PDF formatuan

42
2. unitatea: Euskaldunen komeriak. Antzezlana
2. ZEHAR-ESTILOA ETA ESTILO ZUZENA
Irakurri arretaz:
– Esaldi batzuk jaso ditugu taxilariaren eta Juan Martinen arteko solasalditik.
OHARRAK: Eszenatokiaren alde batean, JUAN MARTIN ikusiko dugu, 20
urte inguruko gaztea, dotore-dotore jantzita. Eskuan, maleta bat eta txaketa.
Lurrean utzi eta hitz egiten hasiko da. Taxiko txoferra ikusiko dugu, JUAN
MARTINen aldamenean, bolantea eskuan duela. Autoko leiho imajinariotik
hitz egingo dio, altura desberdinetik. JUAN MARTIN makurtu egingo da.
TAXISTA (autoko musika jaitsiko du, hasieran entzun duguna): Arratsalde on!
JUAN MARTIN: Berdin. Libre zaude?
TAXISTA: Taxia bai, ni ezkonduta, kar-kar…
JUAN MARTIN: E?
TAXISTA: Bai, gizona, bai. Noa zoaz?
JUAN MARTIN: Aranguren baserrira, eram..
TAXISTA: Eramango ez zaitut, ba, sartu barrua!
JUAN MARTIN (taxian sartuko da, maleta belaunen gainean duela eserita).
– Orain elkarrizketa hori bera beste modu batean kontatuko dugu.
Juan Martinek Aranguren baserrira joateko taxi bat behar du eta taxilari
batengana hurbildu da. Taxilariak agurtu du, eta, ondoren, Juan Martinek
galdetu dio ea libre dagoen. Taxilariak entzundako galdera kontuan hartuta
txantxa bat egin dio, eta taxia libre dagoela erantzun dio, baina bera ez,
bera ezkonduta dagoela. Juan Martinek ez du txantxa ulertu, eta horretaz
konturatuta taxilariak erantzun dio baietz, libre dagoela; bide batez nora
doan jakin nahi du. Juan Martinek Aranguren baserrira doala esan dio eta
ea eramango duen galdetu dio. Orduan Juan Martin taxian eseri da maleta
belaunen gainean duela.
Zein da kontatzeko modu bi horien arteko alderik nabarmenena? Azter ditzagun:
PERPAUS KONPOSATUETAN bi esaldi (edo gehiago) daude elkartuta:
Bati nagusia deitzen diogu:
– galdetu dio – jakin nahi du
– esan dio – erantzun dio
Besteari, berriz, menpekoa:
– ea libre dagoen – ea eramango duen
– nora doan – taxia libre dagoela
– ezkonduta dagoela – Aranguren baserrira doala