PDF formatuan

5. Sortu
Antzerki zaharreko maskara.
Antzerki erromatarra.
48
2. unitatea: Euskaldunen komeriak. Antzezlana
BIZITZA ANTZEZTU BOST URRATSETAN
Irakurri duguna bezalako antzezlan bat egingo dugu, taldeka. Baina
ondo dakizunez,
1. URRATSA: antzerkian…
… dena egiantzekoa da, baina ezer ez da egiazkoa;
… ez dute pertsonek jokatzen, pertsonaiek baizik;
… ezpatak eta lantzak gezurrezkoak dira:
… dekoratuak kartoizkoak eta sinbolikoak dira;
… tresnak magikoak dira: gezurrezkoak badira ere, egiazkoak balira
bezala hartzen dira;
… ahotsari eta gorputzari tonu eta jarrera egokiak jartzen zaizkie;
… taldeka egiten da lana.
2. URRATSA: antzezlana osatu
Antzezleak: sei edo zortzi pertsonako taldeak osatuko ditugu; denon
artean adostu behar dugu antzeztuko den testua, rolak eta ardurak.
Gutxienez ardura hauek hartu behar dira kontuan:
– Zuzendaria.
– Antzezle nagusia(k).
– Aurkaria(k).
– Gainerako pertsonaiak.
– Argien eta soinuen arduraduna.
– Eszenografiaren arduraduna.
Pertsonaien kopuruaren eta garrantziaren arabera,
antzezlari berak pertsonaia bat baino gehiago interpreta
dezake.
Gogoratu pertsona ezberdinez osatutako taldea dela
eta bakoitzak bere ezaupideak, esperientziak eta
konpromisoak jokoan jartzen dituela proiektu bat burutzeko.