Create successful ePaper yourself
Turn your PDF publications into a flip-book with our unique Google optimized e-Paper software.
Wosing prajangjian Jepara:<br />
VOC. nganggep ratu marang Mangkurat II<br />
VOC. kena dedagangan ing satanah Mataram, kena nglebokaké<br />
dedagangan ora wenang dijaluki béya.<br />
Jajahan VOC. mangidul tekan segara, mangétan tekan Cimanuk, apadéné<br />
kutha Semarang sawewengkoné.<br />
GG. Maetsuycker lan kèh kèhing para Liding Raad van Indie ora rujuk karo<br />
kareping para Bewindhebber, pangrehing VOC. ana ing tanah Walanda;<br />
aliya saka iku Trunajaya wis kegedhén panguwasané, mangka Sunan<br />
Mangkurat II wus prasasat tanpa daya, wuwuh wuwuh préntah ing Betawi<br />
lagi karépotan ora bisa oleh pitulungan saka nagara Walanda, tur nemu<br />
pakéwuh karo Banten.<br />
Ing tahun 1678 GG. Maetsuycker séda digentèni Rijkloff van Goens.<br />
Priyagung iku nemeni enggoné nandangi Banten.<br />
Rijkloff lan Speelman padha sabiyantu ngrampungi kraman Trunajaya, aja<br />
nganti kedhisikan ditempuh wong Banten.<br />
Rijkloff van Goens banjur ngutus wadyabala gedhé menyang <strong>Tanah</strong> Jawa<br />
Tengah nglurugi Trunajaya.<br />
Trunajaya iya metukaké, nanging suwé suwé keplayu marang Kedhiri.<br />
Kedhiri nuli dibedhah klawan rekasa, nanging Trunajaya oncat ngungsi<br />
marang pagunungan saloré gunung Kelut.<br />
Kapitan Ambon aran Jonker kautus ing Kangjeng Susuhunan ngelut playuné<br />
Trunajaya.<br />
Dalan dalan sakubengé pandhelikané Trunajaya dijaga prajurit, wusana<br />
Trunajaya nungkul.<br />
Kangjeng Susuhunan arep priksa marang Trunajaya nanging bareng<br />
disowanaké ing ngarsané, nuli diperjaya ing Sang Prabu piyambak (tahun<br />
1680).<br />
Senadyan ing tahun 1652 wis ditemtokaké yèn Cisédané kang dadi tapel<br />
watesé Banten lan jajahan VOC., éwa déné wong Banten iya ora wedi<br />
njejarah, mbégal ing sawétané Cisédané.<br />
72