Create successful ePaper yourself
Turn your PDF publications into a flip-book with our unique Google optimized e-Paper software.
Nuli JP. Coen tékad tekadan nempuh, prajurit Jawa bubar, malah banjur<br />
kepeksa mundur, awit wis ngancik mangsa udan tur nganggo kekurangan<br />
pangan.<br />
Ing sasi April tahun 1629 ana utusan saka Mataram aran Warga ketemu GG.<br />
JP. Coen, jaréné perlu rembugan arep bedhami.<br />
JP. Coen wis ngerti yèn Warga iku satemené telik, banjur terus dicekel.<br />
Bareng ditakoni, prasaja yèn wong Mataram wis nglakokaké wadyabala<br />
manèh lan murih aja nganti kekurangan pangan kaya kang uwis, ing Tegal<br />
wis disedhiyani tandhon beras.<br />
JP. Coen terus dhawuh ngobongi tandhon beras mau.<br />
Wusana bareng prajurit Mataram teka ing wewengkon Betawi enggal baé<br />
enggoné kentèkan pangan.<br />
Wadyabala Mataram wiwit gawé larèn nganti ketug sacedhaké kutha, JP.<br />
Coen nuli dhawuh ngrusak larèn mau.<br />
Sarèhné bala Mataram uga ketrajang lelara, wusana kepeksa mundur.<br />
Wiwit ing wektu iku karajan Mataram wis ora wani nempuh marang kutha<br />
Betawi.<br />
Ewa déné Sultan Agung sabisa bisa tansah ngarah gawé kapitunané<br />
Compagnie, kayata wong Mataram dilarangi dagang beras menyang Betawi,<br />
mangka Compagnie butuh banget.<br />
Utusan saka Betawi menyang Karta padha dicekel, sarta direngkuh abdi<br />
telukan, malah sawènèh ana kang dipatèni.<br />
Bareng sabedhahè kutha Malaka tahun 1641, wong Jawa ora kena dagang<br />
beras ana ing kono, dipeksa dagang menyang pelabuhan Betawi.<br />
Senadyan Sultan Agung durung karsa rukun, éwa déné kawula Mataram<br />
diidini lelawanan dedagangan manèh lan Compagnie ing Betawi.<br />
Wasana ing tahun 1646 Sultan Agung séda, wiwit ing wektu iku Mataram<br />
banjur rukun baé lan Compagnie.<br />
Karsané Sultan Agung arep ngerèhaké <strong>Tanah</strong> Jawa kabèh iku wis akèh<br />
kelakoné, nanging perang mau ndadèkaké karusakan ing <strong>Tanah</strong> Jawa.<br />
Nalika utusané VOC. ing tahun 1613 padha menyang Karta, para utusan<br />
padha éram ndeleng kèhing wong ing kutha kutha, kèhing beras pari apa<br />
63