berria - datu-basea17

More documents

Recommendations

Info

8 berria 2010eko irailaren 4a, larunbata Harian › Euskal Herria Hauteskundeez haragoko akordioa nahi du ezker abertzaleak Nafarroan Ezker abertzaleak dio ez duela NaBairen aurka lehiatzeko asmorik, haiekin batera eskuinaren aurka baizik Iñigo Astiz Iruñea EAk eta ezker abertzaleak Euskaldunan izenpetu zuten akordioa ekainean. LUIS JAUREGIALTZO / ARGAZKI PRESS Eragileekin biltzen ari dira EA eta ezker abertzalea, oinarri demokratikoak finkatzeko Euskalduna jauregian izenpetutako akordioari jarraituta, indar subiranisten elkarlanerako proposamena egiten ari dira Bake eta normalizaziorako oinarriak biltzen dituen txostena dute akordiorako oinarri Aitziber Laskibar Euskal Herriak «egungo egoera politikoa gainditzeko» eta «bakea eta normalizazio politikoa ezaugarri izango dituen fase berrian sartzeko» lanean ari dira ezker abertzalea eta Eusko Alkartasuna; elkarlanean, euskal estatua sortzeko indar subiranistak metatu nahian. Hala baieztatu dute bi indar politikoek, elkarrekin egindako ohar laburrean. Prozesu Demokratikoa Garatzeko Gutxienekoak eta Nahikoak diren Baldintzei Buruzko Akordioa deituriko txostena izan badela adierazi dute, eta gainerako euskal indar politiko, sozial eta sindikalekin dokumentu horren gainean ari direla lanean. Horrela erantzun diote El Diario Vasco egunkariak atzoko alean kaleratutako informazioari EAk eta ezker abertzaleak. Batasuna Prozesu Demokratikoa Garatzeko Gutxienekoak eta Nahikoak diren Baldintzei Buruzko Akordioa izeneko txostenaren gainean lanean ari zela zioen egunkariak, eta txosten hori proposatzen ari dela gainerako alderdi eta eragileei. Euskaldunakoaren garapena EAk eta ezker abertzaleak ez dute kazeta aipatu. Baina txosten hori biena dela nabarmendu dute oharrean, eta Indar Politiko Independentisten Arteko Akordio Estrategikoaren Oinarriak izeneko txostenaren garapena besterik ez dela azaldu dute. Hau da, bi alderdiek ekainaren 20an Bilboko Euskalduna jauregian elkarlana izenpetzerakoan Lortu Arte gisa ezagutarazitako txostenaren jarraipena dela. Eta, hortaz, euskal politikaren egungo egoera aldatu eta Euskal Herria bake eta normalizaziorako bidean jartzea duela helburu. Elkarlanaren arrazoi eta xede nagusia euskal estatu independentea eratzea dutela gogoratu dute. Horretarako, indar subiranisten metaketa proposatzen dutela, Espainiako eta Frantziako estatuekin «konfrontazio demokratikorako estrategia» garatu nahian. Beraz, azaldu dute El Diario Vasco egunkariak argitaratutako agirian jasotzen direla EAk eta ezker abertzaleak gainerako eragileei proposatutako baldintzak, egungo egoera gainditu eta giza eskubide guztiak zein euskal herritarren eskubide zibil eta politiko guztiak errespetatuko dituen fase berrirako bidea egiteko. Areago, jakinarazi dute ezker abertzalea eta EA proposamen hori beste alderdi politiko, sindikatu eta elkarte batzuekin kontrastatzen ari direla. Zortzi puntu Gipuzkoako egunerokoak kaleratutakoaren arabera, zortzi dira eztabaidarako txostenak prozesu demokratikoa garatzeko proposatutako akordioaren gakoak: Batetik, ETAk «su-eten iraunkorra» eman behar lukeela dio, eta, su-eten hori, nazioarteko begiraleek egiaztatu behar luketela. Euskal alderdien arteko negoziazioetan parte hartzen duten indar guztiek Mitchell printzipioak onartzea proposatzen du bigarren puntuak. Eskubide zibil eta politikoak onartzea ere ezinbestekotzat du, eta, beraz, manifestatzeko, elkartzeko, sufragio unibertsalerako zein adierazpen askatasunerako eskubideak ez zapaltzea, eta Alderdien Legea indargabetzea. Giza eskubide guztien errespetua ere eskatzen du. Euskal preso politikoei buruz ari dira laugarren eta bosgarren puntuak. Horiei «zigor gehigarriak ezartzera bideratzen den espetxe politika» bertan behera uzteko galdegiten du; hortaz, bizi guztiko zigorrak, zein presoen sakabanaketa eta isolamendua amaitzeko, eta gaixo daudenak askatzeko. Euskal preso guztiak Euskal Herriko espetxeetara ekartzea du beste baldintzatzat. Horrez gain, «errepresio politikorako neurriak» ezabatu behar direla dio txostenak, «eskubide zibil eta politikoen kontrakoak diren auzi judizialak» ere neurri horien barruan sartuta. «Edozein pertsonaren aurkako mehatxu eta presioak» amaitzea ere proposatzen du, eta biktima guztien mina konpontzearen edo-eta adiskidetzearen alde lan egitea. «Nafarroako sektore ezkertiar eta abertzale guztien arteko artikulazio estrategikoa». Hori da ezker abertzaleak Nafarroan aldaketarako proposatzen duen formula. Epe luzerako akordio zabal bat eratu nahi du horretarako eragile politiko, sindikal eta sozialekin. Marine Pueyo eta Fermin Irigoien ezker abertzaleko kideek atzo Iruñean azaldu zutenez, hasiak dituzte harremanak, eta hauteskundeez haragoko hitzarmen bat lortzea dute helburu. Bozek zail dezakete asmo hori, ordea, ezker abertzaleak proposaturiko aldaketaren eredua «ahultzeko» eta «indargabetzeko» aukera eskainiko baitie «eskuin espainolistako» eta «eremu abertzaleko sektore erreakzionarioei». Beren posizioa arriskuan ikusten dutelako izan liteke hori, ezker abertzalearen ustez. Egungo indar harremanei dagokienez, mugimendu handiko urte politikoa izan daiteke hau ezker abertzalearen ustez. UPN, UPD, CDN eta PPren arteko eztabaidak aipatu zituen adibidetzat Irigoienek, UPNren hegemonia politikoa ezbaian jar baitezakete. Eremu ezkertiar eta abertzalearen barruko akordioa da, horregatik, «egoerari buelta emateko bidea». Ezker abertzaleak ez duela Na- Bairekin politikoki lehiatu nahi ere zehaztu zuen Irigoienek, Txentxo Jimenez Aralarreko koordinatzaileak aste honetan esandakoei erantzunez. «Elkarrekin» lehiatzea da asmoa, Nafarroako Gobernua eskuinaren eskuetatik kentzeko. Eztabaida zabaldu egin nahi du ezker abertzaleak, eta nafargune.info webgunean eta sare sozialetan eskainiko dio jendeari iritzia emateko aukera. NaBai «azkar heltzen» Nafarroa Bai koalizioari dagokionez, «gauzak azkar eta ondo heltzen» ari direla esan du Txentxo Jimenezek. Haren ustez, koalizioaren barruko alderdiek erakutsi duten «malgutasunaren» eta «prestutasunaren» ondorioa da hori. EAren eta Aralarren arteko akordioa da koalizioaren «zutabea», haren hitzetan.
2010eko irailaren 4a, larunbata berria 9 Euskal Herria ‹ Harian Bakea lortzeko ekimena har dezan eskatu dio Aralarrek Patxi Lopezi Urte politikoari begira Aralarrek dituen lehentasunak azaldu dituzte Eusko Legebiltzarrean Erredakzioa Gasteiz PSOE baikor agertu da aurrekontuen gaian EAJrekin negoziatzeko Urkulluk PSEri eskatu dio trabarik ez egiteko EAJk Madrilen alderdi sozialistarekin tratuak baldin baditu Oxel Erostarbe, Aintzane Ezenarro, Mikel Basabe eta Dani Maeztu, Aralarreko legebiltzarkideak. RAUL BOGAJO / ARP Eusko Jaurlaritzarekin kritiko izanez ekin dio Aralarrek urte politikoari Eusko Legebiltzarrean. Eta abagune politikoari erreparatuta, hiru eskaera egin dizkio Jaurlaritzari eta alderdi sozialistari: eztabaida politikoari ekiteko, babes soziala eta osasunarena bermatzeko eta bakearen aldeko apustu argia egiteko eskubide zibil eta politiko guztiak bermatuz. Aintzane Ezenarro Aralarren Legebiltzarreko eledunak esan zuenez, «bakerako esperantza dugu begi bistan». Eta ez du ikusten Jaurlaritza ildo horretan inolako ekimenik hartzen duenik, «polizia ekintza» ez bada. Bake iraunkorrerako oinarriak jarri behar direla uste du, eta horretarako «herri akordioa» behar dela iritzi dio, «indarkeria zikloaren amaiera ordenatua gerta dadin». «Bazterketarik gabeko bakea, garaiturik eta irabazlerik gabeko bakea, termino politiko eta sozialetan esanez», Ezenarrok adierazi zuenez. Uste dute Patxi Lopezen gobernuak ekimena hartu beharko lukeela euskal eragile politikoekin elkarrizketak hasteko, «eta ez bakarrik polizia ekintzetan geratu». Aralarrekoek jakinarazi dutenez, alderdi sozialistaren legebiltzar taldekoek bilera batera deitu dituzte. PSE-EEk elkarlanerako harremana nahi izanez gero eztabaida politikoari ekin eta bakearen aldeko apustua egin beharko dutela esan zuen Ezenarrok. Lehentasunak Baketzeaz gain, besteak beste, honako lehentasun politiko hauek finkatu ditu Aralarrek Eusko Legebiltzarrean urte politikoari begira: bizikidetzarako beste akordio bat, zerga politikaren erreforma sakona, babes soziala, hezkuntza, euskara, osasuna, EITB, ingurumena eta giza eskubideak. Puntu horien gainean lerratuko da Aralarren legebiltzarreko lana, atzo Legebiltzarrean egindako agerraldian zehaztu zutenez. Kritiko agertu ziren, halaber, Jaurlaritzak bultzatu duen hezkuntza planarekin, «gobernuak indarkeria guztien aurreko ikuspegi kritiko eta autokritikoa garatzen ez badu ere». Bake hezkuntzarako plana «aldaketaren ikur» bihurtu nahi izatea egotzi zion gobernuari. Erredakzioa Espainiako Gobernuak aurrekontuak aurrera ateratzeko EAJren babesa nahi duela ez du ezkutatzen, eta atzo Jose Antonio Alonso Kongresuko PSOEren eledunak esan zuenez baikorrak dira EAJrekin akordioa lortzearen inguruan. Oraindik mamian ez direla sartu baina orain arteko bilerak giro onean egin direla esan zuen. Josu Erkoreka EAJren eledunak zuhurtzia eskatu zuen. Lan Politika Aktiboen eskuduntza Estatutuan jasota dagoen moduan, eskualdatzea ezinbesteko baldintzatzat jo zuen. Iñigo Urkullu EAJko EBBko buruak PSEri eskatu zion EAJren eta PSOEren arteko negoziazioetan trabarik ez egiteko. Bestalde, «Euskadin aldaketa egon daiteke jokoan», ohartarazi zuen PPk.
Page 1 and 2: Iritsi da unea Gaur hasiko da Super
Page 3 and 4: Patxi Lopezi bakerako urratsak egit
Page 5 and 6: 2010eko irailaren 4a, larunbata ber
Page 7: 2010eko irailaren 4a, larunbata ber
Page 13 and 14: Kartelak jartzen ari ziren hiru lag
Page 19 and 20: Gaur hasiko dira final-zortzirenak
Page 41 and 42: mantangorri berria Gaztetxoen astek
Page 43 and 44: erria larunbata, 2010eko irailaren

berria - datu-basea17

Create successful ePaper yourself

Delete template?

Save as template?