U - Euskaltzaindia

Panpili eta Ximun
Airea: (101) edo beste ongi joan den edozein)
Panpili eta Ximun auzoan bi gazte ,
Panpilik ditu zortzi, Ximunek sei urte;
ardura adixkide eta elgar maite,
bainan samurtzen dira behin edo beste. (bis)
Pilota Ximunena ta haren gainian
zinez samurtu dira joan den egunian;
azkarrenak arrazoin du ardurenian,
Panpilik jo pasoka Ximun sudurrian. (bis)
Nigarretan lasterka etxerat joan ta,
sudurra odoletan txarra zuen planta.
«Panpilik sudurrian jo eta nau bota»,
orduian koleratu ama eta aita. (bis)
Panpiliren etxeko bortaraino jinik,
Ximunen aita zen han kopeta ilunik:
«Panpilik jo du Ximun t'etzuen hobenik!»;
joan da ait'arneri zemahi erranik. (bis)
Amak dio aitari handikan behala:
«Gizon horrek nahi zuen gurekilan gerla;
hoinbeste arrazoin txar ergel dariola,
ta zu ixil ixila tonto bat bezala».
Aitak dio arnari eman errepostu:
«Ixilik egoitiak bere onak baitu.
Menskeriak erran gabe naizela gelditu?
Bien partiak aise berak erran ditu».
77