Create successful ePaper yourself
Turn your PDF publications into a flip-book with our unique Google optimized e-Paper software.
2010eko irailaren 4a, larunbata <strong>berria</strong> 27<br />
‹ Agenda<br />
Komunikazioa D<br />
Programazioarekin siestan<br />
Ekografiak<br />
Jokin Labaien<br />
L<br />
anetik etxerakoan, mugikorra<br />
logelan utzi, sofan<br />
etzan eta La2 kateko edozein<br />
dokumentali begira azken<br />
segundoraino logaleari eustea ia<br />
ezinezkoa egin zait beti. Plazerra<br />
da begiak zabaldu eta bata bestearen<br />
atzetik ematen dituzten bizpahiru<br />
horietan hurrengoa hasi<br />
dela ohartzea. Lo seko geratu aurretik<br />
ere, gogoko dut ezagun ez<br />
zaidan edozein gairi buruzko<br />
kontakizuna. Ahots bereziak,<br />
normalean, animalien bizimodura,<br />
lurralde ezezagunetara, ezinezko<br />
bidaietara narama.<br />
Aspaldi da ez nuela bazkalosteko<br />
saio horiekin hitzordurik izaten,<br />
iragan ikasturtean telebistarik<br />
gabe bizi izan baikinen hainbat<br />
hilabetez. Ostegunean bai.<br />
Ostegunean, siesta egin nuen El<br />
rey Africano dokumentalarekin.<br />
Ni etzateaz bat hasi zen, eta ez<br />
nuke asmatuko zenbat iraun<br />
zuen esaten. Noski, lehoi bati buruzko<br />
lana zen. Haren jaio eta hil<br />
arteko bidea iruditan. Lasaitasuna<br />
eragin zidaten Afrikako txokoek<br />
eta lehoiaren mugimendu<br />
lasaiek. Une batzuetan baino ez<br />
zen erritmo sosegatu hori hausten,<br />
ehizarako korrikaldietan eta<br />
beste lehoi batzuen erasoetan.<br />
Hala, nahi gabe bezain nahita,<br />
belarriak kontakizunean utzi eta<br />
begiak ixten nenbilela, ETBren<br />
datorren denboraldiko programazioarekin<br />
zeharka, sahiestu<br />
egin nahi izan nuen lotarako garaian<br />
gogoratu nintzen. Garai batean,<br />
ikaslea nintzela, ETBrekin<br />
makina bat siesta egina naiz. Baina<br />
programazio <strong>berria</strong>n ere, ez da<br />
dokumentalik izango.<br />
Datozen hilabeteetan zer izango<br />
dugun eta ez dugun zehatz<br />
azaltzeak luze joko luke. Izango<br />
da, onerako eta txarrerako seguruenik,<br />
zer ikusi eta aztertu. Alberto<br />
Surio EITBko zuzendariaren<br />
arabera, informazioa izango<br />
da eskaintzaren zutabe nagusia.<br />
Orain arteko albistegiei eutsi eta<br />
<strong>berria</strong>k gehituko dituzte. Arreta<br />
gehien erakarri duena Teleberri 3<br />
izan da. Astelehenean hasiko den<br />
arren, hasi da hautsak harrotzen<br />
hainbat hedabidetan. Olaia Urtiagak<br />
aurkeztuko duen saioa aurrez<br />
grabatua izango omen da,<br />
gauerdi inguruan. Sineskaitza dirudi<br />
gaurkotasunean oinarritzen<br />
den saio baten planteamenduarentzat.<br />
Astelehenean erabakiko<br />
dugu sinistu ala ez. Zenbateraino<br />
den oinarri informazioa.<br />
Izan ere, lanetik etxerakoan dokumentalek<br />
lagundutako siestak<br />
ohikoak bilakatzen baditugu,<br />
maiz izango gara gauerdian hontzaren<br />
pare. Eta gure munduan<br />
zein gure mundutik kanpo, halakoren<br />
batean, zerbait gertatuz<br />
gero...<br />
Mikel Lejarza q<br />
Antena3 Films-eko presidentea<br />
Jose Ramon Diez Unzuetaren eta entzuleen<br />
galderei erantzungo die gaur eguerdian<br />
Lejarzak, II. Gasteizko Telebista Jaialdian.<br />
«Fenomenoak<br />
eta gertakizun<br />
bereziak behar<br />
ditu telebistak»<br />
Urtzi Urkizu Donostia<br />
ETBko programazio zuzendari,<br />
Tele5ko zuzendari nagusi eta telebistaren<br />
munduan hainbat kargu<br />
izan ditu Mikel Lejarzak (Bilbo,<br />
1956). 2006. urtean Antena3 kateko<br />
zuzendari nagusi izen<strong>datu</strong> zuten.<br />
Aurten, berriz, Antena3<br />
Filmseko zuzendaritza hartu du.<br />
Horrez gain, International Academy<br />
of Television Arts & Sciences<br />
erakundean parte hartzen du<br />
—Emmy sarietan bozkatzeko eskubidea<br />
izan du—.<br />
Gasteizen izango zara gaur, II. Telebista<br />
eta Irrati Jaialdian. Zer ekarpen<br />
egin diezaioke horrelako jaialdi batek<br />
ikus-entzunezko sektoreari?<br />
Ideia aparta izan zuen Joseba<br />
Fiestasek. Telebistak ez du ustiatu<br />
orain arte zuzenean jaialdietan<br />
jendearengana iristeko duen<br />
ahalmena, zinemak egiten duen<br />
moduan. Zinemak jaialdiekin<br />
jendea mugitzen du, eta telebistak<br />
defizit bat du alor horretan.<br />
Gainera, jaialdia ideia aparta da<br />
Gasteizentzat.<br />
Telebista kateentzat erakusleiho<br />
ona ere izango da, ezta?<br />
EFE<br />
Bai, hala da. Antena3ek La princesa<br />
de Eboli telesaila aurkeztu<br />
du, adibidez. Nire ustez, telebista<br />
hedabide zoragarria da, gauza on<br />
gehiago ditu txarrak baino. Eta<br />
ikus-entzunezko ekoizpenik onenak<br />
ari da sortzen. Herritarron<br />
lur kultural komuna da telebista,<br />
eta horren gainean jaialdi bat antolatzea<br />
primerako ideia da.<br />
Zer proiektutan ari zarete lanean<br />
Antena3 Filmsen telebistarako?<br />
Telesail labur ugari ditugu esku<br />
artean. Biografiak daude Sofia<br />
erregina, Raphael, Rocio Jurado,<br />
Thyssen baronesa eta Vicente Ferrerri<br />
buruzkoak. Fikzioan, nazioarteko<br />
ekoizpen batean parte<br />
hartuko dugu, El corazón del oceano<br />
ele<strong>berria</strong>n oinarritua. Martxan<br />
dugu beste proiektu bat Daniel<br />
Kalparsoro zinemagilearekin.<br />
Maren gaineko lan bat ere<br />
egin dugu.<br />
Eta zineman?<br />
Estreinatu berri dugu Woody<br />
Allenen azken filma, eta atzo<br />
Lope estreinatu genuen. Laster<br />
Los ojos de Julia estreinatuko<br />
dugu Toronton. Borja Kobeagaren<br />
film <strong>berria</strong> abenduan estreinatuko<br />
dugu. Juan Carlos Fresnadilloren<br />
azken filma ere ekoizten<br />
ari gara.<br />
Torrente4 ere ekoizten ari zarete. Ez<br />
dirudi kalitatezko zinemaren barruan<br />
sartzen denik lan hori.<br />
Filma barrea sorrarazten eta dibertitzen<br />
saiatuko da. Hori lortzen<br />
badu, film on bat izango da.<br />
Ez badu lortzen, ez.<br />
Telefilm batzuen proiektuak aipatu<br />
dituzu. Genero horrek hazteko tarte<br />
handia duela iruditzen al zaizu?<br />
Bai. Telebistak gertakizun berezien<br />
beharra du, ez bakarrik egunerokoa.<br />
Fenomenoak behar<br />
ditu. Horretarako daude kirol<br />
emanaldi garrantzitsuak, estreinaldi<br />
handiak eta egun bateko<br />
fikziozko lanak. Azken horientzat<br />
lekua izango da.<br />
Gasteizko jaialdian hiru dimentsioko<br />
telebistaz hitz egin da. Zer etorkizun<br />
opa diozu?<br />
Telebista goi bereizmenekoa<br />
(HD) izango da 3Dra heldu aurretik.<br />
Hiru dimentsioko fenomenoa<br />
egun zinemari lotua ikusten dut<br />
gehiago, eta pirateriari aurre egiteko<br />
modu bat da. 3Dko telebista<br />
zabaltzeko, oraindik denbora falta<br />
da. Eta fenomeno garrantzitsua<br />
izango da betaurreko gabe<br />
ikusiko denean. Orduan, fenomeno<br />
gaindiezina bilaka daiteke.<br />
LTDarekin asko zabaldu da kate eskaintza.<br />
Aditu batzuek diote, ordea,<br />
zenbait kate epe laburrean desagertu<br />
egingo direla.<br />
Telebista kateak ez dira ia inoiz<br />
desagertzen. Gerta daiteke jabeak<br />
aldatzea edo beste eduki<br />
batzuk eskaintzea. Gero eta<br />
gehiago telebistako edukiak<br />
Interneten zabalduko direnez,<br />
aukerak biderkatu egingo dira.<br />
Hau da, ikusleak nahi duen<br />
unean zer ikusi nahi duen aukeratu<br />
ahalko du. Egoera horretan,<br />
komunikazio talde handiak izango<br />
dira lehian, merkatu multimedia<br />
batean.<br />
Interneten eta telebistaren bat-egitearekin,<br />
nolakoak izango dira audientzien<br />
neurketak?<br />
Interneteko edukiak errazagoak<br />
dira neurtzen telebistako audimetriarekin<br />
baino, kontsumoa<br />
indibiduala baita. Deskarga bakoitza<br />
jakin egiten da. Horrela hobeto<br />
jakiten da zein diren gizabanakoen<br />
kontsumo ohiturak, eta,<br />
neurri berean, publizitate ustiakuntza<br />
hobea izan daiteke.<br />
Sare sozialen fenomenoarekin zer<br />
egin dezake Antena3ek?<br />
Antena3 taldea Interneten berritzailea<br />
izaten ari da. Komunikazioak<br />
gaur egun eskatzen du edukiak<br />
sortzea, inguruan sareak<br />
eraikiz. Komunitateak funtsezkoak<br />
dira, eta, alde horretatik, gauza<br />
<strong>berria</strong>k egingo ditu aurki Antena3ek.<br />
Urte asko dira EITBtik Madrilera joan<br />
zinela. Taldeak arazo ekonomikoak<br />
ditu. Zer egin dezake?<br />
EITBri beti onena opa diot, nire<br />
irratia eta telebista delako. Garai<br />
honetan, ordea, gizarteak ezin du<br />
ordaindu izan nahi duen guztia.<br />
Denerako ez da iristen, eta murrizketak<br />
onartu beharko dira.
Change language