Create successful ePaper yourself
Turn your PDF publications into a flip-book with our unique Google optimized e-Paper software.
Pangarahé Préntah Walanda pakumpulan iku kenaa kanggo ngejori<br />
padagangané bangsa manca, dadi bisa ngurip urip dagangané bangsa<br />
Walanda.<br />
Ora lawas pakumpulan iku bisa olèh pawitan 37 yuta rupiyah.<br />
Wiwit jaman Napoléon tanah Indhiya ora bisa lelawanan lan tanah Walanda,<br />
dagangané akèh kang didol marang sudagar manca, luwih luwih wong<br />
Inggris lan Amerika.<br />
Sawisé tanah Indhiya kacekel ing paréntah Walanda manèh, wong Walanda<br />
meksa durung maju dedagangané, awit isih kekurangan pawitan, mangka<br />
kaejoran bangsa Inggris.<br />
Kajaba iku sudagar Walanda partikelir pancèn ora dhamang sumurupé<br />
marang ubeting padagangan tanah Indhiya, jalaran mauné kang kena<br />
lelawanan lan tanah Indhiya mung VOC., wuwuh wuwuh nganti 20 tahun<br />
tanah Walanda wis ora ana gandhèngané karo tanah Indhiya.<br />
Nederlandsche Handel maatschappij mau iku meksa ora kasembadan<br />
sedyané, awit kurang kuwat, ora bisa ngejori wong Inggris, kajaba iku<br />
pancèn ora dirujuki sudagar Walanda partikelir akèh, marga duwé sumelang<br />
manawa pakumpulan dagang anyar mau diparingi wewenang kaya déné<br />
VOC. biyèn, temahan malah ndadèkaké kapitunané sudagar partikelir.<br />
Wasana Nederlandsche Handel maatschapij ora bisa mumbul, malah tansah<br />
kapitunan, wiwitané bisa urip bareng ana Cultuurstelsel.<br />
Pakaryané van der Capellen kang pantes olèh pangalembana yaiku<br />
enggoné ngajokaké kawruh, merlokaké marang ajuning pamulangan cilik<br />
kanggo bangsa Europa.<br />
Prakara onderwijs mau van der Capellen kabiyantu ing Reinwardt.<br />
Reinwardt iku sarjana kang uga miwiti gawé kebon raja (Lands plantentuin)<br />
ing Bogor (tahun 1817) kanggo ngundhakaké kawruh tetanèn.<br />
Kebon raja ing Bogor iku ora mung becik lan nyenengaké kanggo dolan<br />
dolan bae, mungguh ing pigunané nyata gedhé banget tumraping kawruh<br />
tanem tuwuh lan tetanèn.<br />
117