Create successful ePaper yourself
Turn your PDF publications into a flip-book with our unique Google optimized e-Paper software.
2010eko irailaren 4a, larunbata <strong>berria</strong> 35<br />
Bizia ‹ Plaza<br />
Jaiak DFerixa Nagusikoak, Elorrion<br />
Askotariko musika<br />
doinuak, jaiak hasteko<br />
Mailaz igo ostean,<br />
Elorrioko futbol taldeak<br />
botako du Ferixa<br />
Nagusikoak abiaraziko<br />
duen txupina<br />
I. Maruri<br />
Iraila hasteko zain egoten dira<br />
Elorrion (Bizkaia), aurreneko<br />
igandean feria egun handia dutelako.<br />
Azoka horren inguruan<br />
antolatzen dituzte herriko jaiak:<br />
Ferixa Nagusikoak. Gaur hasiko<br />
dira, baina atzotik dabiltza elorriarrak<br />
ospakizunetan murgilduta.<br />
Umeentzako jolasak izan<br />
zituzten egun osoan: goizean globoekin<br />
jostatu ziren; arratsaldean,<br />
bitsarekin. Gauean, berriz,<br />
kontzertu jaialdia izan dute txosnagunean.<br />
Gaur ere garrantzi berezia<br />
izango dute umeek. 11:30etik<br />
17:00etara jolas parkea zabalik<br />
egongo da. Adin tartearen arabera,<br />
hiru gune prestatuko dituzte.<br />
Txikienek Arriola kalean izango<br />
dute eurentzako gunea, nagusixeagoek<br />
Urarkan, eta gazteek<br />
frontoian.<br />
Aurtengo Ferixa Nagusikoei<br />
20:00etan emango zaie hasiera<br />
ofizialki. Aurretik, giroa berotzen<br />
hasteko, hainbat kalejira izango<br />
dira. 19:00etan, abiatuko dira txarangak<br />
Elorrioko auzoetatik plazara<br />
bidean. Modu horretan<br />
herritar guztiak jaian parte hartzera<br />
animatuko dituzte.<br />
Kulotxan hasiko dute ibilbidea<br />
Los Pasai fanfarrekoek, Begoñan<br />
Ardoa Barrurak eta Berrio-Otxoa<br />
kalean El Despistek. Bien bitartean,<br />
Ondalan konpartsako<br />
buruhandi eta erraldoiak plazan<br />
bertan ariko dira dantzan, herritarrei<br />
ongietorria egiteko. Udaletxeko<br />
erlojuan 20:00ak direla, eta<br />
kanpaia jotzen duenean emango<br />
diote su suziriari Elorrioko futbol<br />
taldeko kideek. Mailaz igo direla<br />
ospatzeko aukeratu dituzte zeregin<br />
horretarako.<br />
Larunbat gau honetako egitarauan<br />
musikak berebiziko lekua<br />
izango du. 23:00etan, adibidez,<br />
danborrada hasiko da plazan,<br />
azken urteetako legean. Urarkan,<br />
berriz, DJ batek jarriko du dantzatzeko<br />
musika. 1960ko, 1970eko,<br />
1980ko eta 1990eko hamarkadetako<br />
musikari begiratua emango<br />
dio, 40 urteotan gehien dantzatu<br />
diren doinuekin.<br />
Gauerdian kalejiran ibiliko<br />
dira elorriarrak, plazan hasita.<br />
Festa giroa herri osoan zabalduko<br />
dute. 00:15ean, berriz, Urarkan<br />
bildutakoek erromeria doinuekin<br />
dantzatzeko aukera izango<br />
dute.<br />
G Egitaraua<br />
GAUR,LARUNBATA<br />
p11:30. Umeentzako jolas parkeak,<br />
Arriolan, Urarkan eta pilotalekuan.<br />
p19:00. Txarangen kalejirak,<br />
auzoetatik plazara.<br />
p19:00. Erraldoi eta buruhandiak,<br />
plazan.<br />
p20:00. Txupinazoa, Elorrioko<br />
futbol taldeak piztuta, eta entzierro<br />
txikia, plazan.<br />
p23:00. Danborrada, plazan.<br />
p23:00. Dantzaldia DJarekin,<br />
Urarkan.<br />
p00:00. Kalejira, plazan abiatuta.<br />
p00:15. Dantzaldia, Urarkan.<br />
Txupinazoaren aurretik koadrilak kalejiran ibiliko dira. JUANAN RUIZ / ARGAZKI PRESS