U - Euskaltzaindia

J. C. Arrosagaray, ene adixkideari
Airea: (21)
Gustatzen zaut bestiak aditzia kantuz,
gure leku zaharrak artetan aipatuz.
Ideia hartzen nuen ta gero berriz uts,
bi bertsu zuretako egin nahiz, Juan Cruz,
ez nindaiken mentura zure errespetuz.
Frantses español muga han zuten ezarri,
Luzaideko erreka emanez zedarri;
nahiz gure sort-etxeak ez urrun elgarri,
nonbait han zazpi edo zortzi besain harri,
español eta frantses gintuzten ekarri.
Oroitzen naiz oraino, haur gaztia nintzan,
zu ikusirik balant Luzaideko plazan,
ikusi ere usu Luzaiden elizan;
gero joan zinela norbaitek erran zan
itsasoz bestalderat diru esperantzan.
Ni leku hetan egon naiz anitz denbora,
bi gerla're pasatu bestien gainera;
azkenian jin zautan nolazpait gogora,
bai eta 're pasatu itsas hunaldera,
segituz leheneko zure bide bera.
Ikusten dutalarik aritzen naiz beti
zure berrien galdez adixkide bati;
ikustera jin ere nahia aspaldi,
mihian azkar bainan fundamentu guti,
badut alta sos baino gehiago asti.
56