaituk! Aranguren hauxe dek! Flusping-txetxerrep eta asko ikasi!<br />
–Eskerrik asko. …/…<br />
Askotan, antzezlanetan pertsonaia<br />
batek bere buruari edota entzuleei, eta<br />
ez beste antzezleei, hitz egiten die;<br />
horri APARTEa deitzen zaio.<br />
33<br />
2. unitatea: Euskaldunen komeriak. Antzezlana