PDF formatuan

3. URRATSA: testua
Ikuskizuna egiteko abiaburua da. Testuan hiru gauza hauek jaso behar
dira:
– Gaia zirriborratu: zertaz izango den antzerkia.
– Antzezleek zer esango duten: elkarrizketak, galde-erantzunak,
bakarrizketak.
– Zuzendariarentzat proposaturiko orientabideak eta oharrak.
Gaiak era askotakoak izan daitezke:
– Bizi izandako esperientzia bat.
– Herrian edo auzoan izandako arazoren bat.
– Antzerki edo narrazio labur bat, egokitua.
Testua taldeka osatu behar da, nork bere ekarpena eginez.
Ideia hauek lagungarri gertatuko zaizkizue beharbada:
– Behin gaia adostutakoan, antzezlanaren ideia nagusia gara
daiteke: zenbat pertsonaia agertuko diren, zenbat ekitaldi
izango dituen (iraupena) eta eszenografia nolakoa izango den.
– Elkarrizketak idatzi aurretik bi lan hauek idatzi behar dira:
antzezlanaren sinopsia eta pertsonaien ezaugarriak.
– Elkarrizketak idatzi bitartean egoerak imajinatu behar dira,
zuzendariarentzako oharrak idazteko; nola nahi dugun egoerak
garatzea.
– Eszenografian behar diren elementu guztiak zerrendatu
behar dira.
Kontuan hartzeko:
– Eszenografia eta attrezzoa nolakoak diren azaltzeko, oharrak idazten
dira.
– Oharrak letra etzanaz idazten dira, eta solasaldietatik bereiziak:
Oihala altxatzen da, eta herrixka bat ikusten da.
– Solasaldietan lehenik hitz egiten duen pertsonaiaren izena letra larriz
jartzen da, eta jarraian puntu bi eta hark esaten dituen hitzak.
– Batzuetan, pertsonaiek nola hitz egin behar duten azaldu behar da,
eta horretarako izenaren ondoan eta parentesien artean ohar txiki batzuk
idazten dira:
ENEKO (oihu eginez): Ez da egia izango!
– Ez da beharrezkoa, baina zenbait kasutan komeni da antzezten diren
egoerak une edo garai berean gertatzea.
– Antzezten den istorioa toki bakar batean gertatzen bada, dekoratuak
errazago antola daitezke.
Erdi Aroko antzerkia.
49
2. unitatea: Euskaldunen komeriak. Antzezlana