Create successful ePaper yourself
Turn your PDF publications into a flip-book with our unique Google optimized e-Paper software.
Dagangan tanah Indhiya kang ngolèhaké kauntungan akèh iya iku bumbu<br />
crakèn, mulané VOC. kepéngin banget mengku kapulowan Moloko, kang iku<br />
para nakoda padha diwangsit, supaya merlokaké ngudi bisané nekem<br />
kepulowan bumbon crakèn mau, yèn ora kena dilusi sarana prajangjian iya<br />
kanthi wasésa.<br />
Ing saenggon enggon angger Compagnie bisa becik karo ratu bangsa bumi<br />
mesthi banjur nganakaké prajangjian bisané lengganan ajeg (monopolie).<br />
Pulo Ambon (cengkèh) iku pulo kang dhisik dhéwé dadi duwèking<br />
Compagnie.<br />
Ora suwé saka kecekelé pulo Ambon ing kuwasané VOC. pulo Bandha Néra<br />
(pala) lan Bacan iya banjur kena diregem.<br />
Marga enggoné menang perang iku, laku dagang bumbu crakèn katekem<br />
ing kuwasané Compagnie, sabab ana ing endi endi, angger tanah wus<br />
kaayoman mesthi dilarangi lelawanan dedagangan karo bangsa liya kajaba<br />
mung karo VOC. dhéwé sarta regané dagangan dipasthi (monopolie).<br />
Para aandeelhouderé VOC. ing tahun 1610 didumi bathi 75%, wujud dhuwit<br />
utawa pala, kena milih ing sakarepé, nuli diedumi manèh 50%, dadi sataun<br />
baé tampané para aandeelhouder gunggung kumpul 132,5%<br />
Nanging kauntungan samono iku mungguhing satemené kauntungan ing<br />
dalem 8 tahun, awit adegé VOC. wus ana 8 tahun, mangka lagi mbayar<br />
anakan sapisan iku.<br />
Ing tahun 1611 para aandeelhouder tampa manèh 30%, nanging tumekané<br />
tahun 1619 wis ora oleh manèh.<br />
Wong wong padha ora rujuk, yèn pambayaring anakan jag jog ora ajeg kaya<br />
mangkono iku, terkadhang akèh banget, terkadhang pirang pirang tahun<br />
nyet adhem baé.<br />
Mulané sabakdané tahun 1625 pambayare dipranata, ing sabisa bisa<br />
diajegaké.<br />
Racaké pambayaring anakan marang aandeelhouder mau ing saben tahun<br />
18%.<br />
51