Create successful ePaper yourself
Turn your PDF publications into a flip-book with our unique Google optimized e-Paper software.
Kelakon Van Hogendorp bisa rembugan lan priyagung sakaroné ing kraman,<br />
nanging ora kedadéyan.<br />
Kang gumanti Governeur Harting iku bisa angon mangsa.<br />
Sarèhné Mangkubumi lan RM. Said tansah memungsuhan, mangka RM.<br />
Said kegedhén panjaluk, mulané tumrapé Harting gampang baé enggoné<br />
bedhami karo Mangkubumi.<br />
Ing tahun 1755 Sang Pangéran Mangkubumi bedhami lan Compagnie sarta<br />
Kangjeng Sunan ing Giyanti.<br />
Putusing bedhami Sang Pangéran kajumenengaké ratu ngerèh saparoning<br />
karajan Mataram, nanging kudu netepi prajangjian kuwajibané marang<br />
Compagnie.<br />
Sang Pangéran Mangkubumi banjur jumeneng ratu akadaton ing<br />
Ngayogyakarta Adiningrat jejuluk Sultan Hamengku Buwana I, Sénapati Ing<br />
Ngalaga Abdulrahman Sayidin Panatagama Kalipattulah.<br />
Wiyosané malem Rebo Pon kaping 27 Ruwah windu Sengara tahun 1641<br />
sinangkalan ”Janma Karya Wayanging Rat” utawa kaping lima malem 6<br />
Agustus 1717.<br />
Mungguh luhuring panggalihané Sang Prabu dicritakaké ing layang<br />
Rajaputra, mengkéné : ” Brataning galih sang nata, tansah olah jayèng jurit,<br />
atiti prana niskara, sura mbeg putus mikatsih, muja suraning dasih, pinrih<br />
samya gregetipun, sura asmarêng laga, memthèk kang wus wiradi, sinakyun<br />
dinadar boga busana.<br />
Sinuksma gung bala tantra, panglembanira ngenting, kongas ing prabawa<br />
nata, murba prabaning memanis, mawenes ing prajasri, asri rasning rum<br />
arum, sumiram wartèng wadya, warata esthining dasih, srah susetya rena lir<br />
manggih suwarga.<br />
Warga gung gambira samya, sumyak tejaning nayadi, adining kawirotaman,<br />
tumamèng karya narpati, kétang sihnya Sang aji, lumrah kang bala<br />
wadyagung, galaking para muka, tanah ing liyan nagari, myang ing manca<br />
kekes samya mèstu déya”.<br />
89