U - Euskaltzaindia

Lacosta'tarren afaria
Airea: (16)
(Euskaldunak EE-BB'etan elkar biltzeko xantza izanik nekez
huts egiten dute. Bertso hauetan Lacostatarren bilkura kantatzen du
Etxamendy'k otsailaren 26n).
Atseginekin izana dugu egun jiteko gomita,
adixkidekilan goxatzia, plazer haundiagorik ezta;
pena izanen nien segurki huts eginez gaurko besta,
erremestiatzen ziuztet hortaz, Marie-Jeanne eta Lacosta.
Aita-amak nigarrez utzirik, oroitzen niz ontsa aski,
etxetik partitzian zitien hamazazpi urte naski;
artian kusi baditu ere zuri eta beltz ausarki
haur denbora ta zahar denbora pasatzen ditu goxoki.
Ez dakit horren berri guziak bainan huntaz segur nago:
Lacostak bere denboran badu seur eginik tratu frango;
bainan bat egin zuen bestiak baino puskan hobiago
Marie-Jeanne hori zielarikan bilakatu' andretako.
Urte guziez ikusten tugu Kalifomia'rat jinak
bakazione ta estakuru pasatzen denbora hunak;
nahiz leku hotz eta bipilak ere baituen Montana'k
Lacostatarrek han duzte egin largoki beren fortunak.
Orai milesker gaurko gomitaz, Lacosta eta Marie-Jeanne,
juan den urtian e zien bestan holatsu ginen arizan;
zaurte Chino'rat arduraxago, ez gure beldurrik izan,
beste besta baten iteko 're uste dut jada prest nizan.
125
(1985 Otsailak 26)