You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Ing Jaman samono paro ajar utawa pandhita (agama Budha utawa Syiwah)<br />
mèlu nindakaké paprentahan nagara, mulané padha diparingi lungguh bumi<br />
dhéwé dhéwé kang diarani bumi: Pradikan.<br />
Padésan ing sakubenging candhi utawa padhépokaning para pandhita<br />
lumrahè uga dadi bumi pradikan, wongé diwajibaké jaga lan ngopèni candhi<br />
padhépokan mau.<br />
Kawula liyané padha kena pajeg prapuluhan (saprapuluhing pametuning<br />
buminé), lan kena ing pagawéyan gugur gunung lan sapepadhané.<br />
Pajeg rajakaya, pajeg panggaotan lan tambangan ing wektu samono iya wis<br />
ana.<br />
Pametoning praja gedhé banget, perlu kanggo ragad perang lan kanggo<br />
kapraboning Sang Nata sarta kanggo yeyasan nagara, kayata: kraton,<br />
gedhong gedhong, pasanggrahan pasanggrahan lan liya liyané.<br />
Ing nagara Majapait wis akèh omah kang becik becik, payoné sirap, déné<br />
omah kang lumrah padha apager gedhég, ananging ing jero racaké ana<br />
pethiné watu kang santosa perlu kanggo nyimpen barangé kang pangaji.<br />
Wong wong dhèk jaman samono padha doyan nginang, senengané padha<br />
tuku bala pecah saka juragan Cina, pambayare nganggo dhuwit sing diarani<br />
Kèpèng.<br />
Wong lanang padha ngoré rambut, wong wadon gelungan kondhé. Wiwit<br />
enom wong wong padha nganggo gegaman keris, lan gegaman iku kerep<br />
diempakaké.<br />
Wong yèn mati jisime diobong, yèn sing mati iku bangsa luhur utawa wong<br />
sugih bojo bojoné (randha randhané) padha mèlu obong.<br />
Ora adoh saka nagara ana papan kanggo adu adu kéwan utawa uwong<br />
utawa kanggo karaméyan liya liyané. Papan iku arané "Bubat"<br />
Sang Nata kerep lelana tinggal nagara, ing Blambangan sauruté iya tau<br />
dirawuhi.<br />
26
Change language