Create successful ePaper yourself
Turn your PDF publications into a flip-book with our unique Google optimized e-Paper software.
Prakara perdagangan iya dadi gedhé banget, awit saka majuning lelayaran<br />
kagawa saka kèhing nagara nagara kang kabawah ing Majapait sing kelet<br />
letan sagara.<br />
Bab kagunan, kayata: ngukir ukir sapepadhané, kombule ing <strong>Tanah</strong> Jawa<br />
Wétan dhèk pungkasané abad kang katelulas, lan ing wiwitané abad kang<br />
pat belas, mung baé panggawéné reca reca kang apik apik iku nganggo<br />
tuntunaning wong Indhu utawa nurun kagunan Indhu.<br />
Cekaking carita: Nalika panjenengané Prabu Ayam Wuruk iku, Majapait lagi<br />
unggul unggule, samubarang lagi sarwa onjo.<br />
Prabu Ayam Wuruk tilar putra kakung miyos saka selir asma "Bhre<br />
Wirabhumi" jumeneng Nata ana ing bagéyan kang wétan.<br />
Déné kang nggentèni keprabon Majapait putra mantuné Sang Nata, ajejuluk<br />
Wikramawardhana (tahun 1389 - 1400).<br />
Ing tahun 1400 Sang Prabu sèlèh keprabon, kersané arep mandhita,<br />
ananging sapengkeré Sang nata, putra lan sentanané padha rebutan<br />
nggentèni keprabon.<br />
Prabu Wikramawardhana banjur kapeksa kundur jumeneng ratu manèh<br />
nganti tekan tahun 1428.<br />
Sajroning jumeneng sing kèri iki Sang Prabu nerusaké merangi santanané<br />
kang wus kabanjur ngraman nalika Sang Prabu jengkar saka kraton.<br />
Rèhning perang iki nganti suwé dadi nganakaké kapitunan akèh lan<br />
karusakan gedhé, awit teluk telukan ing tanah sabrang banjur padha wani<br />
mbangkang wus ora gelem kabawah Majapait.<br />
Tataning kawula iya banjur rusak. Prakara patèn pinatèn wis dadi lumrah.<br />
Akèh wong main lan adu jago totohané gedhéni.<br />
Ing tahun 1428 - 1447 kang jumeneng nata ratu putri jejuluk Retna Dewi<br />
Suhita, putrané Prabu Wikramawardhana saka garwa paminggir.<br />
Terusé banjur banjur Prabu Kertawijaya (1447 - 1452) lan manèh Prabu Bhra<br />
Hiyang Purwawisyesa (1456 - 1466), Pandan Salas (1446 - 1468), banjur<br />
Prabu Bhrawijaya V (1468 - 1478).<br />
Mungguh babade ratu ratu kang wekasan iki ora terang, mulané ora<br />
disebutaké.<br />
27