You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
2010eko irailaren 4a, larunbata <strong>berria</strong> 31<br />
Dantzaren egoera aztertuko dute Inpernuko<br />
32›› Poza jardunaldietan, hilaren 7an eta 8an<br />
Paquet-Brennerren Elle s’appelait Sarah filmeko irudi bat.<br />
Barney’s Version filmak itxiko<br />
du. Zinemaldi osoan garrantzi<br />
berezia izango du dokumentalaren<br />
generoak, edota ez-fikzioarenak,<br />
eta Zabaltegin ere «joera<br />
hori nabarituko da», batez ere<br />
Bereziak izeneko sailean, guztiek<br />
izango baitute dokumentaletik<br />
zerbait: Jose Luis Guerinen<br />
Guest-ek, Isaki lacuestaren La<br />
noche no acaba-k, eta Pierre Thorettonen<br />
Yves Saint Laurent, L’amour<br />
fou-k.<br />
Zuzendari berrien atalean 16<br />
film lehiatuko dira, Sail Ofizialeko<br />
hirurez gain, 90.000 euroko<br />
saria eskuratzearren. Tartean<br />
izango da Mikel Rueda, Izarren<br />
argia filmarekin.<br />
Epaimahaiak<br />
Sail Ofizialeko epaimahaiaren berri<br />
oraindik eman ez duten arren,<br />
zuzendari berrien saria nork epaituko<br />
duen aurreratu dute. Hans<br />
Petter Moland zinemagile norvegiarra<br />
izango da epaimahaiko<br />
presidentea. Zero kelvin lanarekin<br />
zinemaldian izan zen 1995ean.<br />
Alboan izango ditu Elisabet Cabeza<br />
zinemagile katalana, Albertina<br />
Carri zinemagile eta aktore argentinarra,<br />
Marc Levy idazle<br />
frantziarra eta Fermin Muguruza<br />
musikaria. Horizontes Latinos<br />
saileko epaimahai burua Sebastian<br />
Cordero zinemagile ekuadortarra<br />
izango da, eta Marlen Dermer<br />
zinema zuzendari perutarra<br />
eta Pilar Martinez-Vasseur Naonedeko<br />
zinema jaialdiko zuzendaria<br />
izango ditu epai lagun.<br />
Fipresci Saria<br />
Roman Polanskiren The Ghost<br />
Writer da Urteko Film Onena,<br />
2010eko Sari Nagusia erabakitzeko<br />
bozketan parte hartu duten Fipresci<br />
Zinema Kritikarien Nazioarteko<br />
Federazioko kideen ustez.<br />
Mundu osoko 296 zinema kritikarik<br />
parte hartu zuten bozketan,<br />
aurreko urtean (2009ko uztailaren<br />
1etik aurrera) estreinaturiko<br />
film luzeen artean gogokoena aukeratzeko.<br />
«Auzi legalak direla<br />
medio», Polanskik ezin izango du<br />
Donostian saria jaso, eta Olivia<br />
Williams aktore protagonistak jasoko<br />
du sari hori. Sari berezi hori<br />
sortu zenetik, 1999an, Donostiako<br />
Zinemaldia izan da banatzeko arduraduna.<br />
Don Siegel<br />
Don Siegel zinemagile estatubatuarrari<br />
(1912-1991) eskainiko<br />
zaio aurten atzera begirako zikloa.<br />
Haren bi film labur, Star in<br />
the Night (1945) eta Hitler Lives<br />
(1945), eskainiko dituzte, eta beste<br />
34 film luze. Besteak beste, The<br />
Verdict (1946), The Duel at Silver<br />
Creek (1952), Invasion of the Body<br />
Snatchers (1956), Two Mules for<br />
Sister Sara (1970), Dirty Harry<br />
(1971), Telefon (1977), Escape<br />
From Alcatraz (1979) eta Jixed!<br />
(1982).<br />
Ez fikzioa<br />
Azken urteetan dokumentalaren<br />
generoak edo ez fikzioarenak gorakada<br />
handia izan du, eta horren<br />
isla izan nahi du aurtengo zinemaldiak.<br />
Hain zuzen ere, atzerabegirako<br />
ziklo bat eskainiko zaio<br />
gai horri .doc izenarekin, eta genero<br />
horrek izan dituen askotariko<br />
joerak eta garapen orokorra<br />
ikusi ahal izango dira 35 film ingururen<br />
bitartez. Besteak beste,<br />
Isabel Coixetek Aral: el mar perdido<br />
film laburra estreinatuko du<br />
atal horretan. Beste inon eman<br />
gabea da oraindik itsaso baten galera<br />
eragin zuen hondamendi bat<br />
irudikatzen duen filma. Euskal<br />
Herrian aurrenekoz ikusi ahal<br />
izango dira, gainera, Andrei Ujicaren<br />
Autobiografia lui Nicolae<br />
Ceausescu eta Frederick Wisemanen<br />
Boxing Gym.<br />
Zinema 3D-n<br />
Donostiako Belodromoa hiru<br />
dimentsiotako (3D) proiekzio<br />
areto erraldoi bilakatuko da aurten<br />
ere. Hasiera batean bi saio<br />
ematekoak dira, Holy Night! eta<br />
Despicable Me, hain zuzen ere,<br />
baina, Olaziregik jakinarazi zuenez,<br />
oraindik ez dakite Holy<br />
Night! filma ordurako amaiturik<br />
egongo den. Juan Galiñas egilearen<br />
opera prima-ren izenburua<br />
da, eta behin-behineko kopiaren<br />
emanaldia izango da, baldin eta<br />
datarako amaiturik badago. Despicable<br />
Me Universal etxeak egindako<br />
3Dko lehen animaziozko<br />
ekoizpena da. Saio bakoitzeko<br />
3.000 ikusle inguruk izango dute<br />
400 metro koadroko pantaila<br />
erraldoian filmak hiru dimentsiotan<br />
ikusteko aukera. Ohiko<br />
den bezala, urtero harrera oso<br />
ona izaten duten beste bi jarduera<br />
eskainiko ditu Belodromoak.<br />
Batetik, bertan egingo da klausura<br />
saioa. Zinemaldian arrakasta<br />
handiena duen saioa da. Bertan,<br />
klausura gala ikus daiteke eta bi<br />
film ikusi, Sail Ofizialaren itxierakoa<br />
eta Zabaltegi-Bitxiak sailaren<br />
itxierakoa. Gainera, saritu<br />
guztiak bilduko dira bertan. Bestetik,<br />
haurrentzako saioak ere<br />
han izango dira. Goizero, haurrek<br />
zinemaz gozatu ahal izango dute<br />
pantaila erraldoian. Aurten,<br />
Nanny MacPhee and the Big<br />
Bang filma ikusiko dute, euskarazko<br />
azpidatziekin.<br />
Sarreren salmenta<br />
Irailaren 12ko 09:00etatik aurrera<br />
erosi ahal izango dira zinemaldiko<br />
saio guztietarako sarrerak,<br />
Sail Ofizialeko B Gunekoak izan<br />
ezik, zeinak soilik abonamendu<br />
bidez eskuratu ahal izango diren.<br />
Saio eta pertsona bakoitzeko<br />
ezingo dira 4 sarrera baino gehiago<br />
eskuratu edozein erosketa sistema<br />
(Telekutxa, Servikutxa, Internet<br />
eta lehiatila guztietan) erabiltzen<br />
dela ere.<br />
Film kopurua<br />
Donostiako Zinemaldiko hautaketa<br />
taldeak 1.982 film ikusi ditu<br />
urte osoan. Irailaren 17 eta 25 artean<br />
119 film ikusi ahal izango<br />
dira sail desberdinetan banaturik.<br />
Olaziregik azaldu zuenez, horietako<br />
28 izango dira erabateko<br />
estreinaldiak.<br />
Euskararen presentzia<br />
Urtetik urtera euskarak zinemaldian<br />
duen presentzia indartzen<br />
ari da, zuzendariaren hitzetan.<br />
Aurten 22 emanaldi izango dira<br />
euskaraz, eta 40tik gora film ikusi<br />
ahal izango dira euskarazko azpidatziekin.<br />
George Clooney<br />
Azken egunetan bolo-bolo zebilen<br />
zurrumurrua: George Clooney<br />
zinemaldian izatekoa zen.<br />
Mikel Olaziregik, atzoko prentsaurrekoaren<br />
amaieran, eta<br />
inork galdetzen ez ziola ikusiz,<br />
kontrakoa esan zuen, azkenean<br />
ez dela Donostian izango.<br />
Sofia Coppola zinemagilea, atzo, Venezian. CALUDIO ONORATI / EFE<br />
Coppolaren elitismo<br />
zintzoak Mostrako<br />
ikusleak liluratu ditu<br />
Sekula diru estualdirik<br />
igaroko ez duen aktore<br />
famatu baten saminari<br />
buruzko filma aurkeztu<br />
du,‘Somewhere’<br />
Efe Venezia<br />
Sofia Coppola zinemagile estatubatuarrak<br />
liluratuta utzi zituen,<br />
beste behin ere, Veneziako Mostrara<br />
bere azken filma ikustera<br />
bildu zirenak. Somewhereaurkeztu<br />
zuen, Stephen Dorffek interpretatutako<br />
lana. Pelikula horretan<br />
ere dena daukaten eta sekula<br />
espageti bat egosi ez duten dirudunen<br />
mina jaso du Coppolak, trebeki<br />
eta maisuki.<br />
Ohikoa duen disgustu keinua<br />
ezkutatu ezinik agertu zen prentsaurrera<br />
zinemagilea, eta isilka<br />
hitz egin zuen, gogoz kontra moduan.<br />
Haatik, filma gustu handiz<br />
ondu du. Aktore famatu baten<br />
barne krisia azaldu du. Johnny<br />
Marco du izena, eta bere burua<br />
aurkitzeko prozesua hasiko du,<br />
alabarekin duen harremana berreskuratuz<br />
eta sendotuz. Elle<br />
Fanningek jokatuko du alabaren<br />
rola.<br />
«Interesatzen zait pertsonei begiratzea<br />
trantsizio uneren batean<br />
daudenean», azaldu du Sofia Coppolak,<br />
«mundutik bakartu behar<br />
dute eta bakardadearekin harreman<br />
estuan jarri». Dorffen aburuz,<br />
«aktoreak bakardadea sentitzen<br />
du film bat amaitzen duen bakoitzean».<br />
Somewhere pelikulan<br />
egokitutako rola bikain jokatzen<br />
du aktoreak.<br />
Julian Schnabelek Palestinarekiko<br />
agerturiko konpromiso infantilaren<br />
ondoren, krisiak gogor<br />
astindu arren, inork ez zion ezer<br />
aurpegiratu Coppolari inoiz diru<br />
estualdirik igaro ez duen gizon baten<br />
barrua erakusteko baliaturiko<br />
elitismo zintzoarengatik.<br />
Milanen, Los Angelesen eta Las<br />
Vegasen filmatu du Somewhere.<br />
Coppolaren prestidigitazioaren<br />
erakusle da filma: amarrua dauka,<br />
baina magia ere bai. Magia<br />
handia. Musikarako gaitasunak,<br />
konposiziorako dohainak eta filmak<br />
berezkoa duen atmosferak<br />
bat egiten dute egitura narratiboa<br />
ia ikusezin bilakatzeraino. Baina<br />
pelikulak ez du horregatik galtzen<br />
zinema onenaren mailan jartzen<br />
duen indarra.<br />
Urrezko Lehoia,Woorentzat<br />
Antony Cordier frantziarraren<br />
Happy Few filma ere lehiatu zen<br />
atzo sail ofizialean. Cordierren lanak<br />
ez du berezia egiten duen<br />
ezaugarri askorik. Laukote baten<br />
arteko sexu eta amodio istorioa jasotzen<br />
du, Marina Fois, Elodie<br />
Bouchez, Roschdy Zem eta Nicolas<br />
Duvauchellexen artekoa. Eta<br />
kontuan hartuta azken aktore hori<br />
ezaguna dela Hugo Boss etxearentzat<br />
modelo gisa eginiko lanarengatik<br />
nabarmena da zuzendariak<br />
publizitatearen edertasunaren<br />
aldeko apustua egin duela.<br />
«Utopia bat bizi duten pertsonaia<br />
batzuen istorioa da, baina azkenean<br />
konturatuko dira nahiko<br />
luketena baino normalagoak direla,<br />
eta maiterrea sentituko dute,<br />
segurtasunik eza...», azaldu du<br />
zuzendariak.<br />
Bestalde, John Woo txinatarrak<br />
Mostrako Urrezko Lehoia jaso<br />
zuen atzo ibilbide luzean eginiko<br />
lanarengatik. Besteak beste,<br />
Mission: Impossible II eta Face/Off<br />
filmen egile denak esan zuen<br />
«amets batean bezala» sentitzen<br />
dela saria jasotzeagatik.
Change language